مقهى سالي SALLY CAFE تصميم كلاسيكي فريد الجلسات مريحة وجميلة المكان مليء بالتفاصيل الجميلة 💙المنيو متنوع بشكل كبير عندهم انواع من الكيك والمخبوزات الشهية 😋
طريق الملك عبدالله، 8081, الرياض المملكة العربية السعودية
966500715995+
المقهى لطيف والديكور جميل يفصلك عن الواقع شوي ويرجعك للزمن الجميل ، فكرة اختلافه عن باقي الكافيهات في الشكل والميوزك مميز وجميل ، بالنسبه للقهوه والكراسون عادي جداً مافي شي مميز والاسعار متوسطه ..
من اروع مقاهي الرياض للان
نوعية القهوة لذيذه جدا وتستاهل قيمتها
هذي رابع زياره لي وكل مره كنت اجرب شي جربت اللاتيه والفلات وايت وسكاي لاتيه يجي لونه ازرق وحالي شوي وبنك كلاود الي هو لاتيه ورد وخلطه خاصه فيهم ولاتيه زعفران روووعه قليله في حقه والكيك والحلى عندهم روعه وبعضه مستورد ونوعيته ممتازه .. والاثاث فخم ومتعوب عليه والاضاءه كانك جد في بريطانيا صح فيه اشياء لسه ماكملوها من صور سالي وغيرها بس مع الوقت اكيد راح يكملون الناقص
بالنسبه للمكان يحكي عن نفسه استرخاء وشي روعه من الاخر
واشوف اغلب التعليقات السيئه علشان الاطفال
شكرا لكم مقهى سالي على هالابداع
٢ كابتشينو وكيكة شكولاته فانيلا ، الكابتشينو حلو الكيكة عادية الحساب كان ٦٥ ، المكان حلو والديكور متعوب عليه الجو هادي وراقي .. اتمنى لهم التوفيق 🤍
راح أبدأ بالمميزات أولاً
عبارة عن مكان عائلي دافي مليان ذكريات الطفولة الديكورات اعطيها ١٠من ١٠
شريت كابتشينو لذيذ
حلوووو مررره للي عندهم اطفال يقدمون الوان للاطفال وورقة عليها رسمة سالي لكل طفل
الحلى حلو لكن كنت اتمنى لو انها تنعمل بالمحل نفسه
لانه تقدم لي التشيز وهو مخبوص
واسعار الحلى غاليه نوعاً ما ٢٧ريال
التقديم جميل
تجربة جميلة لمقهى يحمل أسم شخصية كرتونية من الأدب العالمي علقت في أذهان مواليد الثمانينات .
الديكور جميل الحلا جيد القهوة لابأس بها تمنيت انها أفضل من كذا وتقدم في أكواب أفضل ، الاسعار من متوسطة الى مرتفعة
وحسب ما قرأت في التعليقات أن الافتتاح تجريبي لذلك ننتظر الأفضل في الزيارة القادمة
وفي النهاية لم أتوقع في يوم من الايام أن أسمع صوت فرانك سيناترا في أحد مقاهي الرياض .
مافيه اشياء كثيره عن سالي وقصة حياتها الا جزء بسيط عنها ويحتاج اضافات كثيره في كل جزء عن سالي ومن معها في المسلسل نصيحة لصاحب الكوفي حاول تزور مقهى هايدي وخذ الافكار ولاتكتفي فقط بسالي جيب عن الانسه منشن وغيرها من معها بالمسلسل.
الديكورات جميلة ونفس بيت سالي الا العامود اللي في منتصف الكوفي.
مقهى سالي التصميم جداً جميل خصوصاً يذكرنا بالماضي الجميل تفاصيل المكان رهيبة، والباريستا راقيّين.. افتتاح تجريبي قيد التطوير واتمنى النظر بالإسعار الغالية.
بالنسبة للي يقولون ممنوع الأطفال كنت موجود اليوم وكان فيه أطفال اتوقع اصحاب المكان شالوا فكرة ممنوع الأطفال.
وللإضافة السريعة اضغط هنا
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
