إذا تبحث عن افضل مطاعم طريق المطار الرياض فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
مساحته الخارجية العلوية تعتبر من أكبر المساحات اللي شفتها للآن في الرياض..مع مراعاة التباعد بين الطاولات..فيه جلسات علوية داخلية و نفس الشي الطابق السفلي..الطاقم سريعين و مبتسمين..بالنسبة لقائمة الطعام متنوعة..
تقرير متابع :
تجربتي كانت ل ون مليون لاونج في واجهة الرياض كوفي ومطعم
جربت عنده
شوكليت بوم ٦٩ حلوة وكبيرة بس دسمه والآيسكريم لو كان فانيلا بدال المانجو كان أفضل
تكفي ثلاث أشخاص
فلات وايت ٢٦ جيد بس مرارة قوية
الأسعار مرتفعة والمكان حلو والأكل حلو
يستحق التجربة وله تجارب أخرى بإذن الله
التقرير الكامل لمطعم ون مليون
المطعم تركي متخصص باللحوم اسعاره تعتبر مرتفعه، المطعم جميل وصغير الخدمة رائعة خدمة مطاعم 5 نجوم الاكل لذيذ طبعاً عبارة عن لحوم بس كل طبق له نكهته الخاصة افضل طبق كرات اللحم بالجبن المطعم تركي ولا يوجد موسيقى
تقرير متابع :
باره عن سلطة لوكا لذيذه ومميزه و كرة الجبن العملاقه جدا لذيذه وراهيه من المقبلات و كطبق رئيسي اخذنا طبق لوكا المميز روعه مره حبيته ويسوون لك شو وقت التحضير واخذنا اسادور حق شخصين ما اعجبني مره بس الي معي حبوه واربعه بيبسي الفاتوره طلعت ٧٦٤ ريال الخدمه رائعه
التقرير الكامل لمطعم لوكا ستيك هاوس
كافية و مطعم رائع و هادئ انصح فيه . الموظفين ع قدر عالي من الاحترافية و الخدمة ممتازة جدا .المطعم جديد بالرياض، الجلسة جميلة ورايقة، مكان رايق و راقي وجميل يفتح النفس و طاقم العمل( staff )اخلاق و خدمة سريعة والاكل لذيذ يستاهل ارجع له ذي تجربتي الثانيه
تقرير متابع :
مطعم متميز في نكهة الأكل الأمريكي، والطاقم ممتاز ومتجاوب والجلسات مطله ومريحه، وأجواءه جميله يستحق تكرار الزيارة
التقرير الكامل لمطعم ديفيد بيرك David Burke
مطعم يتميز بخدمة رائعة فيه جلسات داخلية وخارجية ومنطقة العاب اطفال والمنيو امريكي متنوع بين الستيك و البرجر و الوجبات الصحية والموظفين متعاونين ودودين مع كل الزبائن ولمعرفة المزيد عن المطعم تابعنا.
تقرير متابع :
توفير بارتشنات لجلوس مريح وخصوصية ..
وبالنسبة للاصناف : دجاج التندوري😋 الداينامايت شريمب😋 الأضلاع 😋الروزماري سالمون😋 مقبلات الخرشوف مع صوص السبانخ 😋اهم شي شيل البصل والطماطم من الموضوع 👍
التقرير الكامل لمطعم ستيك هاوس
يقدم هذا المطعم خدمه ممتازه و اكل لذيذ جداً وجلسات جميله وشرحه بالأخص في فترة الغداء، كما أنه من المطاعم المميزة للأشخاص المحبة للأطعمة الإيطالية الذيذة.
تقرير متابع :
بياتو مطعم إيطالي من الطراز الرفيع الباستا والبيتزا تعطيك شعور وكانك في روما أو ميلانو ممتاز ايضاً للعائله، وجو رائع خصوصا في الفرع القريب من سوق اليورومارشيه ايكون المكان المفضل للاشخاص التي تريد أن تشعر بأجواء إيطالية متميزة.
التقرير الكامل لمطعم بياتو
من افضل المطاعم التي تقدم الشاورما بأسلوب رائع وجميل، وتكون قائمة الطعا متنوعة بالأكلات السريعة، كما أنها تكون بأسعار تناسب جميع العملاء.
