مطعم كليڤر برجر بالرياض (الأسعار+ المنيو+ الموقع)

كافيهات و مطاعم الرياض
مطعم كليڤر برجر بالرياض (الأسعار+ المنيو+ الموقع)

مطعم كليڤر برجر بالرياض مطعم يُقدم صنف واحد من برقر الواقيو المميز، قائمة الطعام محدودة جداً. الأسعار مرتفعة لكن تتوافق مع جودة اللحم المقدمة. ديكورات المكان بسيطة وعدد الطاولات قليل، لكن الخدمة جداً سريعة واحترافية.

  • الإسم: مطعم كليڤر برجر بالرياض
  • التصنيف : مجموعات/ أفراد
  • النوع : مطعم برجر
  • الأسعار : متوسطة
  • الأطفال : مناسب
  • الموسيقى : لا يوجد
  • مواعيد العمل: ١٢:٠٠م–١٢:٠٠ص/الجمعة، ١:٠٠م–١٢:٠٠ص
  • الموقع الالكتروني : للدخول للموقع الإلكتروني للمطعم إضغط هنا
  • الموقع على خرائط جوجل : للوصول للمطعم عبر خرائط جوجل اضغط هنا

عنوان مطعم كليڤر برجر بالرياض

شارع التخصصي، النخيل، الرياض

مطعم كليڤر برجر الرياض

أفضل أطباق مطعم كليڤر برجر بالرياض

عندهم برجر نوع واحد (واقيو) وبطاطس نوعين (عادي-حلوة)

برجر واقيو 9/ 10 (42sr)
بطاطا حلوة 8/ 10 (7sr)
بطاطا عادية 8/ 10 (6ar)

الاضافات على البرجر(شريحة واقيو 24sr- بيكون 4sr)

البرجر لذيذ مرررة، ويستاهل التجربة، بس مايشبع ابد..

المكان صغير وصعب تاكل محلي الانتظار طويل ويوصل لساعة كاملة حتى تاخذ طاولة ، لكن الطلب الخارجي ياخذ من (30-40 دقيقة)

منيو مطعم كليڤر برجر بالرياض 

منيو مطعم كليڤر برجر

تقارير المتابعين للمطعم:

التقرير الأول:

تجربة جميله لمحبي اللحم المستورد ( واغيو )
الطعم لذيذ ١٠/٩
تم تجربه البطاطا الحلوه وطعمه كان جميل ١٠/١٠
والبطاطس العادي ايضا ممتاز
وصراحه صوص كليڤر عادي مافيه تميز
* الطلب كان سريع مره وجهز بأقل من ٥ دقايق 🤙 وهذي تحسب لهم
*الشي الغير مرضي جدا حجم البرقر صغير مره.

التقرير الثاني:

البرقر جدا جدا لذيييذ

للي يحب البرقر الراقي..
هونواع واحد عندهم ( برقر لحم)

اللحمة لذيذة رطبة وسميكة
مشوية على الفحم مو على الصاج
بصل مكرمل.. شريحة جبن.. صوص

مع طلب اضافة شرائح لحم مدخن وممكن طلب اضافات ثانية .. انا ماطلبتها

اخذته للبيت كان الطريق ثلث ساعة
وصل تبارك الله حار
مغلف تغلفيتين.. تغليفة ورق عازل للحرارة بعدين بوكس

يستاهل الانتظار شوي 🤤

نصيحة.. الي بيجربه يروح بدري شوي قبل يخلص

التقرير الثالث:

اسم متميز في عالم برقر الواقيوو

من اهم مميزات هذا المطعم

انه بكل ثقه ماعنده الا صنف واحد

اهتمو فيه بادق التفاصيل

اولاً وزن قطعه اللحم راهيه

طازجه لونها فااتح قبل الشوي

يدل على ان اللحمه خرافيه

الشوي على فحم يعطي طعم ونكهه لاتقاوم

الخبز يصلحونه خصيصاً لبرقرهم

وهذا يعطيك مذاق خرافي وطازج

البطاطس والتتبيله الي عليه روووعه

البطاطس الحلو نوع جديد ولذيذ

الاضافات على رغبتك

ودرجة الاستواء

كرتون البرقر جميل وطريقته حلوه

طازج دائماً

باختصار اهتمام بادق التفاصيل

يستحق التجربه ولا راح تندم

الى الامام كليفر

وعقبال الفروع الاخرى ،،،،

التقرير الرابع:

برجر
واقيو ١٨٠ جرام برجر هو البرجر الوحيد اللي يقدموه والصراحه طعمه لا يعلى عليييييه 🤩♥️، جوسسسي مره وفيه نكهه مميزه عندهم اضافات تقدروا تضيفوها للبرجر ونوعين فرايز حلوه والعادية
انصحكم تجربوه بيعجببببكم ♥️♥️♥️

جلساته حلوه ولكن عددها محدود 🤍
المكان هادي وحلو وريحة شوي البرجر تجوعكم 🤤🤤♥️
تقييمي له ١٠/١٠ ⭐️⭐️⭐️⭐️⭐️
اكرره مره واثنين وعشره اكييييد ♥️
خدمتهم سريعه والتيم جبار سريعيين ماشاء الله عليهم 👏🏼

مطعم كليڤر برجر

سناب مطاعم الرياض

وللإضافة السريعة اضغط هنا