مطعم بروستد ثري تي 3T الرياض مطعم بروستد غاب عن ناظري، يقدم بروستد بالخلطة الخاصة ( طعمها أشبه بالبرنجلز البنفسجي ) نكهة مشاوي و تدخين، وكذلك لديهم بروستد كلاسيكي نكهته مالح
3100 طريق الامام سعود بن فيصل، الصحافة، 6167، الرياض 13321،
966505630412+
المطعم شغله نظييف والدجاج فرش بدون زفر ونكهه جميله ومختلفه، البطاطس عندهم نوعين وكلها ممتازه انصح بالتجربه ومطعم يستحق التكرار
الي بخااطره بروستد خرافي بيحصله هنا، البروستد متميز عن غيره من المطاعم بنكهة وطعم وقرمشه ،الديكور فيه لمسه ابداعية ،البطاطس طازجة ومقرمشه وعندهم نوعين فتناسب كل الاذواق، عيبهم انك تدمنه
الله يبارك لهم ويزيدهم من فضلة
من مطاعم البروستد المميزة ، خلطة البروستد جميلة ولذيذة خصوصاً الحراق ، البطاطس مميز ومبهر ، الدجاج نظيف وخفيف بس عيبه صغير ، الحمص والثوم عادي ، والأسعار اكثر من السوق بشوي ، لكن يستحق التجربة لمحبي البروستد
المطعم بشكل عام صغير وجميل اكله حلو صحيح سعره وحجمه اعلى من السائد او مقارنة بالمحلات المعروفة.
اللي ما يعجبني عدم وجود خيار اطلب بروستد بدون وجبة يعني بدون مشروب او حمص ويكون اقل سعر وانا من الاشخاص اللي ما يحب ياخذ خبز مع الطلب لاني ما استخدمه ومرات الشخص وده يطلب بروستد زيادة بدون وجبة يفضل انه يوضع خيار بدون وجبة او يوضع بالمنيو خيار بكمية اكبر
طازج ولذيذ ، وخفيف على المعدة ، البطاطس بطل وبهارات البطاطس لذيذة ، يستخدمون دجاج شركة اليوم طازج وتتبيلتهم للدجاج تآخذ العقل ، أنصح فيه وبقوة وطبعاً راح أرجع له ، الطلب يطول شوي لأنهم يطبخون على الطلب ، والأفضل تتصل عليهم عشان يجهزون الطلب ، ولا تنسون صلصاتهم لذيذة وجديدة ، من أفضل محلات البروستد بالرياض وطبعاً راح أرجع له
من ألذ المطاعم للبروستد وانصح بتجربته وعلى ضمانتي بتكررون التجربه.
اتمنى النجاح لصاحبه اللي واضح لديه اداره في الجوده وذوق عالي.
افضل بروستد ممكن تجربونه للامانه خيااااااال خيااااال والفرايز حكايه ثانيه يستحق الزياره ثانيهه وثالثه ورابعه
مطعم بروستد لذيذ طلبت من عندهم بروستد المدخن وكان طعمه لذيذ وخفيف ، بالنسبه للبطاطس كان شيبس وانا ماافضل هالنوع اتمنى وجود خيارات للزبون
حجم الدجاج صغير
طريقه التقديم والتغليف ممتازه
تجهيز الطلب ياخذ وقت حوالي 15 دقيقه لذلك يفضل الاتصال عليهم
الاسعار مرتفعه
يستحق الزياره وتكرارها
اللي يحب البروستد بيعجبه
الدجاج لذيذ الحراق حار بزياده اذا ما تتحملون الحار خذو المدخن حرارته موزونه
البطاطس يجي زي الشبس وعليه خلطه لذيذ ومقرمش
الثوم والحمص تمام
السعر ب١٩ ريال والمدخن ب٢٠ ليتهم يخفضوه
والباكجنق مرتب يجي في علبه كرتون
اعتمدت المطعم
لذيذ لذي لذيذ أتعب وأنا اقول خلطتهم تفوووز وان شاءالله يستمرون على الشغل الممتاز ألذ بروستد بصراحه حالياً رقم ١ خلطتهم المبهره خطيييره والدجاج ابيض نظيف والبطاطس كلام كبير شيبس والثوم روعه بالتوفيق
بدون مباااالغة
الذ بروستد اذوقه بحياتي
مقرمش وتتبيلة الدجاج طعمها خرافي وفريش
انصحكم فيه خصوصي مع البطاطس الشيبس …
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
