إذا كنت من زوار منطقة التحليه في الرياض وتبحث عن افضل كافيهات التحليه في الرياض فهنا جمعنا لك أفضل خياراتنا اللي ننصح بها زوار موقعنا الكرام
مقهى وكوفي رائع ، أعجبتني الجلسات الخارجية والهواء كان فيه لمسة برد ولطيف جدا وفيه رشاش رذاذ لتلطيف الجو اذا كان الجو حار ، وايضا جميل لمتابعة المباريات والجلسات الداخلية حلوه ومريحه يصلح لجمعات الأصدقاء والصديقات
تقرير متابع :
كافية قهوة مختصة. يقدم قهوة كوستاريكا بطريقة V60 متميزة بطعمها وعنده شاي بوسطن مميز بدون مرارة وبالطبع عنده اصناف القهوة المعتادة وبعض انواع الحلى المتميزة مثل كيكة الزعفران والبندق والبراوني. مكان مناسب لمشاهدة المباريات و أسعاره معقولة جدا.
لتغطيتنا الكاملة عن كافيه لاڤوريو
قهوتهم لذيذة لديهم بن خاص فيهم خيارات الحلا منوعة ولديهم ايضا شاي وموهيتو لديهم جلسات داخلية وخارجية
تقرير متابع :
المكان صح صغير بس رايق والعاملين فيه محترمين وراقيين جدا.. طلبت فلات وايت موزون ولذيذ والقهوة لذيذة.. وامي طلبت لاتيه جوز الهند مرة لذيذ.. وتشيز البستاشيو حيل لذيذ لدرجة اخذنا سفري زيادة.. وتشيز سولتد كراميل بعد لزيز ..
لتغطيتنا الكاملة عن كافيه سومبريرو Sombrero بالرياض
يهبل المكان يشرح الصدر الالوان زاهيه و روعه تنسيق مميز و فخم يفتحون من 7 ص الاصناف متنوعه و لذيذه الشباب السعودين العاملين سرعة في تنفيذ الطلبات للعميل يشكرون على التقديم المميز
تقرير متابع :
والله كفي جميييييل جداً ورااااااايق وتعامل الموظفين خصوصا موظف الكاشير سعودي من اجمل ما يكون
زرناه مرات كثير ورح نستمر نزوره باذن الله بس تتعدل الاوضاع باذن الله
طلبنا من القهوه : فلات وايت + لاتيه ممتتتتتتتازه القهوه ولذيذه جداً
طلبنا من الحلا بحكم عدد الزيارات : فرنش توست وكان اخر شي نزل عندهم لذيييييذ جداً مخلوط بنوعين صوص سولتد كراميل ولوتس لا يفووووتكم وايضا طلبنا كيكة التمر ممتازه وكان طعمها على الطريقة التقليديه ويقدم معها ايسكريم ، وايضا طلبنا كيكة الحليب : حاجه ما توصف والله لذيذه جدا جدا واقيمها من افضل الحلا عند سنتيو
المكان رائع خصوصا الجلسات الخارجيه وفيه احترام لقسم العوائل والافراد ، الجو بشكل عام : ينفع للسواليف الطويله يمشي الوقت وماتحسون فيه
يستحق التجربه مليون مره
اشكر صاحب الكفي والقائمين عليه
ومن توفيق لتوفيق باذن الله .
لتغطيتنا الكاملة عن سينتيو كافيه
مكان يستاهل عشر نجوم ، راقي وأنيق. العصير والقهوة والحلويات لذيذة. وجربت الارجيلة منكهة ، ونظافة وتعامل راقي من قبل الموظفين. انصحكم بزيارته
تقرير متابع :
لتغطيتنا الكاملة عن مزغان كافيه Mazagan الرياض
التصميم مره جذاب وانيق ويستاهل الزياره تنوع الجلسات والاضاءه الجميله الخافته من اماكن طريق محمد بن عبدالعزيز ( التحلية ) المميزه المكان جدا جميل جيته نهار واحس بالليل اجمل الصراحه تعامل الموظفين ولطفهم لايعلى عليه
تقرير متابع :
المكان جديد , تصميمه عصري وجميل جدا وخارج المألوف ,لم اقم بتجربة القهوة ولا اي مشروب لديهم مع اقتناعي بأنه سيكون جميل بسبب المحاصيل المستخدمة لديهم , الموسيقى صاخبه جدا جدا لدرجة الانزعاج وعدم الراحة نصيحتي للقائمين على هذا المكان الجميل خلق بيئة تناسب الجميع بأن يكون الصوت هادىء مما يتناسب مع رغبات الجميع وهذا سبب عدم تجربتي للمشروبات مع ايماني بجودتها , الاسعار ممتازة جدا جدا جدا كما فالقائمة المرفقة فالصور اتمنى لكم التو
لتغطيتنا الكاملة عن كافيه كولبو COLPO الرياض
المكان جلسته جميله فيه جلسات خارجية فيها ضباب وجلسات داخليه مكيفة يقدم المشروبات من عصائر وقهوة كما يقدم الشيشة.
