مطعم باركرز بوب اب (الأسعار + المنيو + الموقع )

مطعم باركرز بوب اب مطعم سعودي موجود في الامارات وفي مدينة الخبر ويفتح كل موسم شتاء في الرياض بشكل مؤقت (ويحتاج يكون معك مفتاح 🗝عشان تدخل فرع الرياض) المطعم جميل والتنظيم أجمل الجلسات كلها خارجيه وفي قسم عوائل وقسم شباب موفرين دفايات للمكان وبطانيات للزباين فلا تشيل هم البرد

• الإسم:  مطعم باركرز بوب اب
• التصنيف : مجموعات/ أفراد
• النوع : مطعم مأكولات  متنوعة
• الأسعار : أسعار متوسطة
• الأطفال : مناسب للأطفال
• الموسيقى : يوجد موسيقى
• مواعيد العمل: ٣:٠٠م–١:٣٠ص
• الموقع على خرائط جوجل : للوصول للمطعم عبر خرائط جوجل اضغط هنا

عنوان مطعم باركرز بوب اب :

النخيل، Exit2 11564، المملكة العربية السعودية

رقم هاتف مطعم باركرز بوب اب :

966580340253+

ادارة المطعم وفقت بأختيار المكان أولاً ، المكان جداً رايق وماتحس انك في الرياض بسبب جمالية المباني اللي حول المطعم ، الخدمة تفوق الوصف من الويتريه ابتسامه حاظره بكل وقت ، المذاق جداً جميل ، السعر يعتبر مرتفع بسيط شوي وممكن تعذرهم بسبب الجو اللي مسوينه ، انا وفقت بالزياره لهم خاصه ان الجو كان ماطر وزاد من جمالية المكان اكثر ، اكررر الزياره مره ثانيه وثالثه ..

أفضل أطباق المطعم :

الفرايز لذيذ

برجر الدجاج لذذيذ

الششريمب مرهه يفوز

الحلا مو ذاك الزود على المدح الي فيه ثقيل ودسم مره

الاسعار ممتازه وجدا معقوله ومتوسطه معدا اسعار الحلا مبالغ فيها

الخدمه ججيده جدا الى ممتازه

منيو مطعم باركرز بوب اب

تقارير المتابعين للمطعم:

التقرير الأول:

المكان جداً جميل

انا لحالي 🤣😂 افطر فيه ولا عمرها صارت في تاريخ هذا المطعم

الاكل عادي وفيه افضل منه طعم

الصوص اللي يستخدمونه في البرجر والبطاطس شوي سبايسي

حلو وهادي وانا لحالي 🤪

يستحق التجربه لان الموقع حلو

من يبحث عن طعم خيال !! ماراح تلاقيه في هذا المطعم كل مافي الموضوع ان فكرة الفتاح غريبه

اللي يبي برجر ممتاز وسعره حلو بقولكم بعدين

التقرير الثاني:

الاكل لذيذ و سعره مثل المطاعم اللي مثله :برجر بوتيك الخ ، لكن الفرينش فرايز حاامض،صوت الاغاني جداً عالي و مزعج خصوصا ان السماعات اقرب لقسم الأفراد، الحلى جميل خصوصا اللوتس

القهوة يستخدمون ( دبل نبتة ) بس غاليه سعرها مثلا ١١ عندهم ب ٣١ و لا فيها زود و صغيره ،الطلب ما طول ابدا و سريعين و الاكل يجي حار ، لكن البرقر حجمه متوسط اقل من الحجم المعتاد عليه، يوجد دفايات غاز و بطانيات، برقر فاير جامد ( اللحم ما اعجبني ابدا ) و الدخول له عن طريق المفتاح ، يستحق التجربة بس ما يستحق الزياره مره ثانيه

التقرير الثالث:

المكان قبل كل ششي يفففوززز

الجلسات جميله

وسط الاسبوع مرهه هادي ورايق عكس الويكند مرهه زحمه وازعاج

التقرير الرابع:   

اذا مازرت هذا المطعم تراك ماذقت برقر في حياتك انته وضميرك . السعر مرتفع قليلاً اوصي ببرقر باركر قيمته ٤١ ريال شريحتين وبطاطس بالجبن قيمته ٣١ ريال بيبسي ب١٣ يعاد تعبيته حاول تجزرها ببسي اذا انت مطفر ودق علي

يوجد موسيقى نبراء لله منها