تقرير متابع :
الشاورما تكه كانت جيدة لكن توقعت انها تكون أفضل من كذا و الصوص أيضا جيد المفترض يكون أفضل من هالطعم بكثير البطاطس الإضافي مقرمش و مبهر و لذيذ اتمنى سمك البطاطا يكون أكبر بقليل راح يعطيه طعم أفضل أفضل شيء من زيارتي للمحل كانت الخدمة ممتازة جدا قمة الاحترام و التقدير و الشغل النظيف الجلسة كانت مريحة أيضا وشكرا
التقرير الكامل لمطعم شاورما لندن
من كل النواحي طعم لذيذ وخدمة راقيه ومكان رايق، ويقدم قائمة طعام متنوعة بأسعار مناسبة مع جميع الزبائن.
تقرير متابع :
لو اروح له 1000 مره كل مره كأني اكله اول مره فعلت محافظين على مستوى الاكل والخدمة والخ.. والي يميزهم الي فقدته اغلب المطاعم حاليا انه حاط اعتبار للناس الي يبون خصوصيه.. وهذا سبب مهم جدا لي في كل مره اختاره فيها.. ❤️
التقرير الكامل لمطعم اوف وايت
صراحة بدون مبالغة من اروع وان لم يكن اروع برجر اكلته بحياتي خصوصا برجر البافلو
تقرير متابع :
لذيذ وتغيير عن البوب كورن جربت البطاطس العادي وبطاطس البافلو والوينقز لذيذين حبيتهم كسناك أكثر من البوب كورن بعتمدهم خلاص 👌🏻وفالو دجاج برجر كرسبي 5/10 لحم الخنزير المقدد المزدوج برغر 7/10 البطاطس المحملة 6/10 أجنحة الخردل العسل 9/10 سعر معقول .. سأعود مرة أخرى للأجنحة فقط
التقرير الكامل لمطعم توب بون
من مطاعم واجهة الرياض جلسات داخلية وخارجية. حبيت الجلسات الخارجية تحت الشجر .الأكل لذيذ وعندهم زيتون ضيافة لذيذ جدا الخدمة ممتازة وسريعة .الأسعار غالية نوعا ما لكن المكان يستاهل عموما واجهة الرياض مكان جميل جدا وتقدر تدخل تتمشى بدون ماتدخل المطاعم.لكن المطاعم والمقاهي والجلسات رائعة.ويوجد مواقف سيارات
تقرير متابع :
من أفضل المطاعم واللي جودته مازالت مثل أول وأفضل. فرع واجهة الرياض صغير شوي والجلسات صغيره بس مريحة وجميلة والديكور رائع. الأطباق كالمعتاد لذيذة أفضل لازانيا بالعالم عندهم ونفس الطعم في كل الفروع ماشاء الله
التقرير الكامل لبرج الحمام بيسترو
المكان جميل ورايق خدمة ممتازة وسريعة الموظفين محترمين جدا تجربتي كانت على فلات وايت يعدل مزاجك على الرايق موهيتو فاكهة العشق غني عن التعريف ( يسرسح ) بالنسبة للأسعار مرتفعه شوي بالتأكيد راح اكرر الزيارة لتجربة الأصناف الأخرى
تقرير متابع :
مكان لطيف… خدمتهم ممتازه .. الاكل لذيذ(كلوب ساندويش،فرنش توست، مارحريتا بيتزا، اصابع دجاج).. عندهم اطباق للاطفال👍🏻 موقعهم في طرف الواجهة بعيد عن التجمعات والزحمه👍🏻
التقرير الكامل لمطعم ذي كوفي كلوب
المطعم بشكل عام جميل الخدمه ممتازه وسريعه جداً المكان هادىء ومريح ديكوراته مميزه بالنسبه للاكل البيترا سوبريم لذيذه جدا الماريغيتا حلووووه سر بعجينه البيتزا مقرمشه وخفيفه كالزوني ماحبيته مرره ولكن الي معاي اعجبهم للامانه العصير برتقال طازج بصراحه تجربه حلووه واكررها بااذن الله ♥️
تقرير متابع :
ممتاز .. جدا تعاملهم جيد خاصة الاخ محمد من مصر الشقيقة بيتزا سوبريم وبيتزا فيجي وبيتزا توسكاني انصح فيهم الجبنة موديزلا مع شيدر ايطالي خبز بالثوم.. ممتاز لذيذ البيتزا فرش تعجن في المطعم وتطهى لديهم فرن نار وليس كهربا
التقرير الكامل لمطعم بلانك
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
