مطاعم و مطابخ مرفئ اليخت جربت أكثر مطاعم الرياض حق اللحم المندي بس ماذقت ألذ من اللحم المندي حق هذا المطعم يجي من برا مقمر ولونه يطربك ومن جوا طري وطعم الحطب فيه وتذوق نكهة المندي حق زمان
صراحة عندهم رز حضرمي ولا اطلق وافضل دايم اروح لهم بسبب السلطة الحاره
المندي والمظبي عندهم حاجه ماحصلتش.. روووعه طبخهم ولا تنسون تطلبون رز حضرمي، 😋
الكبسة الحضرميه عنده روعه ومعتمد رسميا في اي مناسبة عندي .
ومكموت الحاشي ممتاز جدا انصحكم بالتجربه. ولا يقل جودة عن غيره بلمثلوثة والمندي والمضبي
مأكولات كبدة على الفحم أو مضبي لحم مع العسل بس باقي يوسعون الطلسات الداخلية شكرا مرررة
المطعم الثانى ملك المقلقل في اللحم عاد ذولي احسهم ما يغنون للذبيحة ذولي احسهم يودونها ونترلاند يمشونها ثمن يذبحونها
المطعم هذاا ملك المقلقل ولا يحتاج تحجز قبلها بيوم بس الطلب يتأخر نص ساعه واكثر
مطاعم و مطابخ مرفئ اليخت
أتمنى ألاقي مطعم في الرياض يسوي مندي بلحم حري مثل مطاعم الطايف
لأن الحري مليان شحم والشحم يطلع مع اللحم في المندي جنان أفضل من التيوس بألف مره حتى بتلاحض فرق في الطعم في لحم المندي اللي يجي في العزايم عن اللي يجي بالنفر في المطاعم والسبب ان أهل العزايم يسوون حري او نعيمي ويطلع المندي مقمر و رهيب ودسم موب ناشف زي التيوس
بالنسبة لمطعم مرفئ اليخت صراحة يسوي مندي لحم مجنون روعة لأبعد الحدود بس بشرط تقول له يجيب لك مقمر
وإذا تبغى تطعم اللحم المندي صح جب له ربع ذبيحة حري أو نعيمي وسط وخله يطبخه لك مندي وشف كيف الطعم كأنك جالس في حضرموت
أنا والله مالي أي علاقة في راعي المطعم بس مدحته لأني من جد لقيت مطعم يسوي لحم مندي صح
أنا جربت المطاعم الشعبية اللي في الصناعية القديمة كلها جريف والسعيد ونجد وبن سويدان وباخلعة وبن مرضاح والسده وكل الباقين ولا في مطعم يسوي زي المندي حق مرفئ اليخت
وجربت المطاعم الفخمة حق المندي زي الرومانسية والناظج وديرتي وهذي كلها طبعا ماتبدع في اللحم المندي زي المطاعم الشعبية مجرد ديكور
والله تعبت وانا أدور في الرياض مطعم يسوي لحم مندي زي حق زمان ولا لقيت
بس لقيت مطاعم مندي رهيبه في الطايف في الشفا والهدا ومطعم عدي للمندي اللي في مكه ومطعم بئر الروحاء اللي في محطة الرحيلي وانت طالع من جده ورايح مكه ومندي طلوب اللي في الباحة هذي اللي صدق حقهم اللحم المندي رهيب وفيه نكهة الحطب ونكهة زمان ويجي مقمر
التجربة حسب التالي:
الموقع: جيد جداً
المواقف: الحمدلله حصلت موقف أمامه وإلا أتوقع المواقف صعبة.
الاستقبال: عادي
الخدمة: متوسطة سرعة احضار الطلب. والمفروض الطلبات الخفيفة مثل نص حبة دجاج يمشوه فورا مقارنة باللي يطلبوا أكثر من عشر وجبات.
الجودة: لذيذة جدا.
الأسعار: نص حبة دجاج مندي رز حضرمي ب١٦ ريال .
النظافة: ممتازة …👍🏻👍🏻👍🏻
خدمة توصيل طلبات: لا أعلم.
هل أكرر الزيارة: نعم 😋😉
أمنية من صاحب الموقع: لا يوجد في بالي اقتراح معين حاليا…
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
