نقدملك تقرير مميز لتغطيات خاصة من اكيلة موقع كافيهات و مطاعم الرياض لأفضل مطاعم على طريق الدمام الرياض فتابع تغطياتنا للنهاية
المطعم رهيب خاصة حميس لحم مع حمص وبابا غنوج وصحن أوصال دجاج اسعارهم حلوة
تقرير عن المطعم: مفضل عندي خصوصا بالمشاوي واللحم الطازج
ورق العنب مايحتاج وصف🤙🤙
الأسعار معقوله
الخدمة جيده جدا
بس لفت انتباهي جلسات المطعم تحتاج ترتيب وتجديد ويكون مميز وترتاج بجلوسك ع السجاد.
الاكيد ميه ع ميه
للمزيد عن مطعم ركن الرافدين إضغط هنا
للمزيد عن مطعم فاير جريل إضغط هنا
الرومانسية مطعم معروف ومشهور وفروعه كثيرة جدا فالرياض، طلبت منه مره مثلوثة وكانت فعلا لذيذة وطعم الجريش فيها ممتاز وعجبتني ايضا البصل المحمص او المكشن الي حاطينه على الرز، ايضا طلبت منهم مندي لحم نص تيس وكان فعلا لذيذ وبيض وجهي قدام ضيفاني، رز البشاور عندهم تمام التمام ما شاء الله تبارك الله، ينفع ايضا تروح لحالك او مع صاحبك، يعجبني فيهم ايضا الطلب ما ياخذ وقت كثير يعني بالكثير عشر دقايق والطلب جاهز، باقي بس اجرب الكنافة عندهم واتوقع لذيذة
تقرير متابع:
خيار طيب للأكل.. نظاقة وسرعة وطعم .. يعتبر من افضل المطاعم بالرياض. ولدية خدمة توصيل سريع، يقدم الذبائح خلال ٣ ساعات او اقل والتيوس مهما كان عددها يقدمها فوري.
للمزيد عن مطعم الرومانسية اضغط هنا
مطعم بنات ساره
عندهم فقط مقلوبة دجاج
طبعا شكلها يختلف عن المقلوبه المعروفه، هذي تحس انها محمره بالفرن لكن طعمها لذيذ وتستاهل التجربه
وعندهم قرصان اعتقد انه ألذ قرصان موجود بالمطاعم
جلسات ارضيه للشباب فقط والي يطبخون حريم
الموقع في محطة الرويضان طريق الدمام
👍اكل ممتاز بصراحة مقلوبة وجريش وقرصان ولا اروع بصراحة متعوب عليها الله يعطيهم العافية ولو ان السعر المقلوبة مبالغ فيه شوي بس تستأهل بنت البلد
خدمتهم ممتازة وعندهم خدمة التوصيل سريعة جداً وتعاملهم رائع انصح بالتعامل معهم وأتمنى يوفرون خيارات أكثر في منتجاتهم، طريق الدمام حي اليرموك قبل كبري الفحص للي مايحب يمشي على الخريطة
مطعم جميل ورايق وصحي وعنده عجين بر وابيض وانا افضل البر خاصة بيتزا الدجاج ممتازه جدا ولذيذه انا انصح بهذا المطعم وخاصه كبار السن لانه جميل ومهتمين بالنظافه ومهتمين بالعمال وكميات الدجاج والاجبان كلها بالوزن ومغلفه في اكياس وديكور المحل جميل من حيث الخشب والالوان بصراحه تمنيت لو عندي نفس هذا المطعم الجميل الله يوفق صاحبه ويرزقه وييسر له اموره
للمزيد عن فرن الضبعة إضغط هنا
ألذ بخاري آكله بالرياض..صح أنه الملح شوي زايد بس هذا عيب أكثر المطاعم كذا..بصراحة رغم الزحمة بس سريعين في الدفع وتجهيز الطلب وأكلهم لذييييذ الشواية والفحم ..والمصقع..ويعجبني عندهم الببسي القزاز
من وجهة نظري ألذ بخاري أكلته بالرياض وجربه كذا واحد من زملائي وأعجبهم أتمنى أنها تستمر جودة الأكل ولا تتغير مع الوقت بالنسبة للطلب يجيك بسرعة إقرأ المزيد…
خدمة توصيل أكثر من رائعة .. وتعامل راقي من جميع منسوبي المطعم .. تحية حب واحترام لهم .. وفقكم الله .. انصح فيه بشده .. كذلك أسعارهم معقولة وحلوه ❤✋
بصراحه افضل مطعم ممكن تاكل فيه فطور صباحي منوع مشكل لذيذ شهي كل ابو شي وسعره معقول باقي الاكل ما جربت صراحه حمام الله يكرمكم مافيه يعني اذا أفطرت لاتمخمخ ف الساهي كثير او خذ التفريق سفري ولاتشرب مويه😁 وودي يعيدون النظر في اللون الاسود ف الديكور اول شي مصغر المساحه ثاني شي كئيب وتحس انك تاكل في عنبر سجن ثالث شي لو كل دقيقة تنظف يبان لك المكان وصخ ومغبر اصلن لو تمشي نمله على الجدران او الرخام شفت جرت كراعينها الله يوفقهم وسلامتكم🤷♂️
مطعم مندي وحنيذ الجنوب تجربتي مع هذا المطعم من اول افتتاحه ويعتبر من افضل مطاعم على طريق الدمام الرياض
في البداية كان ممتاز وبعد فتره اصبح يتغير ليس بنفس البداية لكن بحسب تجربتي لاكثر من مطاعم الحنيذ هذا الافضل حاليا، مشكلته تيوس صغار اذا بتعزم خذ احتياطك النفرين يساوي نفر ! وجربت عندهم الولائم ممتاز
الفطور المقلقل والكبده طازجة وفطورهم الافضل حتى الان في الرياض لكن لازم تلحق بدري قبل يخلص بعد صلاة الفجر يعني مباشرة لان الكمية قليله
مطعم متخصص في طبخ الحنيذ.. لحم و دجاج. الحنيذ هو طريقة لطهي اللحوم، ويطلق هذا الاسم على طبق تقليدي مشهور ويعد من أقدم الوجبات في تاريخ جزيرة العرب. ويتميز بالمذاق اللذيذ بالاضافة إلى تقديم وجبة الإفطار.. لحم مقلقل طازج.. والكبدة البلدي اللذيذة إقرأ المزيد…
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
