كافيه باكي Baki بالرياض المكان رائعا و قهوتهم لذيذه جربت من عندهم بلاك الكوفي ولا غلطه صراحه و عندهم عروض 😉✔️ والاسعار مناسبة مع الجميع.
طريق الإمام سعود بن عبدالعزيز بن محمد، المغرزات، الرياض 12483، المملكة العربية السعودية
966581160365+
مكان لطيف الخدمة جيده تحتاج تحسين موظفه سعوديه كويسه بس ماحبيت ريحة المكان معطره بس مزعجه شوي اخذت سبانش لاتيه حار ممتاز وبارد عادي
جميل +مرتب +نظيف+ اضاءه لطيفه ، الموظفه الموجوده وقت تواجدي قمه بالذوق ، حصل موقف بسيط وتفهمت وعطتني خصم وفوق كذا طبق كان مجاني وتأسفت لما حدث ، ، v60 في المخيخ عجبتني جدآ موزونه وحموضتها مو عاليه و حلى بودنق التمر لذيذ ، يملى المكان رائحه لطيفه حريصين على رضا القادمين لهم ، مرات تكون موسيقى هادئه ومرات اغاني .. وعندهم قائمه محدوده للعشاء او خفايف.. واتمنى يكون في هالمستوى دائمآ ومرات يكون هادي للي حاب يقرأ او يروق ..
القهوة ممتازه ( فلات وايت) المكان هادي جدا العاملين لطيفين .. خيارات الحلى ماتحمس مره.
الجلسات مرتبة و وسيعة لكن عيبة الوحيد كمية المعقمات اللي يرشونها على الاسطح والعملاء جالسين مزعجة جدا تكتمك وتطير مزاج القهوه من رأسك وتحسسك انك داخل مستشفى مو كافيه للاسف .
الكوفي بشكل عام جيد ولا ودي اضره بالتقييم بسبب المصري اللي يحاسب
اسلوبه غير جيد
اتمنى يبعد عن الكاشير ويشوف له شغله ثانيه ما فيها كلام مع الزباين
تجربة أكثر من رائعة جربت أغلب أنواع الحلى كلها لذيذة ماشاءالله خاصة كيكة الزعفران 😍❤️
المميز فيه الديكور والا القهوة عادية، المكان فاضي لكن مزعج بسبب الموسيقى ما أعتقد أكرر الزيارة إلا لو صار أكثر هدوء
هذي ثالث زيارة لي وبما انها ثالث زياره يعني اكيد اللي رجعني طعم القهوة وطريقة تحضيرها والاهتمام والنظافة بس اليوم اخذت قهوتي سفري
الموظفه المتواجدة اليوم جداً خلوقه واسلوبها جميل حبيت اقدم لها شكر وتمنيت اعرف اسمها عشان اذكره انصافاً لها ولذلك تم ذكر التاريخ والوقت في البدايه
انصحكم بالزياره والتجربه والله يستاهلون
وللإضافة السريعة اضغط هنا
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
