إذا تبحث عن كافيهات حي قرطبة الرياض فهنا جمعنا لك أفضل خياراتنا اللي ننصح بها زوار موقعنا الكرام، الكافيهات في القائمة مجربة، ولكم اراء الزوار عنها
المكان جداً جميل و الموظفين تعاملهم جداً جميل و سريعين و عندهم مبادره حلوه على كل فاتوره يتبرعون بريال عنك
تقرير متابع :
مكان رائع جداً ، القهوه رهيبة جربت السبانيش لاتيه البارد وكيكة التمر وتجربة رائعه وسأكررها قريب ان شاء الله، تعامل الموظفين ممتاز وخلوقين جداً الله يوفقهم ابناء الوطن❤️
التقرير الكامل لروزابيلا كافيه بالرياض
مكان جميل وهادي وشرح والديكور بسيط ومريح للعين صراحه وعندهم القنوات الرياضيه .
تقرير متابع :
المكان رائع جداً، اهتمام بتفاصيل راعين الشاهي بشكل من الديكور الخشبي والألوان وطريقة التقديم .. الشباب والبنت اللي يشتغلون اسلوب عسل وراقين واللي أرقى وأجمل مديرهم حبيب وجالس بينهم مهتم أن كل شي يكون مرضي للعميل
التقرير الكامل لكافيه خبير الشاي بالرياض
مقاهى تصميمه جميل وهادئ ينفع للمذاكرة و ممتاز للتصوير ايضاً، فيه رسمة عالجدار اعجبتني جداً، والجلسات جميلة و رايقة، والكاشير كان لطيف وتجهيزهم للقهوة سريع
تقرير متابع :
تجربة رائعة
البُن طعمه ظاهر في القهوة بشكل لذيذ✔️
الوزنية ممتازة🤎
الأسعار مناسبة ممتازة
المكان مرتب ونظيف
الديكور رائع خصوصاً في النهار
الخيارات متعددة من أنواع المشروبات والحلى
والأجمل أنه المالك متواجد في المحل ويحتفي بزواره ويقدم لهم أفضل الممكن ✨
يستحق الزيارة دائماً
التقرير الكامل لكافيه محتوى القهوة بالرياض
محل لبيع الشاي و القهوة ، جربت عندهم شاي تلقيمه كان مميز بقوه ، المحل صغير شوي و لكن مكيف و معزول عن المدخنين ، اسعارهم جيده ، يستحق التجربه و تكرار التجربه .
تقرير متابع :
٥ نجوم بالبداية لصاحب المكان ، و٥ نجوم ثانية للمكان نفسه ، الجلسات حلوة والمكان مريح وهادئ ورهييب ، الشاهي والموهيتو وباقي الأصناف جميلة جدا ، الله يوفقهم وزباين لهم دائما وأبدا 🙏🏻
التقرير الكامل لمقهى شاي واكثر
كوفي جميل وهادي جلسات كثيره جداً بالدور الارضي والدور الاول يوجد جلسات داخليه وخارجية ورذاذ يوجد موسيقى يوجد دورات مياة
تقرير متابع :
كوفي جميل وهادي جلساته واسعه وكثيره يوجد جلسات خارجيه في الدور الاعلى والارضي وخيارات في انواع صنف البن ومتنوع في تشكيلات الحلا مميزه وجربت قهوة كاميكس من يد الباريستا محمد من الجنسية الاسيوية بصراحه متقن ولا غلطه جدا القهوه جميله احب اشكره ولي زياره اخرى
التقرير الكامل لمقهى مئة وثمانين درجة
كوفي جميل ورايق جلساتهم جميلة و مميزة وقهوتهم بالمخ تخليك ترجع لهم
تقرير متابع :
المكان جميل ولكن يعيبه أسعاره مرتفعه قليلا مقارنة بالمجاورين
وايضا لا يوجد مكان مخصص للعوائل او غير المدخنين
اغلب رواده شباب مدخنين نسأل الله أن يعصمهم عن التدخين
اقترح توفير جزء لغير المدخنين والعوائل .
