مطعم لبدة lubda الرياض من الذ مطاعم الرز واللحم او الدجاج اللي جربتها قي الرياض اكلات حائلية بطبخ مميز الموظفين ودودين ومرحبين انصح به
طريق الأمير محمد بن سعد بن عبدالعزيز،، العقيق، الرياض 13515،
966582605460+
تم طبخ عندهم صحنين لحم حاشي ، جايب اللحم من برا وطبخوه ، شغلهم ممتاز ويجمّل ماشاء الله ، والطعم رائع واللحم مستوي وذايب ، ويهتمون بالاخراج والشكل ، والشباب في الاستقبال والتحضير راقين في التعامل ، اتمنى الاستمرار على نفس الجودة
الاكل لذيذ جدا وفوق الوصف من الذ الاكل الشعبي الحايلي اللي ذقته بحياتي اصلا من دخلت المحل الريحة قالت لي هالمحل غيييير ، نصيحة اطلبوا نفر اللحم وحبة الدجاج والجريش طعم ثااااااااااني يبقى عالق بالذاكرة والقرص لذيذ وياحظ اهل العقيق فيهم .. الله يبارك لهم على الشغل النظيف والتسليم السريع والاسعار المعقولة واللطف والبشاشة
المطعم لذيذ يشبه اكل البيت من نظافته ولذّته بس تعليقي على الجريش طالبينه بلحم على كلام الموظف ولا جاتنا نتفه وحده في الطلبيتين.. المطعم دورين بس الدور الثاني مقفل والجلسات في الدور الاول ضيقه شويه التجربة عمومًا حلوه والاسعار جيدة وتستاهل زيارة ثانيه واتمنى يكون فيه تنويع اكثر في الطلبات
الأكل الحائلي كما يجب أن يكون استطيع أن أقول للمره الأولى أجد في الرياض مطعم يقدم هذا الأكل بهذه الجودة ، الرز المزه المليانه طعم والقرص الموزون .. الأكل لذيذ جدا
الاكل بشكل عام لذيذ اعجبنا الرز احمر وابيض مع الدجاج والجريش .. القرصان عادي توقعته اجمل .. جلسات داخلية دور واحد وقريبا بيفتحون جلسات بالاعلى
انا من محبين مطاعم الشعبيات واعرف فيها واستطعم بالاكل الذيذ .. الرز كان جميييل ولذيذ جداً والكميه راهيه ماشاء الله اما بالنسبه للنجم الجريش لذيذ لذيذ ماينشبع منه على اصووووله كل شي كان جميل ولي عوده له اكيد باذن الله
مطعم حايلي
أكلهم حنووون ودافي كأنه أكل أمهات
أطلب منهم باستمرار سفري
وتقييمي كتبته بعد ٣ مرات تجربة
الرز الابيض والاحمر ممتاز وتحمير الدجاج بطل وتجي معاه طحينه في الراس
القرصان عادةً ما آكله بس قرصانهم حلو حلو
الجريش الأحمر لذيذ بس كمية الدهن فيه تعور القلب
اتمنى يتنوع المنيو أكثر ويخففون الزبدة في الجريش
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
