إذا تبحث عن مطاعم وكافيهات حي الواحة الرياض فهنا جمعنا لك أفضل خياراتنا اللي ننصح بها زوار موقعنا الكرام، المطاعم والكافيهات في القائمة مجربة، ولكم اراء الزوار عنها
الموقع ممتاز..المكان واسع وجميل الديكور عادي .. طاقم العمل جيد .. الخدمة جيده.
تقرير متابع :
مكان جديد للافطار والقهوة
جلسات داخليه وخارجيه
الاسعار مرتفعه
يفتحون الان ٧ صباحا
حي الواحة
ديكور اقل من عادي ، قهوة جيدة، حلويات غير مقبولة ابدا و اسعارها غالية الخدمة و التعامل عالي جدا
التقرير الكامل لمطعم اربينا الرياض
هو عبارة عن تقسيمة جميلة،اللي حاب يسوي دايت أو يثبت وزن أو ياخذ نسب عالية من البروتين ، وهالثلاث أشياء مصنّفة في المنيو بطريقة جميلة حتى تسهّل على العميل الإختيار ، المحل متعوب عليه كديكور ونظافة
تقرير متابع :
مطعم يقدم سناكات وسموذي ووجبات صحية الدور اللي فوق للعائلات مرتب وديكوره جميل طلبت سلطة كازبلانكا لذيذة وكمان جربت كلوب دجاج وساندوتش ارضي شوكي كلهم لذيذين
واللي معاي أعجبته وجبة القوة اللي بالدجاج وحمص الشمندر كمان لذيذ الأسعار نوعا ما مرتفعه يعني الطبق الواحد غالبا من 20 الى 30 ريال
التقرير الكامل لمطعم يوجي
مكان جميل جداً ويستحق الزياره اجواء المكان تجنن ومريحه الخدمه جيده يستحق التجربه اكثر من مره ، التاوه ١٠/١٠ اقوى ايدام ممكن تجربونه موجود عندهم الجريش بعد لذيذ المراصيع والكبسه الحمراء فنانه
تقرير متابع :
مطعم (القرية) النجدية بكل امانة تراث نجدي من الطراز الاول تنوع الاكلات الشعبية والديكور من الطراز النجدي القديم الاسعار جيدة الى مرتفعة قليل وخاصة طلبات اللحم المحلي (حسب قولهم) بصراحة اتمنى اهتمام من هيئة السياحة في جعل المطعم من الخيرات للاهتمام السياح الاجانب يوجد غرف خاصة وكذالك امكان مفتوحة (المشكلة عندهم المواقف) محدودة جدآ نتمنى لكم يوجد مكان كبير للعوائل بغرف خاصة
التقرير الكامل لمطعم القرية النجدية حي الواحة
احب هذا المطعم وزبونه من اول سنه فتحو بشكل دائم اتردًد عليه يمكن جيته بدون مبالغة فوق خمسين مره كل الاحتفالات اسويه فيه احب التعامل الاحترافية والأكل الطيب وكل شيء حلو والديكور المميز
تقرير متابع :
لو اروح له 1000 مره كل مره كأني اكله اول مره فعلت محافظين على مستوى الاكل والخدمة والخ.. والي يميزهم الي فقدته اغلب المطاعم حاليا انه حاط اعتبار للناس الي يبون خصوصيه.. وهذا سبب مهم جدا لي في كل مره اختاره فيها.. ❤️
شكرا لكم اوف وايت واستمرو
التقرير الكامل لمطعم اوف وايت
افضل مطعم لطلب الستيك في الرياض، جرب واقيو ولا راح تندم، اليوم طلبت بريسكت ساندوش مع سبرد برقر وكانت رائعه، شكرا لكم على الاكل اللذيذ.
تقرير متابع :
المطعم جيدا جيد عموما، عجبني طريقة الطلب للستيك.
الطلب كان ستيك حسب اختيارك و حسب الوزن اللي تبي. دجاج سبايسي. و سلطة الجرجير. و الطعم جيد جدا.
المميز فيه طريقة طلب الستيك انك تاخذه حسب النوع و الوزن غير مطبوخ و تطلب طبخه ب ٣٥ ريال على الطريقة اللي تبي.
بالنسبة للجو العام و الجلسات يعتبر شبه من المطاعم السريعة والجلسات غير مريحة. المطعم جدا مزدحم، انتظرت حوالي ٤٥ دقيقة للطلب و مثلها لاجل استلمه. للاسف لا يوجد تنظيم للجلوس على الطاولات، الطاولة اللي تفضى اجلس عليها مباشرة و الا بتروح عليك.
