الجلسات جميله فيه خارجيه عالمسبح وفيه داخليه جربت اطباق الفطور : رول اومليت لذيذ وخفيف٣٧ريال بيض سكرامبلد مع بيستو وبوراتا المكس يجنن ولذيذ٣٩ريال كابتشينو حلوه ٢٥ريال الاطباق جميله ولذيذه بس تمنيت حاطين سايد سلطه مع الفطور يفتحون من ٧ الصباح
التقرير الثاني
كنت عندهم فطور ، جلست بالجلسات الداخلية موقع الكوفي ججميل مررة ويعتبر من اشهر الكافيهات وأقدمها في واجهة الرياض جربته بداية افتتاح الواجههة بالليل وجربت حلاهم اللذيذ والمشهور مع قهوة عربية وحلا ثاني مذكر وش كان بس اذكر ان ماكان عندي اي ملاحظة بس كانت ملاحظتي الوحيدة أنو كان مررررره زحممممة ولازم تحجز قبل الدخول ، وجربته هالمرة بالصباح جميل مرره ورايق و أسعارهم بالفطور حلوووة مرة ، طريقة التقديم جمميلة والنظافة 10 / 10 ، الخدمممة سرررريعة مرررة والعاملين بالمكان بشوشين و متعاونين ، منيو الفطور مو منوع مرررة يعني الأصناف تعتبر محدودة و بالنسبة لملاحظتي عليهم حطوا لي الشاي بكوب سفري مع وجود الأكواب السيراميك بس طلبت تغييره ، نفس الشي وضع الأطباق بدون صحون للأكل بس طلبت صحون وجابوا ، الملح بحكم ان ملح الطبق كان قليل عندهم مو من ضمن خدمات الطاولة وطلبت ملح وجابو لي بكوب قهوة ؟؟ استغربت صراحة اتمنى ملاحظاتي تؤخذ بعين الإعتبار و أتمنى لكم كل الخير والتوفيق و السداد
التقرير الثالث
تجربة الفطور رائعه جلسنا في الجلسات الخارجيه رائعه ورايقه طلبنا فطيرة شكشوكة وكريب رول و جاتشا كلوب ساندوتش و الكوفي كان بيستاشيو الاكل لذيذ وراهي
التقرير الرابع
المكان مرا حلو واطلالته اجمل فطورهم كان منوع جربت الفطور الشرقي ورولات البيض وفطيره الشكشوكه .اسعارهم متوسطه يعطيهم الف عافيه
التقرير الخامس
MuH فطورنا كان في هالمكان الجميل مكون من جلسات خارجيه وجلسات داخليه تجربتنا كانت: – طبق فطور شرقي – طبق ساندوتش كلوب – شاهي الفطور بهالاجواء تجيب العافيه
التقرير السادس
مكان رائع وجو خيااااااااال تجربتي في هالكوفي كانت عباره عن 3 اشياء 1/ الاستقبال قال لنا بعد ماتطلبون لكم 45 دقيقه وبعدها تطلعون اذا كان زحمه هذا نظام عندنا ماحبيت هالنظام ابداً وياليت يغيرون هالشي 2/ الأسعار مبالغ فيها جداً ايس سبانش لاتيه ب 29 اسبريسو 21 التشيز كيك ب 79 3/ من ناحية الطلب كان لذييييييييذ مره ايس سبانش لاتيه لذيذ 10/10 والتشيز كيك يجنن 10/10 الاسبريسو مر بزياده
التقرير السابع
الوجبه افطار ..الجو عام رائع ورايق الخدمه جيده لكن يعيبهم عدم توفر بعض الاطباق جيتهم قبل وسألتهم عن كم صنف ماكان متوفر وتركتهم جتهم بعد فتره ونفس الشي مثل الكلوب ساندويتش وفطيرة الشكشوكه ،كروسان الحلومي ،كروسان الماك اند تشيز ….طلبت فطور شرقي الفول كان بارد وطلبت تسخينه ..القهوه عاديه
