إذا كنت من محبي الأكلات الفرنسية اللذيذة وتبحث عن افضل مطعم فرنسي بالرياض فسوف نعرض لك قائمة بافضل المطاعم المتخصصة في تقديم الأكلات الفرنسية وذلك من تجارب الناس
من أرقى واجمل المطاعم في الرياض خدمات ممتازة، الحجز عن طريق الاتصال فقط الخدمه ممتازة الاجواء جميلة
تقرير متابع :
من افضل المطاعم الخمس نجوم في الرياض كل الاطباق اللي طلبناها كانت لذيذة … اللي تميزوا فيها الحلزون ..الريزوتو لذيذ جدا .. القراتان البطاطس ذايب والكريمة طعمها لذيذ..سلطة الذرة ..الربيان بالليمون من الذ انواع الربيان اللي ممكن تذوقونها ..الستيك طري ورطب ولذيذ جدا .. الكريم بروليه على اصوله
لتغطيتنا الكاملة عن مطعم LPM بالرياض
استعد لتجربة جديدة وحيوية مليئة بمذاقات مبتكرة مباشرة من لندن إلى مجمع ليسن فالي بالرياض، والعاملين في المكان متعاونين ويشوشين
تقرير متابع :
مطعم فرنسي أكله لذيذ عجبني عندهم السلطة والماك آند شيز والبرغر .. مشهرين بكوكيز مع آيس كريم..الفرنش توست مرره خياليه ، بيندكت كانت ممتازه
تجربه جميله جدا المطعم راقي والخدمه ممتازه طلبنا لليوم فرنش توست وبان كيك و الافضل ان تحجز قبل القدوم للمطعم ..العاملين محترفين ومتعاونين..شكرا للجميع ولي عودة مره اخرى لانه اصبح من المطاعم المفضلة لدي
لتغطيتنا الكاملة عن مطعم ناك NAC الرياض
من احدث المطاعم بالرياض مطعم فرنسي اجوائه رايقة وراقي والاكل لذيذ جدا الطعم الفرنسي الاصلي.. الخدمة مرة ممتازة وخصوصا اخت فريدة.. تعامل لطيف لكل العاملين وسريعين جدا اكرر الزيارة يستاهل
تقرير متابع :
من احدث المطاعم بالرياض
مطعم فرنسي اجوائه رايقة وراقي
والاكل لذيذ جدا الطعم الفرنسي الاصلي
الخدمة مرة ممتازة وخصوصا اخت فريدة
تعامل لطيف لكل العاملين وسريعين جدا
اكرر الزيارة يستاهل
لتغطيتنا الكاملة عن مطعم شالمونت الرياض
مطعم جميل وفطوره فرنسي ذا نكهة جميله وطعم رائع جربت عندهم بيض البندكت روعه والصوص مضبوط
تقرير متابع :
مكان جميل يقدم مجموعه من انواع الافطار الفرنسي اضافه الى بعض الماكولات الاخرى مثل الاومليت وغيره اعطونا مجاناً ثلاث قطع كروسون محشيه بالجبن وكانت لذيذه
فطورهم فرنسي لذيذ جدا وخاصة الكروسان
بصراحه القهووووه تجننن الاجواء مرره حلوه وهاديه صح المكان صغير شوي ومزحوم الاسعار شبه مرتفعه الفرنش توست فوق الخمسين هذا العيب الوحيد ياليت يراجعونه
لتغطيتنا الكاملة عن مطعم Maison B الرياض
عيش الخيال والتجربة الباريسية على أنغام الموسيقى فى مطعم اوبليزير بمنطقة المربع بالرياض، يتميز المطعم بوجود قائمة غنية بألذ الأطباق الفريدة المتنوعة بالاكلات الفرنسية إضافة إلى أشهر مخبوزات الماكرون والحلويات اللذيذة.
تقرير متابع :
مطعم ومقهى فرنسي.. يعتبر المكان هادي و لطيف ، مناسب جداً للفطور أو البرنش قائمة الطعام مختصره وماتحير الفرنش توست يعتبر مميز عندهم
لتغطيتنا الكاملة عن لمطعم أوبليزير
مطعم موقعه مميز في الزون واللي يميزه جلساته الخارجية بالدور الأرضي والدور العلوي واللي تعطيك نظرة حلوه على الزون وشامله.
