#كوفي جميل في #الملقا يقدم #santa_nata 👍🏻 لذيذة الصراحة، أقل كمية ٤ حبات سعرها ٣٩ … إن شاء الله برجع له يوم أخذ قهوة باردة لأنهم يتميزون بطريقة تقديمها، يخزنون القهوة بإسطوانات بالنيتروجين … خذت قهوة اليوم، عادية جداً وغالية سعرها ١٢
اراء المتابعين
التقرير الأول
بتكلم عن خدمتهم و تعاملهم .. ناس مهتمة بالزبون و رضاه .. صار خطأ و الموظف نقص حبتين من الحلا .. بعد ماطلعت و انتبهت كلمتهم و قالوا بنعوضك بثنتين زيادة منهم .. أشكرهم ع كرمهم صراحة، الحلا لذيذ وهش فيه نكهة القرفة .. حبيته ورجعت له أكثر من مرة .. قهوة اليوم لذيذة جدًا ..
التقرير الثاني
الأوريجنال نايترو لذيذ جدا، السانتا سويت لذيذ ايضاً، المكان جمييييل بكامل تفاصيله. والستاف بشوش، هذا المكان جميل جدا البنت الصغيره جمانه احلا ما فيه سبق جيناه جميل المكان واسع هادي المشروبات روعه واحلاهم لا يفوتكم فضيع جدا يستحق الزياره عدة مرات
التقرير الثالث
كانت زيارة وحيدة للمكان في شهر أبريل ٢٠٢١ . المكان جميل ورايق، وأعجبني جدا تخصصهم في مشروبات “الكولد برو” ومن تجربة نوع واحد فقط أجزم بأنهم أبدعوا في تخصصهم.. جربت قهوة الاكزوتيك، وكانت أجمل كولد برو شربته في المملكة بلا مبالغة.. الحلى المشهور عندهم سانتا ناتا جميل ورائع، ما أحس إني أدمنت عليه لكن يستاهل التجربة وماني ندمان على شرائه، عتبي فقط عدم توفره الا اربع قطع او ستة عشر قطعة.. ما المانع لو يباع بالحبة الواحدة؟ عندهم أنواع قهاوي ومشروبات موهيتو أخرى لكن ما جربتها للأمانة، لو عدت للرياض أكيد ستكون لهم زيارة ثانية بدون شك.. سلبيات: الجلسات مش مرة كبيرة ولا يوجد بارتشن أو قسم مخصص للعوائل والأفراد حسب ما فهمت
التقرير الرابع
هذي ثاني مره اجي للمكان خذت منهم المره الاولى اي تي بيريز المره هذي قلت اغير دخلت للبار اللي في الاخير خدمني الموظف اللطيف نواف محتتررررم جداً وقمة في الادب ماشاءالله عليه سوا لنا موهيتو اوشن و سوا ثاني مانقو وكلها من طريقته وابتكاره جداً لذيذة و ارجع عشانها تستاهل
التقرير الخامس
هادي المكان وحلو وديكوره وتصميمه جميل بارد وطعمه لذيذ أخذت أتوقع بلوبيري أعجبني وينراح له مره ثانية بس الشي اللي ما أعجبني فيه اللي هو أول ما تفتح الباب على يسارك كلهم يدخنون والريحة قوييية مرره
التقرير السادس
المكان جداً جدا جميل ورايق وهادئ بار اللي مختص بالكولد برو والسبانيش والسويت البرتغالي جداً متعاونين ونفسهم حلوه جداً والبار المختص بالمكس مع الكولدبرو والمشروبات الباردة جداً متعاونه ولطيفة جداً طبعاً في نوعين كولد برو انا اعجبني الـ Exotic حموضته واضحه جداً الايس سبانيش ممتاز المكس مع الكولد برو لذيذ جداً جداً الباشن فروت * يعني من الأخير مكان لعاشق الكولد برو يفوز ولا غلطة
التقرير السابع
تاب من أماكن القهوة الجميلة واللي لها جوها الخاص، البار كوفي يفتح من الساعه 6:00 المساء إلى الليل، وعندهم الكولد برو مميز جداً، وزاد التميُز أنهم يضيفون له بعض الخلطات اللي تعطيه طعم أجمل أكثر، غير الموهيتو عندهم اللي مع الموية الغازية، طبعاً عادة أطلب منهم شيري بيري كولد برو، وفيه حاجة مهمه طاقم العمل اللي يعملون في الكوفي بار جداً لطيفين الأخ: لؤي وكذلك جمانة
