إذا تبحث عن كافيهات حي القدس الرياض فهنا جمعنا لك أفضل خياراتنا اللي ننصح بها زوار موقعنا الكرام، الكافيهات في القائمة مجربة، ولكم اراء الزوار عنها
المكان حلو ورايق كثييير وهادي ينفع للمذاكره برضو ، السويت حقهم البراونيز والفرينش توست الكراميل لذيذه والامريكانو موزوون
تقرير متابع :
كوفي جميل و رايق اللي طلبته فرنش توست كان لذييذ مره وفلات وايت جت مضبوطة
تعامل الموظفين راقي جداً يعطيهم العافية ..
التقرير الكامل لكافيه فانيلا VANILLA CONTAINER
صراحة مكان صغير وجميل يُفضل زيارته سفري شاهي رهيبب وميزته كوب قزاز تاخذه معاك شاهي حلو وسعره حلو والعامل الي فيه بشوش وطيب ومبتسم
تقرير متابع :
يقدم عدد متنوع من انواع الشاي الانواع المقمدمه عاديه مافيه جديد ومميز يتميز فيه المحل الجو العام لاباس فيه جميل ونظيف وهادئ، عيبه الوحيد وربما اكون مخطئ ؛ ان ما فيه دورة مياه ، وهالشيء ضروري بكل الكوفيات والمقاهي لراحة العميل
التقرير الكامل لمقهي واحد شاي
قهوة مختصة جديده اللي يحب بشوف فلات وايت من النوع ( الخفيف ) 👍 هالمكان اضافة جميلة لشرق الرياض لطيف جدا ومريح 😍 وخصوصا ل حاب يشتغل او يذاكر
تقرير متابع :
القهوة مميزة مكان راقي وهادي وقهوتهم رهيبه بكل صراحة،
انا اقيمه ٤ بدال ٥ نجوم بسبب واحد هو كاسهم الصغير مقابل السعر …. اشوف انهم يقللون السعر او يكبرون الكاس وهذا العيب يمكن يخليني ما ارجع لهم ولكن باقي الاشياء اهنيهم 👍🏻👍🏻
مقهى ممتاز جدًا هادىء وتصميمه مريح وسريع بالطلب متنوع بالجلسات ومناسب للدراسة ووجود افياش متوزعة وميزته ايضا مكانه وسط الحي والمواقف متوفرة
التقرير الكامل لسليب قهوة مختصة بالرياض
المكان زين ينفع للشباب اكثر والجو بالصباح هادئ ينفع للي مايبغى ازعاج او بيشتغل توزيع افياش الكهرب كويس وفيه يو اس بي اللي مامعاه فيش الشاحن لا يقلق
تقرير متابع :
خمسة نجوم تتألق في رحابة المكان، تعدد الحلوى، وجودة البن حيث كان طلبي (فلات وايت) والبن أثيوبي.
لون المكان المفعم بالحيوية ولون الكأس وأناقته والحلوى (البستاشيو) عجبني المكان وهدوئه خاصة الصباح مع شروق الشمس والنسمات العليلة الباردة وأنصح بالمقهى وآمل المحافظة على الجودة وزيادة العطاء
التقرير الكامل لكافيه سبعة أكواب
مكان صغير ملموم هادئ قهوة لذيذة كوكيزالرد فيليفت مو طبيعي ديكور جميل وبسيط، الV60 لذيذ جدا محصول الجواتيمالا لذيذ ماتوقعته مثل كذا، الموظف الموجود بالفتره الصباحيه ودود ولطيف .
تقرير متابع :
جربت الفلات وايت ممتاز جداً وسعره ايضاً ممتاز ١٢ ريال يعتبر سعر منافس جداً للسوق ايضاً جربت الكوكيز الكلاسيك ب ٨ ريال السعر ممتاز خصوصاً ان حبة الكويكز جداً جداً كبيره يمكن البعض بعتبرها عيب او ميزه ، فقط يحتاجون ينظمون الشغل فيما بينهم بشكل افضل وايضاً يكون اللبس يناسب العمل بشكل افضل ، تأخير بسيط في تسليم الطلبات بسبب ما ذكرت ، اتمنى لهم التوفيق والبركه والنجاح ان شاء الله
التقرير الكامل لهاو ايڤر كافيه بالرياض
المحل جميل واشبه بمعرض لوّح تصميمه هادئ ورائع و راقي يزين المكان اللوحات الفنيه المُضفيه للمكان لمسات جميله ينقسم الكوفي الى قسمين قسم للمدخنين وقسم لغير المدخنين وهذهي بحد ذاته ميزه لديهم قهوه مختصه
تقرير متابع :
جميل وانيق ، يقدم القهوة المختصة ويستخدم منتجات محمصة كفة ، المكان يتضمن قسمين احدهم مخصص للمدخنين واشوفه افضل من القسم العادي واوسع .. يتميز المكان بديكوره الانيق واستخدام اللوحات الفنية بين اركانه لتضفي على المكان جمال آخر .. انصح للي يبي يجلس يخلص اعماله او يجتمع مع احبابه.. الكوفي يعتبر اول فرع له ولا يوجد له فرع اخرى .
التقرير الكامل لتيرا كافيه
محمصه رائعه جداً اخذ من عندهم كرتادو راقي جداً جداً و و اسعاره طيبه و الشاب السعودي الي فيه خدوم و بشوش و يشرح لك القهوه اذا محتار يحاول يخليك تطلع من عنده وانت راضي و خاطرك طيب ،و الباريستا الفلبيني محترف ماشاءلله ، مافيه الا جلسه وحده ف مان صح انك تجي تجلس فيه ما فيه مكان و لهم فرع اخر بالياسمين
تقرير متابع :
قهوه مختصه لايوجد جلسات داخليه ولكن الطعم في الراس افضل فلات وايت في الرياض مع اني مجربه اغلب مقاهي الرياض كلهم اقيمهم ٤ او ٤ ونص لكن هجين يستاهل خمسه واذا فيه اكثر يستاهلها نوعها لدن ماجربت مفاز / الموظفين شباب سعوديين قمه في التعامل والرقي والخلق
مكان ملموم ويقدم قهوة لذيذة جدا .. خصوصا اسبريسو لذيذ جدا جدا جدا ، وكذلك فلات وايت ، يقدم ايضا كوكيز عزيز المميز ، وعندهم ايسد اي لذيذ ويستاهل التجربة
تقرير متابع:
طبعاً تجربتي لهذا الكوفي مختلفة لأني جربت من عندهم مشروبات كثير وكلها كان تقييمها جميل الv60 والفلات وايت جداً لذيذة ، بالمناسبة عندهم الايس سبانش مميز جداً ماقد شفت كوفي يسوي مثلهم والطاقم لطيف والمكان ملموم ومرتب
التقرير الكامل لمقهى اورانج مق الرياض
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
