الاسعار غالية جدا الفول جرة والقلابة والعدس مقاس واحد فقط وب٨ ريال للصحن الواحد اعتبرة بين المقاس الصغير والوسط يعني من حق الفوالين الثانين صحن ابو ريالين او ٣ عندة ولا هنا زود الطعم عادي وزحمة وبالمقارنة مع اي فوالقريب منة ال٨ ريال تفطر ٦ اشخاص اقل شي تجيب لك واحد جرة و٢ قلابة وحبتين خبز ب٨ ريال والحمد لله لكن عند الافراح فاتورتك طاقة ال٣٠ بالراحة وزود ياصحاب الافراح لا تعبث بصحن فول الناس خفظ اسعارك والله يبارك لك
اراء المتابعين
التقرير الأول
فول لاطعم ولا ريحه والكبده مره خايسه والخدمه تطول مره غير مقبول والدفع قبل الاكل. الفول
التقرير الثاني
مميز و فريد انصحكم بتجربته نظافة و ترتيب و استقبال و اكلات ١٠ من ١٠ مكان ممتاز والاكل جيد اشكرهم على الخدمات المميزه ماشاء الله تبارك الله مطعم ممتاز والمكان صغير والاكل جيد
التقرير الثالث
الاكل لذيذ جدا هنا مع الخبز الملوح وصاحب المكان دائما موجود ومشرف على الاكل بنفسه ، حتى بعض الاحيان هو يزين الاكل بنفسه
التقرير الرابع
الاكل لذيذ طلبنا لحسة جدا جميله وفوق فخار وسط ليس بسيء ومعصوب ملكي وعدني ملاحضه لو تكرمتو سعر المعصوب المشكل ٢٠ ريال! اشوفه سعر غالي جداً خصوصا انكم تستخدمون قشطة من نوع رخيص “شبيه قشطة” معدلة بالزيت . اتمنى منكم استبدالها بقشطة اصليه او تخفيض السعر
التقرير الخامس
الشغل حلو … وغير كذا عنده فته الدخن كلام كبير وجميل جدا جدا لذيذ وصحي … ممتاز لا يفوتك افطر واستمتع … المكان بشكل عام ممتاز والخدمة سريعة … والزحمة موجودة لان اكله متميز ولذيذ اخوكم ابو سطام وحيد الشويعر
التقرير السادس
من افضل مطاعم الافطار في الرياض على شارع خالد بن الوليد مقابل وزارة العمل حبيب القلب صاحب المحل ابو فهد امسي عليه واقوله انا خويك اللي اجيك من غرب الرياض ههه المهم عندهم عريكة دخن و معصوب دخن و مصابيب دخن بصراحة طعمهم مميز ولذيذ أنصحكم فيه
التقرير السابع
المعصوب والعريكة كويسة لكن مو ذاك الزود ، بس البيض بالجبنتين والتونه بالجبنة ووقلابة مغش لذيذة جدا واسعاره معقولة.
التقرير الثامن
الإيجابيات: + مطعم ممتاز جرب لحسة (بيض وجبن). + وفيه جلسات خارجية.. السلبية : – الطلب عن طريق الكاشير، وليس عن طريق مقدم الطعام. – المكان مزحوم في الصباح.
التقرير التاسع
افضل مطعم شعبيات في الشرق بس الصراحة اسعارهم اعلى من غيرهم لكن شغلهم قوي المكان غير مخصص للعوايل فقط للطلبات للأمانه أروع محل يسوي مطبق ومعصوب بالرياض 💕💕
التقرير العاشر
المطعم ممتاز من ناحية النظافة /الوجبات التي تناولتها و اعجبتني الكبدة غنم طازجة ممتازة بلدي ، فاصوليا مدرة لاتفوتك خبز ملوح وتميس رائع خفيف هش مقرمش ، الشاي العدني ممتاز ، فول جرة على الكيف ينافس بابصيل صراحة ،شكشوكة رائعة ، هذه الأصناف التي تذوقتها عندهم اتمنى لكم إفطار شهي