تقرير متابع :
مطعم فرنسي اول مرا اربه والحمدالله كان جميل
المكان جميل ورايق
جلسات داخلية وخارجية وعلوية
فيه موسيقى
زيارتنا في رمضان
وقت الاذان نزلوا لنا تمر وقهوة و مويا باردة
منزلين عالمنيو اطباق لرمضان محدودة منها السمبوسة
طلباتنا :
سمبوسة متنوعه ( دجاج – جبن -خضار ) ٨/١٠
فارما باستا ٩/١٠
بيتزا مارغريتا ٩/١٠
الأكل بصفة عامة لذيذ وأعيد التجربة له
والويترز جداً بشوشين وخدومين
يمكن عشان رمضان ومافي زحمة
اتمنى في الأيام العادية يكون بنفس المستوى والخدمة
لتغطيتنا الكاملة عن مطعم باتي PATTIS بالرياض
المطعم روعه اعتبره من افضل ثلاث مطاعم بالرياض الموظفين ممتازين حفاوة الاستقبال من الموظفين السعوديين،ديكور المكان ريفي فخم وانارته هاديه ورايقه
تقرير متابع :
المطعم جدا جميل و جوده الاكل بنفس الطعم الأصلي للمطعم خارج السعودية .. واكتمل جمال التجربة بتعامل الموظفين الراقي جدا وبالأخص موظفه الاستقبال نجلاء بتعاملها الجميل و لباقتها.
تجربه مختلفة عن تجربة زيارة اي مطعم اخر في الرياض، خاصه في الزياره الأولى، الأكل أعجبني بصراحه، انا والضيوف اللي معي، ملاحظتي على المطعم، الإضائه خافته اكثر من اللازم، و امكانيات الحجز غير متوفره دائماً في نهاية الأسبوع.
لتغطيتنا الكاملة عن مطعم لو ماشو Le Maschou بالرياض
من اجمل وافخم المطاعم الموجوده في برج الفيصلية بالرياض، المطعم واسع وفخم واطلالته رائعه ديكورات المكان هادئه وبها طابع فرنسي تشعرك بجو باريس استايل المكان ريفي وكلاسيكي المنيو متنوع وجميل بالاكلات الفرنسية والأيطاليه، الاستقبال ممتاز يلزم حجز الاسعار مرتفعه
تقرير متابع :
المطعم راقي الخدمة ممتازة وسريعه
الأكل عجبني بيتزاترافيل وسلطه الشمندروالربيان
والتراميسو والتشيزكيك
بشكل عام المطعم ممتاز لكن اسعاره مرتفعه آلى حد ما
المطعم من اجمل المطاعم اللي ذقتها في السعوديه الاكل على اصوله مافيه تنوع كبير زي ماتشوفون بالمنيو اللي ارفقته بالصور بس المكان ياخذك لايطاليا ولفرنسا بصراحه حبيت التجربه وان شاء الله راح اعيدها
لتغطيتنا الكاملة عن مطعم مامو Mamo بالرياض
المكان مرتب واستقبال جميل ، وحقيقة المطعم يعتبر تجربة وليس مجرد اكل ، تبدا بالخبز مع الزبدة وسلطة السيزر اللذيذة وبعدها يعطوك طبق في ٤ شرائح من الستيك والبطاطس المقلية مع الصوص اللذيذ ، اول ما تخلص ينزلون لك ٣ قطع ستيك اضافية و الخدمة راقية جدًا الاسعار تعتبر الى حدٍ ما معقولة
تقرير متابع :
لمحبي الستيك بالطريقة الفرنسية والسويسرية .. ستيك لانتركوت .. تجده في هذا المطعم المحترف والمتخصص بتقديم لانتركوت كما هي الأصلية والمعروفة بشعبيتها مع الصوص الخاص بها .. بداية لابد من إجراء الحجز المسبق عبر تطبيق ( ريكيو ) – كان في السابق تسجل اسمك في قائمة انتظار وينادون بالإسم – ولكنهم ولله الحمد تم معالجة هذه السلبية والاتجاه لتطبيق الحجوزات وهذا أفضل بكثير من السابق .. بعد اختيارك للطاولة ومكان الجلوس – الجلسات الخارجية لمحبي الهواء الطلق – والجلسات الداخلية لمحبي معايشة الأجواء الفرنسية بالديكور الخشبي العتيق والأنيق
