إذا تبحث عن كافيهات حي الازدهار بالرياض فهنا جمعنا لك أفضل خياراتنا اللي ننصح بها زوار موقعنا الكرام، الكافيهات في القائمة مجربة، ولكم اراء الزوار عنها
مكان رغم صغره الا انه ينقلك لعالم جميل جداً… قهوتهم بطلة والمكان رايق جداً للقاءات العمل، المكان جميل جدًا وشرررح ، الخدمة ممتازه ،، الباريستا بالفترة الصباحية تعاملهم واسلوبهم جداً مريح ولطيف ،، يستحقون الاشاده
تقرير متابع :
البُن المستخدم من محمصتهم الخاصه
عندهم نوعين من الاسبريسو للمشروبات الحاره والبارده ،، كذلك نوعين للقهوة المقطرة ،، الحلويات محدودة ،،
جربت عندهم مايلي :
– كورتادو التقييم 7-10 .
– V60 كولمبية التقييم 7-10.
للمزيد عن محمصة ومقهى نول بالرياض إضغط هنا
مكان هادئ وبارد للي يحب القهاوي الهادية بدون اغاني القهوة جميلة جداً الاسعار كذلك اشوفها من ارخص القهاوي اللي تقدم جودة وسعر ياليت يضيفون موسيقى
تقرير متابع :
ممتاز تعامل راقي ونضيف والكيف كله مزبوط ميه في الميه اتمنا لو تزورنه تحياتي
افضل مقهى في الرياض بلا منازع 👍🏻 مكان هادي و راقي و جميل جداً يتوفر في كل جلسه مكان للشحن و افياش برضو يتوفر دورة مياه نظيفة و العمال خلوقين و متعاونين ، و القهوة و الحلا عندهم جودة عاليه و شغل اكثر من ممتاز و اسعار معقوله ، ولا ننسى انه ولله الحمد ما عنده اختلاط او موسيقى او تدخين او اي منكرات و مشوهات و الناس فيه محترمه👌 صراحة فعلاً فعلاً ياليت كل المقاهي مثله اشكر صاحبه من اعماق القلب فعلاً شكراً جزيلاً لك على هذا المقهى العظيم و الله يبارك فيه ✨🌹 خمس نجمات قليله بحقه والله اروع من رائع
للمزيد عن اركا كافيه قهوة مختصة بالرياض إضغط هنا
كافيه صغير ويقدمون قهوه مختصه و حلى تشوروز ابدعو فيه بصراحه ولذيذ👒..والبكسات حقتهم لطيفه 😍 اتمنى لهم التوفيق والنجاح 🤗❤️
تقرير متابع :
المحل جيد جدا من الصور بس الصراحه انا طلبت منه من التطبيقات ولم ازوره ولكن تقييمي له راح يكون على الطلب نفسه وهو كالتالي :
– الطعم : ممتاز وخصوصا البايتس بالنسبه لي اعجبتني كثير اما الباقي كان جيد ايضا.
– التغليف : جيد الصراحه ولكن كان ممكن يكون افضل .
– السعر : مقبول الى حد ما وليس مبالغ فيه جدا مثل بعض المحلات الاخرى بالنسبه للجوده .
للأمانه انصح فيه كتجربه على الاقل و مستواه الآن جيد جدا و ممكن يكون افضل من كذا بعد .
للمزيد عن كافيه مايندر بالرياض إضغط هنا
مقهى نص تلقيمة بالرياض جمييييل المكان ولذيذ الطعم جلسات رايقة وغير رسمية ومريحة الشاي بالجمر ممتاز جداً عندهم شاي المعسل جربوه ممتاز انصح بالزيارة والتجربة يوجد مكان مخصص للمدخنين👍🏻
تقرير متابع :
والله محل كوفي رايق
وشاهي جمر مره جميل
ويوجد شاشات تلفزيون للمباريات
روووعة
شخصيا استمتعت وروقت
وادعوكم لخوض التجربة
مع مشروبات وكافي
وشاهي الجمر اللي على كيف كيفك
للمزيد عن مقهى نص تلقيمة بالرياض إضغط هنا
قهوة مختصة☕️في مكان صغير لكن هادي وديكور مريح👌🏻 يستخدمون بُن خطوة جمل☕️.. ألوان المكان مميزه✨يستاهل تجربة👍🏻الكوفي جمييييل وعلى النمط الاوربي الصغيره تكون هاديه ورايقه القهوه جميله اخذ دايما منهم لاتيه حار والصباح دريب كوفي يستاهل الصراحه
تقرير متابع :
القهوة مستواها جيد تستاهل التجربه المكان جدا صغير عدم تنوع انواع كثيره للحلويات الكوكيز جربته كان اقل من العادي
مكان مشرق يفتح ٧:٣٠ صباحاً ، يذكر بمقاهي الأحياء بالدول الأوروبية. صغير وبألوان زاهية واختيار دقيق لجميع تفاصيل المكان. القهوة من خطوة جمل والسعر مناسب جداً. تعامل الموظفين جداً راقي ويشجع على تكرار الزيارة.
للمزيد عن كافيه واي بلس إضغط هنا
المكان جميل جدا وهادئ، والديكور روعه، ويتميز بوجود العديد من الجلسات المختلفة التي تعطي للزبون حرية الاختيار، وتكون خدمة الموظفين في المكان رائعة.
تقرير متابع :
رائع بكل تفاصيله من حيث الديكور والهدوء وتنوع المشروبات الساخنة.. السلبية فقط في تشغيل الاغاني وما تتسبب به من تشويش وازعاج
افضل مقهى مهيلة دخلت بالرياض .. الموظف ايدي اعتبره من افضل موظفين المحل وهو اللي جذبني لهذا المحل بأسلوبه و متابعته المستمرة
للمزيد عن مقهى مهيلة الدانة إضغط هنا
تقرير متابع :
جربته بمعرض القهوة وماأعجبني طعم القهوة الله يديم النعمة ، ماإستمتعت بالقهوة ، على زحمته توقعته افضل من كذا 💔
حتى و الكاسة مليان نصها ثلج ماهم معبينها فل….. سبب فوري للمقاطعة صراحة
للمزيد عن كافيه كيمس بالرياض إضغط هنا
مكان مميز بديكوراته المختفلة الملفتة للنظر، يتميز بوجود جلسات خارجية وداخلية، ويكون مناسب للمذاكرة وعمل الاجتماعات، ويوجد قسم للعوائل وقسم للأفراد
تقرير متابع :
المكان جدا جدا جدا جميل وواسع .. والديكورات ملفته للنظر وحلوه ..
قسمين عوائل وافراد .. موسيقى واهني اللي ماسكها .. طرب بما تعنيه الكلمة ..
كان طلبي كورتادو من الباريستا الجميلة .. المكان يوجد به كتب ..
وينفع جدا للاجتماعات لوجود جلسات جميله .. وكل واحد مهتم بالفاشن .. المكان متعدد الخيارات ويستاهل الزيارة .. وراجع له مره ثانيه بأذن الله ♥️
للمزيد عن ايخي كافيه إضغط هنا
وللإضافة السريعة اضغط هنا
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
