مطعم كيلو كباب الرياض (الأسعار+ المنيو+ الموقع)

مطعم كيلو كباب الرياض قادم من الشرقية مطعم متخصص بالمشويات والأطباق اللبنانية، منيو غني ومتنوع بالأطباق، المشويات لايعلى عليها بيكون منافس وبقوه الكمية رااهية والتتبيله مميزه و جلسات بخصوصية تامة للعائلات يتوفر بارتشن

• الإسم: مطعم كيلو كباب الرياض
• التصنيف : مجموعات/ أفراد
• النوع : مطعم
• الأسعار : متوسطة
• الأطفال : مناسب
• الموسيقى : لا يوجد
• مواعيد العمل:، ١١:٠٠ص–٢:٠٠ص/الجمعة، ١٢:٠٠م–٢:٠٠ص
• الموقع الالكتروني : للدخول للموقع الإلكتروني للمطعم إضغط هنا
• الموقع على خرائط جوجل : للوصول للمطعم عبر خرائط جوجل اضغط هنا

عنوان مطعم كيلو كباب الرياض

الشيخ جابر الاحمد الصباح، القادسية، الرياض 13236

رقم مطعم كيلو كباب الرياض

966570040016+

ماشاء الله مطعم روعه الكباب لذيذ 10/10 التعامل راقي المكان دورين الذور العلوي مطلع على شارع الشيخ جابر نظيف جداً الاسعار مناسبة

أفضل أطباق المطعم

:شوربة عدس ، شيش تايلندي ، فتوش ، تبولة شمندر ،طبق حمص مشكل ، ورق عنب ، ماما غنوج ، بطاطا حره ،كباب خشخاش ، كباب عراقي ،عرايس داينمت ،(طاجن فاهيتا لذذيذ للأمانة)

منيو مطعم كيلو كباب الرياض

تقارير المتابعين للمطعم :

التقرير الأول:

أولًا بتكلم عن الاستقبال والموظفين
جميع الموظفين كانوا لطيفين جدًا وبالأخص السيد إلياس المحترم كان طول الوقت يتأكد من راحتنا وإذا ناقصنا شيء، يعطيه العافية

بالنسبة للأكل لذيذ جدًا، بالذات الكباب العرافي (كان توصية من السيد إلياس) اقيمه 5/5
والتبولة ايضًا كانت لذيذة 5/5
باقي الأكل كان لطيف

انصحكم تجون وقت الغداء مافي زحمة والمكان شرح ولطيف

التقرير الثاني:

المطعم جديد في حي القادسية، يتكون من دورين وفيه بارتشن للي حاب، مافيه موسيقى واشكرهم، الجلسات جيدة، والعاملين اكثر من رائعين بشوشين ويخدمونك خدمة رائعة.

الأطباق عجبتني

المشاوي ١٠/١٠ كانت فرش ولذيذة وفيها نكهة جديدة
الفتوش ١٠/١٠ ضروري تجربونه
العرايس ١٠/١٠
بطاطا حره ١٠/١٠ بس كثرو ليمون
الحمص باللحم ١٠/٦
كبة لبنية للاسف كانت باردة فما اعجبتني

الأسعار متوسطة ومناسبة ومرفقة بصورة الفاتورة

التقرير الثالث:

تم زيارة المطعم مع العائلة والصراحه الجميع مبسوطين اكلهم لذيذ خدمتهم رائعه يقدمون بعد الاكل شاي ضيافة ولو خلص يعطونك زياده بعد حبيت المكان والاكل

المطعم يفتح النفس مرتب نظيف الجلسات متنوعه يحطون لك بارتشن لو حابه تجلسين برا
الاكل مرا خفيف ع المعده مو تاكلين كباب وتنغثين بعده خدمه ممتازه وسرعين ما شاء الله
ونشكر اليأس ع خدمته الممتازه

التقرير الرابع:

جربت صحن مشاوي رهيب
وصحن مقبلات مشكل جميل
عندهم شاهي ضيافه رهيب بس بارد شوي
الاسعار جيده متوسطه
المكان مرتب فيه جلسات خارجيه وعوائل
مافي بارتشن

المطعم حلو نظيف وهاااادي الاكل كان حلو ماعليه اي ملاحظات الخدمه سريعه من ان بعض التعليقات قالوا يتأخرون وهذا غير صحيح .. الاسعار مناسبه جداً ي ليت يضلون على هالمستوى

التقرير الخامس

مطعم جمييل جينا له صدفة بدون تخطيط وكان يجنن ما ندمنا ابد تقييمي
الاسعار 10/10 جدًا ممتازة وكمية الأكل حلوووه بالنسبة للسعر
المكان 10/10 جدًا مرتب وراقي
الأكل 9/10 لذيذ لذيييذ جربنا الفتوش و طاجن فاهيتا وشوربة العدس وفتة باذنجان كلها حلوه ولذيذه

موجود بارتشن والمكان هادي ورايق مافيه ازعاج ولا اغاني وهذا شيء تشكرون عليه
مكان جدًا جميل الله يوفقكم

ابحكي عن تجربتي لهم اليوم كانت بالبدايه باستقبال طيب ووجه بشوش وزوق من شخص اتذكر اسمه سيد،والخدمة حقهم جميله موظفين تعاملهم راقي من ناحيه الاكل لذيذ مره وان شاء الله زيارتي لهم تكون دائمة..استمرو يعطيكم العافيه