تجربتنا اليوم كانت في ابريق الشاي متخصص في الشاي لديه انواع كثيرة الشاي الأحمر و الأخضر والأزرق… و غيرها من الأنواع… و يستخدموا طريقة التقطير… يتميزون ب الشاهي الأحمر المقطر و الشاهي الأخضر و يوجد لديهم بسبوبة قشطة ومفن كيك انجليزي و كيك فانيلا الديكور جميل جدا 👍 و مرتب و يوجد جلسات داخلية… و يوجد جلسات خارجية.. تنفع في الفترة المسائية مع الرذاذ + مكيف خارجي للتبريد… يوجد شاشات لمتابعة المباريات… ويوجد دورة مياة تم تجربة الشاي الأزرق يستحق 8 من 10 والزيارات القادمة سوف يتم تجربة أنواع أخرى لديهم… تعامل الموظفين رائع جدا و خدومين و خاصة الأخ عماد… رائع في التعامل تمت زيارته في النهار… وضروي أكرر الزيارة في الفترة المسائية أنصح بزيارته 👍 لا تنسى 👍 شكرا مقدما ❤️
منيو مقهي ابريق شاي
المكان والموقع جميل والديكور وترتيب المحل متعوب عليه والطاقم ودودين لكن يحتاج الى مراجعة اسعار الشاهي وكذلك تنوع المقاسات لان عنده مقاسين فقط ومتقاربة في الاحجام الصغير ب ٧ ريال و الكبير ب ٨ ريال رغم ان نوعية الشاهي ليست ورقة كاملة، عبارة عن شاهي فرط حبيبات صغيرة الشاهي موزون
اراء المتابعين
التقرير الأول
من افضل محلات الشاي ف الرياض شاهي بطريقه حلوه والمحل رايق وميزته ينقل مباريات وهادي 👍🏻 انصح بزيارته كررت الزياره كثير واكررها ✋🏻
التقرير الثاني
انا من زوار ابريق شاي مكان هادئ ونظيف وتكييف بارد هو افضل مقهى شاي في شرق الرياض شاي مقطر 👍🏻 ١٠ / ١٠ العاملين ممتازين ومحترمين وخاصة المشرف السوداني واشكر ادارة ابريق شاي على المتابعة والجودة
التقرير الثالث
الشاهي المخدر عندهم ممتاز القهوة اقل جودة والمفترض يضع مع ضيافة القهوة طحينية سايلة الحمام يحتاج اهتمام اكثر الموظفون رائعون وودودون الكفي جميل وهادي ,, العاملين فيه رائعين ومبتسمين دائما ,, الأصناف عنده متنوعة وجميلة
التقرير الرابع
مقهى (كوفي) متخصص بالشاي بالاضافه لبعض المشروبات ..كنت بشرق الرياض ومريته بالصدفه واخذت شاي ..تبون الجد ..شاي من الاخر يعني عليك بس تلذذ بنكهة شاي خاصه وبطريقة تقديم مثل التقطير له ابريق خاص ..جو الكوفي رهيب ومرتب ومتعوب عليه وتلاحظ فيه اهتمام من المالك
التقرير الخامس
من خلال زيارتي اكثر من مرة انصح بعدم التعامل مع موظف سوداني طويل.. أخلاقه ما تنشرى ولا ب… الهندي أطيب منه كثير مع ان السودانيين اغلبهم طيبين الا ان هذا الرجل غير طبيعي… يعصب ويتعامل بطريقة منرفزة
التقرير السادس
المكان مميز وهادئ والجلسات مريحة، والديكور جميل ومتعوب عليه وباين ان المالك تعب عليه وقايم على شغله الله يوفقه، الاسعار معقوله ، وافضل مافي القائمة الشاي المقطر 👍🏻👌🏻، العامل المباشر للطلبات الداخلية مفهي شوي يحتاج تركيز😄
التقرير السابع
مساء الخير للامانة من افضل محلات الشاهي في الرياض هادي ونظافة واسعار جميله وفوقها تعامل اصحاب المحل من افخم شيء شكرا شكرا شكرا على هذا المكان الجميل 😍😍😍👏
التقرير الثامن
امانةٍ الشاهي عنده خورافي جلست انا واعيال عمي واخذنا ثلاث مرات براد شاهي وراعي المحل متعاون وواضح وعنده الشفافية مع العملاء والله يوفقه ويسعده يا عالم انصح فيه بشكل كبير كبير كبير
التقرير التاسع
المكان جميل و الديكورات جميلة جربت الشاهي المقطر لابأس. و جربت الكيك اشوفه ممتاز. اتمنى بالمستقبل تكون أنواع الشاي أكثر. سعره ممتاز
التقرير العاشر
والله إنه من أجمل من قدّم الشاي بفكرة و جودة و اهتمام وللمهتمين مثلي في مصدر النعناع والحبق والشاي الأخضر هو أن صاحب المحل يجيبها من المدينة المنورة مصدر هذه الورقيات المميزة.. وسبب عدم اعطاءي هو في نوعية الأكواب الورق جداً رديئة ولكن الطلبات داخل المحل افضل انواع الكاسات موجودة .. اتمنى مُراعاة هذا الأمر مستقبلاً طبعاً أنا اجيب معاي كوب قزاز اذا ابي اخذه سفري.. طلباتي دائماً ( شاي أحمر / شاي أخضر ) اليوم أخضر 👇🏽