لتغطيتنا الكاملة عن مطعم لوروليه دو لانتركوت بالرياض
المخبز صغير و حميمي تفاصيله هادية و مريحه و اهتمامهم بالتفاصيل جميل الحقيقه و الخدمة ممتازة من الجميل تركيزهم على مخبوزاتهم و تقديم معها قهوه و شاي وماء فقط
تقرير متابع :
صغير وملموم متخصص بالمخبوزات الفرنسية تنوع جميل في الاصناف لاكن اشوف لو يشتغلون اكثر على العجينة المخبوزات تفتقد للقرمشة الي في المخبوزات الفرنسية الاسعار مرتفعه بشكل بسيط بالتوفيق لهم
كروسان اللوز ودانيش الحلوم والسبانخ
عندهم قهوة ومحلهم صغير ومرتب وازين عجبني انه داخل حارة مو على شارع عام
لتغطيتنا الكاملة عن مخبز بيك ان فليك الرياض
الدور الارضي جلسات داخلية و العلوي خارجية و موزعه فيها المكيفات الصحراوية و الرذاذ، مطعم جميل ورائع جداً ورايق دايم ادخله صراحة اجوااء وخدمة أكثر من رائعة والاكل يفتتنتح النفس سواء تقديم سواء طعم
تقرير متابع :
مريتهم اليوم أفطر..عندهم ثلاث أنواع فطور..كلوب ساندويتش، فطور فرنسي و ريوق fc، الدور الارضي جلسات داخلية و العلوي خارجية و موزعه فيها المكيفات الصحراوية و الرذاذ..لاحظت انو فيه شاشه اظن يشغلوها ف الليل..انا طلبت يشغلون لي فيروز ع السماعات و ما قصروا..الاكل لذيذ و طريقة التقديم بعد حلوه..ما في بارتيشن و الجلسات قريبة لبعض
لتغطيتنا الكاملة عن لاف سي لاونج بالرياض
المكان جداً جميل وحميمي الموظفين خدومين وبشوشين القهوة ممتازه جربت تويست نوتيلا مقرمشه تارت البيكان رائع كيكة الطحينه والسمسم مميزه المخبوزات بشكل عام جودتها عاليه
تقرير متابع :
حطيت خمس نجوم وانا باقي مازرته لان اثق بشغل شادن ، جربت كيكه الليمون وللحين ماحصلت افضل منها وباقي اجرب المخبوزات ومتاكده بتكون شي مو طبيعي متحمسه للتجربه الله يوفقها ويعطيها العافيه تعبت على نفسها لين وصلت لهالمرحله
الكروسانات طعمها وسعرها ممتاز والقهوة مضبوووطه اتمنى لكم التوفيق والاستمرارية بهذا المستوى ماشاء الله ولاغلطه
لتغطيتنا الكاملة عن مخبز ايزي بيكري الرياض
المكان صغير لكن رايق وجميل تعامل الموظفين رائع هو افتتاح تجريبي في انواع حلى غريبه ولذيذه في فطور لكن ماجربته انا رحت لهم قهوه وحلى فقط عندهم مخبوزات فرنسيه متنوعه ماجربت الا فطيره البيكن لذيذه قدموها لنا مع مشروب الكركديه والايس تي مجانا نتذوقها ونعطيهم ملاحظاتنا انصح بمشروب الكركديه لان الكركديه طازج يسوونه من اليوم اللي قبل حتى يطلعون المشروب البارد والقهوه نوعها اثيوبي
تقرير متابع :
تجربة رائعة
جربت الكرواسون، كلاسيك ودبل تشوكليت كوكيز، ببلي برولي، الاكلير، كرواسون ويل.
لذييذ والكوكيز فريش يُخبز عند الطلب
الموظفين محترمين جدًّا
بالإضافة لهذا لما رجعت لهم عشان آخذ احد طلباتي اللي نسوها عطوني معاه منتجهم الجديد هديه
لتغطيتنا الكاملة لمخبز لوفير
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