اذا بتستمتع بالاكل حاول تتجنب اوقات الزحام لاجل تستمتع بالاكل.
راح اكرر الزيارة ولكن بعيدا عن اوقات الزحمة.
التقرير الكامل لمطعم سبرد حي الواحة الرياض
مطعم أجواءه جميله جداً … اكله جدا لذيذ … الخدمة جدا ممتازة … مطعم بمفهوم جديد … انت اللي تشوي اكلك (سمك ، دجاج ، لحم ، قمبري) لا بد من تجربته والاستمتاع بأكله … الفرايد رايز عندهم لذيذ جدا من الذ فرايد رايز اكلته في داخل او خارج المملكة … مطعم يجب ان تجربه.
تقرير متابع :
مطعم ياباني يعطيك تجربة طبخ أكلك بنفسك بطريقة الشواء على نفس الطاولة ويقدم المطعم اطباق مختلفة من انواع اللحوم بالإضافة للأصناف اليابانية المعروفة مثل النودلز والرامن والكثير من ابداعات المطبخ الياباني
المكان يتميز بالتصميم الهادي والخافت والجو العام بالمطعم رايق والمطعم عبارة عن طابقين يخدم افراد وعوائل مع العلم ان الدور الأرضي مشترك، وبالنسبة للخدمة فكانت سريعة سواء في اخذ الطلبات او تقديمها
طلباتنا كانت ديناميت شريمب، وبونزاي رول كمقبلات وبالنسبه للحوم جربنا لحم التندرلوين بصلصة الجيو والدجاج كان التشيبوتلي “حار” وهو الخيار الوحيد اضافةً لنودلز الأنجوس
التقرير الكامل لمطعم بونزاي
المكان جدا راقي وهادي والكوفي مره لذيذ وتعامل الموظفين راقي جدا وخاصه الموظفه حنين راقيه وجميله
تقرير متابع :
المحل ذوق مره والعاملين فيه جداً راقين ، عشان صار الجو عج واضطرينا نجلس ضيفونا كل المشروبات مجاناً. الاكل والمشروبات لذيذة تو فاتحين لهم شهرين highly recommended
التقرير الكامل لكوفي ولاونج ياني الرياض
المكان ممتع جدا و هادئ، فكرة الكافيه جميله هو في الدور الثاني من محل ادفستو، و فيه مجموعه ألعاب منوعه تنفع لكل الأعمار ماراح تمل في المكان ابدا، طلبت كورتادو و امريكانو كانوا ممتازين أما الحلى كان جيد.
بيكون مكاني المفضل الجديد للمذاكره و التسليه، ساعه مذاكره و ساعه لعبه
تقرير متابع :
لطيف جدا ممتع هادي يصلح للدراسه وقضاء وقت للعمل، من افضل الكوفيات مناسب للجميع وخصوصا اللي يبغى مكان رايق وهادي للمذاكره او للعائله و الاطفال لوجود العاب تسلق و جلسات مريحه و هاديه بالدور الثاني و وجود مستلزمات التسلق واخرى غيرها . انصح بالزياره وبقوه
التقرير الكامل لبونّا كافيه بالرياض
مكان جميل والشيشه حقتهم حلوه و سعرها جميل وتعاملهم جدا جدا جميل و المسؤوله الجديده مرة تعاملها ممتاز مكان صراحهه يستحق الزياره
تقرير متابع :
المكان جداً رايق والشيشه سعرها مرره حلوو ب٥٥ مناسب للجميع
والمشروبات لذيذه
جربت البان كيك مرره حلووو انصحكم فيه
والموظفه الله يسعدها جداً محترمة ترضي الزباين
التقرير الكامل لمقهى مزاج الروقان الرياض
يوجد لديهم أنواع مختلفة من البن توجد عدة أنواع من المأكولات الخفيفة أيضا الأسعار فوق المتوسط
يوجد قسمين للافراد والنساء (العوائل) وجلسات خارجية للمدخنين
تقرير متابع :
قمت بزيارة هذا المكان في الفترة المسائية -نهاية الأسبوع- وهو جيد إجمالا من حيث المكان والموقع والديكور والأجواء العامة.
تجربتي للكافي لاتيه كانت جيدة ومذاقه متوازن؛ وسأقوم بتجربة أصناف أخرى في زيارات قادمة إن شاء الله
الأخت العاملة في المقهى متفانية وسريعة في تحضير الطلبات وذات تعامل راقي.
التقرير الكامل لكافيه 23M
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
