قهوة عساف بالرياض ديكور أنيق ، مريح للعين ، الوان تفتح النفس ، كبير وشرح ، جلسات داخليه وخارجية .. قهوتهم لذيذة ، وحلوياتهم متنوعة ويوفرون قهوة عربية ، كيك المانجو لذيذ ومتوازنه الطبقات والطعم 👌🏻😋. عندهم غرف خاصّة للعوائل اللي يبون الخصوصية ، حالياً الغرف بدون حجز ، الطاقم خدوم ومتعاون المكان جدا جمييل 😍🤍
طريق الثمامة، مطار الملك خالد الدولي، الرياض
966535350664+
المكان مرة رايق وشرح وفيه خصوصيه وجلسات داخليه وخارجية الاسعار💸💸 مرة جميله ورخيصه مقارنه بالاسعار الكوفيات الثانيه الالوان مريحة للعين 😍😍 يفتحون بعد العصر ع الساعه ٤ مساء لا يوجد 🎼🎼🎼🎼 واشكرهم الصراحة والله يبارك في رزقهم يستقبلون الاطفال لني شفت كذا طفل طلبنا كان سبانيش لاتية حار فلات وايت موس كراميل مرة لذيذة اكرر الزيارة الصراحة
تجربة جميلة جدا والمكان راقي بكل ما تعنيه الكلمة ..
طلباتي كانت : فلات وايت ١٠ / ١٠ 👌🏻
وكيك الزعفران ٨ / ١٠
و رد فلفت ٩ : ١٠
بشكل عام المكان مريح والموظفين محترمين وعلى راسهم المدير السعودي ياخذ الملاحظات من العملاء بشكل دائم وبكل حب الله يبارك لهم
فلات وايت كان مقبول
القهوة العربية كانت جيده
فرنش توست لذيذ
كيكة الزعفران عاديه
اللي عاجبني ريحة المكان ريحة بخور وقهوة عربية 💛💛
المكان شرح وواسع
الموظفين بشوشين 👍🏼
ما شاء الله تبارك الرحمن قبل كل شيء اول مره ازور الكافي وتجربة جداً جميلة لي .. بدايةً من ريحة البخور اللي واصلتني اول مانزلت من السيارة ، والاستقبال الجميل والابتسامة من الموظفين ، طلباتي كانت قهوة عربية ، لذيذه جداً اتكلم عن الجودة ولا الهيل والزعفران ومعها تمر سكري فاخر ، والطلب الثاني نوعين حلا وكلهم حلوين ، ونهايةً المكان يفتح النفس من كل النواحي – ديكور ، اضاءه ، تكييف ، كراسي وجلسات مريحة ، هدوء ، وبالاخير اهني ابو عساف على هالشغل اللي يجمل ، وعسى ربي يرزقه ويرزق الجميع . تحياتي ♥️
وللإضافة السريعة اضغط هنا
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
