المكان جميل خاصه في الشتاء لكن يعيبه الموسيقى العاليه الطلب : برجر لحم برجر دجاج سبايسي لذيذ ومو مره سبايسي لذعه خفيفه بطاطس ملح وخل مميزز
منيو مطعم سولت المسفهلي
الأكل لذيذ لكن الأسعار مرتفعة جدا الأطباق 🍽: – كامب فاير برجر بـ٦٨ ريال برجر لحم مع ترفل وماشروم لذيذة اعجبتني – بافلو اند فرايز برجر بـ ٥٩ ريال لذيذة – اورجينال فرايز بـ٢٩ ريال – شبس ملح وخل بـ ٣٧ ريال نكهته قوية
اراء المتابعين
التقرير الأول
المكان رائع ..اعتبره تغيير عن المطاعم المعتاده والمولات ..مكان مفتوح بالهواء الطلق ..داخل فيه تقريباً ٤ او ٥ انواع من الجلسات ومحل يبيع ملابس واشياء بسيطه وفيه ركن للاطفال تدفع رسوم ويدخل الطفل معاه فلبينيه تجلسه ع طاوله ويرسم ويلون وياخذ رسمته .. فيه منطقه حره بالوسط يتمشون فيها الاطفال ..وفيه مطعم عنده منيو محدد ( برقر – فرايس – مشروبات – وجبة اطفال نقتس وفرايز وعصير ) وفيه كوفي مشروبات بارده وحاره وفيه ركن ايسكريم على حلى يعني مختصر مفيد ..اجواءه روعه تحسك مسافر ومغير جو ينفع للعائله والاطفال ولمجوعة اصداقاء ، بالجو الحلو يصير روعه ..مناسب جداً للاطفال ..فيه موسيقى قريت انها صاخبه بس يوم رحت حسيتها عاديه لان المكان بالشارع مفتوح ..يحتاج حجز من الموقع وتنظيمهم ممتاز ..ممكن تقعد فيه ٣ الى ٤ ساعات عادي ماتحسون بالوقت ..
التقرير الثاني
المكان المعروف جداً Salt ، من دخول السيارة لطلعتنا كل شيء مميز و سلس و الأميز بشاشة الشباب و خدمتهم السريعه و لطافتهم. تحربة ايس كريم المانجو بالكوكونت رغم ارتفاع سعره الا انه اطعم اي سكريم تجربه في الرياض. المكان بيكون اجمل في الشتاء و لنا تحربه بإذنه للأكل داخل المطعم و الا ستمتاع بالأجواء
التقرير الثالث
المكان ١٠/٥ (لاتوجد فعاليات او شي مميز غير غرفة المصابيح رغم ارتفاع اسعار الماكولات) الخدمة ١٠/٨ (سريعة و تعامل جميل) برجر كامب فاير ١٠/٨ برجر بروبر ١٠/٦ (صحي شوي مقارنة بكامب فاير) فرايز عادي ١٠/٧ (كميتها كبيرة) اغاني اجنبية مشغلة طوال الوقت في المكان
التقرير الرابع
حبيت المكان وحبيت الفكره المكان عبارة عن فيه اقسام كثير فيه قسم العاب ورسم ويصلح للاطفال فيه مكان تسوق بس لو يكون حق التسوق فيه شي للصيف لان كل المعروض ملابس شتاء وفيه مطعم وفيه ايسكريم وجربت ايسكريم مانجو لذيذه فيه جلسات كثيره ومكان حلو للعوائل فيه فعاليات كثيره وفيه وسيع فيه لمبات وزجاج عاكس حبيته وفكره حلوه بشكل عام المكان جميل ويستحق الزيارة وكان خدمة الاستقبال مره جميله من الموظفين وخدمتهم وطريقة الدخول انه يكون فيه حجز ومهتمين بالاجراءات الاحترازية شكرا لكم على المكان الحلو
التقرير الخامس
البرجر والبطاطس والآيس كريم والفايبز كل شيء ١٠/١٠ باستثناء شيء واحد يزعل وهي الموية، تحاسب ب٧ ريال وتحسبها موية صاحية بالأخير يجيب لك اكوافينا والمنيو حاط نوعية ممتازة..بتفهم لو كان حاط صورة أكوافينا من البداية. بغض النظر كل شيء ثاني ممتاز والخدمة رائعة
التقرير السادس
المكان حلو بس تو متش الاسعار يعني الاكل كان لذيذ بس البرقر جداً صغير على سعر زي كذا ومااحس الجو والمكان يستاهل هذي الاسعار ! المكان عشوائي تروح تدور لك مكان تجلس فيه وبعدها يجيبون لك الطلب يعني تخدم نفسك بنفسك بلس تطول وانت واقف تنتظر دورك لحد ماتطلب! يعني تحطون اسعار مرتفعه وانتم الخدمات اللي تقدمونها مو لفل عالي مافهمت الفكره! البرقر كان لذيذ بس مااكرر الزياره