تقرير متابع :
المكان جلسته جميله فيه جلسات خارجية فيها ضباب وجلسات داخليه مكيفة يقدم المشروبات من عصائر وقهوة كما يقدم الشيشة. بالغالب لا يحتاج لحجز ولكن افضل احجز حتى لا تتفاجاد بعدم وجود مكان. توجد شاسات عرض كبيرة بالخارج تعرض المباريات وبالغالب يكون فيه متابعين لها واصواتهم قد تكون عالية احيانا. المساحات الخارجية كبيرة ومكان مريح في شارع التحلية. من يضايقه رائحة الشيشة او صراخ المشجعين فلن يكون هذا افضل خيار له ولكن للمكان اجواء خاصه لها محبيها. يعيب المكان عدم وجود خيارات طعام متعدده فهو لا يصلح لتناول عشاء ولا حتى الوجبات الخفيفة. مكان الجلوس منخفض عن الشارع فانت تسمع اصوات السيارات ولكن لا تشاهدها من الاسفل وانت جالس. نتمنى لكم زيارات سعيدة.
لتغطيتنا الكاملة عن لنوى لاونج كافيه الرياض
المكان فكرته مُختلفه عن العادة و شرح و انيق و يعيشك جو ثاني الالوان فيه مريحة للعين و هادي و معتمد على ضوء الشمس
تقرير متابع :
ببدا بالمكان والتجربة بعدين رأيي بالطلبات آخر شيء ،، بدون مبالغة أكثر كوفي مريح دخلته بالرياض جدًا جميل الاضاءة تصميم المكان الموظفين خدمة جدًا جميلة غياث يشتغل بنفس وروح حلوة وباقي الموظفين بعد ، فيه كورنر بورد قيمز يونّس جلست بالكوفي اكثر من ٣ ساعات بدون ما احس بالوقت التجربة 10/10
بالنسبة للطلبات ،،،
القهوة جربت الفلات وايت وكانت زي ما الكتاب بيقول قهوة لذيذة جدًا ،،
السويت جربت التشيزكيك ( اقتراح غيَّاث) ألذ تشيزكيك ذقته السانتاناتا لذيذة والبراونيز كان نص ونص
وجربت الآيستي لذيذ بعد
أكرر التجربة طبعًا
لتغطيتنا الكاملة عن لسوسيال كافيه الرياض
المكان جداً رايق ومريح ، الشيشه حلوه الاكل والقهوه بشكل عام لذيذه، تعامل الموظفين جداً لطيف ومحترم يستحق الزياره.
تقرير متابع :
المكان يعتبر لطيف وهادئ واجواء رمضانية .. عيب اللاونج انهم مايردون على الاتصالات واتصلوا علي بعد ساعه من الاتصالات ، يجب على العاملين فيه الاهتمام اكثر للزبون خصوصا ان المكان ماكان فيه زحمة ، نوعية الطعام مميزة والجلسات مريحة ، ممكن بغير رمضان اجوائه مختلفة اكيد ، ، لي تقيم آخر بزيارتة بعد رمضان .
لتغطيتنا الكاملة عن سكاي بار لاونج الرياض
مقهى رائع هادي و رايق جدا و المعاملة من جيدة الى جيدجدا
تقرير متابع :
المكان هااااادي ورايق
و ما شاء الله ما فيه احد
اخترت الجلسات الي فوق فيها تلفزيون يفتحون لك المباراة لو فيه مباراة
الموظفين خدومين
المحل فيه صوت موسيقا بالكاد تكون معدومة ..
طلبت سلطة يونانية مقبول الطعم ، والكمية قليلة ..
الكوفي لذيذ طلبت لاتيه و جاء معاه كوكيز
اخذت كروسون بالزبدة تيك اوي
بالنسبة لي ممكن ارجع له للرواقة
لتغطيتنا الكاملة عن لبيانتا كافيه
المكان حلو و نضيف فيه ٣ جلسات داخليه& خارجيه على طريق التحليه & خارجيه على الحديقه الكوفي لا يوجد فيه دورة مياه
تقرير متابع :
صراحه المكان رايق ورهيب بالنسبه لي انا صراحه اعجبني حبيت المكان وصراحه افضل كيك اعجبني الكيك كله حلو
طلبت لاتيه وسبانيش لاتيه وحلى بوندق الكراميل المملح، ممتاز طعهم ومره سعرهم مناسب وتعامل الموظفين السعوديين عسل وبشوشين
لتغطيتنا الكاملة عن لارابوستا كافيه
بتيل كافيه بالرياض مطعم وكوفي روووعه وشيك الاكل لذيذ والمشروبات الديتوكس رهيبه والمسؤولين عن المكان في قمة الذوق
تقرير متابع:
المكان مميز وجميل وهادىء التصميم عصري تم طلب العديد من الاصناف مثل , قهوة أمريكية , حلى ميلفاي الدبس , اكلير الشوكلاته , كعكة شوكلاتة مدغشقر الداكنه , كان تقديم الطلبات مميز وحرص العاملين على العملاء , توجد جلسات خارجيه فالهواء الطلق مزوده برذاذ الماء , المكان مميز جدا ويستحق الزياره
لتغطيتنا الكاملة عن بتيل كافيه بالرياض
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
