كافيه تقطير القهوة المكان جدا جميل وخيار ممتاز لعشاق الهدوء مناسب جدا لمحبين العمل والدراسة كل مكان بالكوفي اذا بتخلص شغلك مجهز بأفياش 👍🏻 جلسات داخلية فقط 🪑
الربوة، طريق الأمير متعب بن عبدالعزيز، حي، الرياض
966591238098+
القهوه رائعه جدًا و الباريستا جدًا لطيف وتعامله راقي ، الكوكيز و الانقلش كيك لذيذ ، المكان دافئ و كوزي ، و اكثر شئ رهيب الاكواب رخيصه و حلوه .. لو فيه اكثر من خمسه كان قيمت شكرًا لكم🤍
الفلات وايت موزون ☕️
سبانيش لاتيه لذيذ 🤤
خيارات الحلا متعددة 🍰
الكوكيز جيد 🍪
عندهم انواع من الموهيتو مع هالاجواء لابد منه يسرسح
ويراهنون عليهاا ان راح تعجبك 🪢
محل جميل ورايق وبسيط ديكوره الطعم ٧ من ١٠ اعطيه والاسعار جميله مو مبالغ فيها تعامل جدا راقي ومحترم يستحق الزياره 🙏.
تجربة جميلة لدى تقطير القهوة
عندهم المشروبات باردة ومميزه وخارجه عن المألوف
طلبنا كان ايس زعتر لاتيه وكان لذيذ صراحة اهنيهم 👍🏻
وبالتوفيق لهم
القهوه ممتازه عندهم اول واحد اقول ابي فلات وايت اكسترا هتت ويسويه حار اغلب الكافيهات يسوي على مزاجه .. يعيب الكافيه موقعه ومواقف السيارات واخر ملاحظه لباس الباريستا مو مناسب لابس ثوب لكن تعامله ممتاز الله يعطيهم العافيه
القهوه رااائعة وجربنا العربي لاتيه لذيذ فيه طعم هيل وزعفران خلانا نجرب منه قبل نطلب وطلع لذيذ برضو عندهم خيارات ثانيه غريبه للبارد اذا حابين تجربون شي جديد
تعامل الستاف كان لطيف جداً 💕
المكان بسيط الديكور هادئ الباريستا شاب سعودي بشوش ومرحب
مافيه موسيقى جزاهم الله خير
القهوة مضبوطة لي عودة ان شاءالله
كل شي ممتاز لكن مالك المقهى من نظام الي ما يبيك تجلس في المقهى يعطيك من الكراسي السيئة عشان ما تفكر تجلس او ما تصير راعي طويلة في المقهى ، وهذي النقطة من الأشياء السلبية في المقاهي ، والمقهى من الأخير لا تفكر تجي تجلس فيه عشان لو جيت وجلست ربع ساعة صدقني من بكرا بتحجز موعد مع دكتور عظام متخصص في آلام الظهر 😅
وللإضافة السريعة اضغط هنا
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