واتمنى التوفيق لهم والشباب السعوديين العاملين بالكافي
التقرير الكامل لكافيه جابا GABA
قدم القهوه المختصه ( حاره . بارده ) وبعض الحلويات الخدمه ممتازه الطعم جميل جدا الاسعار متوسطه لمرتفعه
تقرير متابع :
ماشاءالله الديكور الصراحه جميل واسعاره معقوله جدا وقهوتهم لذيذه جربت الايس سبانيش موزون ومايغث بكرر تجربتي اكيد👍🏻👍🏻
التقرير الكامل لقهوة انزو enzo coffee بالرياض
المكان نظيف جدًا ، التصميم ممتاااز وفيه اطلالة. الاكل لذيذ وجودته ممتازة. القهوة ممتازة
تقرير متابع :
المكان جميل جدا بديكور فخم ايطالي
من طابقين
جلسات خارجيه بالدور الارضي وفيه شاشه عرض ( للمباريات )
وجلسات بالدور الاول داخليه وخارجيه (عوائل )
فيه مصعد (ذكرني بمصاعد اوروبا )
لايوجد موسيقى
مناسب لكبار السن وللاطفال 👌🏼
القهوه لذيذه جداً ايطاليه مافيها حموضه ومو ثقيله
والكبتشينو لذيذ ❣️🥰👌🏼
اما الحلا طلبنا كيك الليمون وكيك اليزابيث ( اليزابيث تفووووز لذيذه جدا مع القهوه )
الموظفين بالكاشير سعوديين جدا رائعين
المكان كبير و رايق جداً
بالتاكيد ساعيد الزياره ❣️👌🏼
التقرير الكامل لفونتانا كافيه fontana caffè
مقهى وكوفي ادوات نظيفة ادارة بقيادة ابوعمر شخص بشوش ومبتسم نظافة شاشات كبيرة يوجد قسم عوايل اكل ومشروبات مميزة وبن سبورت ويوجد جلسات خاصة الدور الاول لعوايل
تقرير متابع :
صراحة المكان شرح و روعة و هادي
القهوة شي عجيب بما اني احب المسمار فيها بس الافضل انهم يسألون اذا تبون تضيفونه او لا لان البعض ما يحبه فاللي معاي ما كانت تحب المسمار فيها.
البان كيك اللي طلبته كان حلو و طعمه لذيذ بس نفس الشي ودي انهم يسألون قد ايش تحبون التشوكليت فوقه لو يقللونه او يحطونه منفصل..
المصابيب مادري وش اقول تجنن 🤤🤤 لذيذة انا طلبتها ع المدح و فعلا تستاهل المدح.. اطلبوها و انتم مغمضين.
قلت الملاحظات هذي للي استقبلنا اللي ما شاء الله بشوش و يخدم بكل لطافة و احترام و أصر انه يجيب كوب قهوة لها لانه ما استمتعت بالقهوة .
من الاخر الكوفي حلو و جميل للي يبغى يغير جو
التقرير الكامل لمقهى فن البن
المكان جيته فترة العصر ، الحمدلله المكان هادئ ولا يوجد موسيقى ولا ازعاج ، مكان حلو تاكل وتسولف فيه 😃 الديكور جميل جداً ، التصميم للمكان رايق وشرح والفازات اللي حاطينها ذووووق
تقرير متابع :
الكوفي مساحته ضايعة وخاصة من مكان الطلبات من اول المحل الى آخره حجم مكان الطلبات وعمل القهوة كبير جداا وكمان اي تحضير للطلب يسبب ازعاج لقربه من الجلسات يعني مكان الطلب جاي من اول الكوفي لآخره … القهوة صراحه لذيذة لكن لو كانت مقدمه بكأس مو ورق بيكون أجمل ( سبانيش ساخن ) الستاف عمليين ماشاء الله لكن فيه شاب رائع جداا اسمه مازن أنا اعده مكسب للمحل شاب لطيف متمكن من عمله عارف انواع القهوة ومكوناتها كامله والحلا والفرق بينهم وشرح مفصل للزبون __ وكمان تعامله مع الزباين ذوق وأدب واحترام وتقدير ~ النوعية هذي من الشباب مثال رائع لكل سعودي
التقرير الكامل لكافيه دي مانور بالرياض
كوفي جميل واضافة جميله بالحي والمكان راقي وهادي وديكور مميز وطعم القهوة لذيذ مكان انيق ومريح للعين من دورين والدور الثاني اجمل لكن الدرج غير عملي .. طاقم العمل جداً لطيف
تقرير متابع :
تجربة جديدة لـ اورتا، الفترة بعد العصر مباشره..
في البداية الاستقبال جيد والخدمة جيده..
جربت الاسبريسو وسعره 11ريال ويستخدمون بُن اثيوبي من محمصة انديس وكان جيد رغم اني أفضل يكون تقديم الاسبريسو بكوب سراميك..
الفلات وات كان جيد جداً.. وجربت التراميسو ويعتبر عادي وسعره 20ريال ويعتبر سعر غالي على الحجم الصغير..
المكان جلسات داخلية فقط ودورين.. ولايوجد موسيقى في المكان..
وكل التوفيق لهم..
التقرير الكامل لاورتا كافيه الرياض
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
