مطعم تميسة تغطيتي له إن المكان جميل لكن شبه صغير الطاولات متقاربه من بعضها الخدمه مميزه كان الأفضل أن يكون للعوائل خصوصية انهم يأكلون ع راحتهم بدون الجلوس بين طاولات الشباب
يستحق التجربه مره ثانيه وعاشره
ملاحظه إلى صاحب المطعم لو الجلسات الخارجية تحط عليها حاجز بسيط من جهة المواقف افضل لان اللي بيجلس يقدر ياخذ راحته بدل مايطالعونه اللي رايح وجاي😁
وبالتوفيق ي رب وعقبال ١٠٠ فرع
مطعم كخيار ممتاز للفطور والمنيو متنوع واطباقه عديدة… أسعاره جدا مناسبة والخدمة سريعة جدا..والديكورات حلوة ومرتبة.. منظم أثناء الدخول يتم تسجيل الاسم ورقم الجوال للحجز بصراحة اشكر القائمين على المطعم الخدمة والجودة والسرعة وانخفاض الأسعار واتمنى ان يستمرو في ذلك..
مطعم فطور لذيذ
الجلسات حلوه وشرحه والديكور جميل 👍 فيه جلسات خارجيه قليله مره بس حلوه
بس فيه عيب الانتظار 😓 وصلنا للمطعم وقالوا انتظر ساعه ونص رحنا مشوار قريب الى ماجاء الاتصال منهم قبل بعشر دقايق
الاستقبال كان جميل جداً الله يقويهم
الطلبات :
بيتزا فلفل 10/10 👌🏻
فول قلابه ممتاز اعطيه 10/9
شكشوكة زمان مضبوطه اعطيها 10/9
صاحبه المطعم بعد ماينتهي الاكل تجي للطاولات وتسال عن رايك في الاكل 😻
المطعم بشكل عام جميل رغم الانتظار الطويل
مطعم فطور مميز.. ديكور ابداعي جميل وجلسات متعدده قسم واحد عوائل او افراد مسموح اطفال لاكن لايوجد لاسف مقاعد خاصه بالاطفال نأمل توفيرها بالمستقبل للضرورة
المطعم مزدحم واغلب وقته حجز انتظار.. انا انتظرت ساعه كامله لكن اخذو جوالي واتصلو علي يوم وصل دوري.. طااقم العمل ممتاز وتعاملهم محترم..
الاسعار تعتبر رخيصه وهذا الشي يشكرون عليه
والاصناف متعدده جربت..
١. فول بالكشنه ☑️ جميل ومميز
٢. بيض باللحسه.. 😔 يحتاج تطوير اكثر لم يعجبني
٣. مطبق مالح.. الطعم كويس وليس مميز
٤. تميز بيتزا الفلافل.. مشهوره عندهم بس طعمها عادي
٥. شاهي احمر براد.. يكفي لشخص. ☑️ مممتاز
٦. عصير برتقال.. ☑️منعش وطازج
ديكور المطعم جميل والاجواء رائعة. الانتظار جدا طويل يمكن ساعه ونص. الخدمة كانت جيدة لكن الستف غير كافي لتغطية العدد. الاكل متوسط مقارنة بالسعر. طلبنا
فول مع كشنة اعطيه ٣/٥
كبدة جدا لذيذة ٥/٥
مطبق اقل من عادي ١/٥
التميز سىء وناشف ياليت في خيار تميز بر
الشاي وصلني بارد ومافي شمعة للتسخين!
انتظار طويل يمكن عشان قوة الإعلانات
المكان صغير تكه وضيق دور ارضي والخارجي غير مجهز تماما
حمام النساء مقابل حمام الرجال الباب بالباب ومفتوحين وسيب واحد يجمعهم ضيق
الاكل عينات كميه صغيره والصور ف القائمه كنها كبيره وتشبع يقولون تميسه وتتفاجأ انه فطيره ٥ سم عرضها
الجرسون كان خدوم جدا ورائع فلبيني اسمه دلمنه اتوقع
اسعارهم ع الكميات البسيطه غير مقنعه.. تجربه عاديه
مطعم تميسة يقع في حي الياسمين بالرياض ، دور ارضي يوجد جلسات خارجيه حوالي ٦ ، وجلسات داخليه حوالي ٢١ جلسه
الطبخ امامك ، المطعم افراد وعوائل مع بعض وهذا من عيوبه ، مسموح الاطفال ، لا يوجد حواجز ، لا يوجد موسيقى ولله الحمد ، الجلسات مريحه
يوجد على الطاولة معقم وملاعق وشوك وسكاكين بلاستيك مغلفه ، ويوجد ملح وفلفل وسكر ، وطبق صيني مغلف ، الموظفين سريعين في تنظيف الطاولات بعد الانتهاء من الفطور، الدوام من ٤،٥ فجرا إلى ٤ عصرا
اتينا الساعة ٥،٤٥ وكان مزدحم لم يتبقى غير ثلاث جلسات لذلك لم استطع تصوير الجلسات اكثر ، كأن المطعم سوف يأخذ جزء زياده من الداخل ولكن لم تضاف بعد ، انتظارنا للطلبات ثلث ساعة وكانت ، سمبوسة جبن بالنعناع ٨ حبات سعرها ١٤ ريال ممتازه ساخنه ولم تمتص زيت
شكشوكة زمان فن سعرها ١٥ ريال ممتازه ، سلطة طماطم ٩ ريال ممتازه ، كبده ٢٢ ريال ممتازه ، فلافل عشر حبات منها حبتين محشية بصل وهذه يوجد عليها سمسم
و٨ حبات عادية معها ٣ انواع تغميسات ممتازه ساخنه ولم تمتص زيت ، الخبز مجاني وهو نوعين ، ابريق شاي احمر ٨ ريال حجمه صغير يكفي شخص واحد
مجموع الفاتوره ٨٧ ريال مع الضريبه ، اتمنى يتم إضافة صحن نواشف للأطباق ، من عيوبه الجلسات الخارجية عوائل وافراد للاسف الشباب الموجودين فيها يدخنون بشراهة لدرجة اول ما تقبل على المطعم ما تشم إلا دخان اعوذ بالله
لكن صاحب المطعم وضع مدخل الجلسات الداخلية بعيد عن الجلسات الخارجية، يوجد مشرفة على الوضع لا ادري قد تكون صاحبة المطعم .
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
