كافيه ايفوك EVOKE الرياض (الأسعار+ المنيو+ الموقع)

كافيه ايفوك EVOKE الرياض مكان هادىء كوفي واسع ريحته ما شاء الله منعشة راااهي بصراحة بالمساحة دورات المياة رجال _ نساء جداا نظيفة _ متوفر سجاد صلاة … العاملين فيه لطيفين ،،، متوفر أفياش كهرباء تحت الجلسات

• الإسم: كافيه ايفوك EVOKE الرياض
• التصنيف : مجموعات/ أفراد
• النوع : كافيه
• الأسعار : متوسطة
• الأطفال : مناسب
• الموسيقى : يوجد
• مواعيد العمل:، ٧:٠٠م–٢:٠٠ص
• الموقع الالكتروني : للدخول للموقع الإلكتروني للكافيه إضغط هنا
• الموقع على خرائط جوجل : للوصول للكافيه عبر خرائط جوجل اضغط هنا

عنوان كافيه ايفوك EVOKE الرياض

4842 طريق الامام سعود بن فيصل، الصحافة، 7007, الرياض 13321،

أفضل ما يقدمه الكافيه

كوفي جميل مكانهم حلو وقهوتهم جميله والاجمل حلاهم لايفوتكم لذيذ

ايس دريب مميز الين اثيوبي 10/10

كيكة نسيت وش اسمها بس جميله جدا 1010

منيو كافيه ايفوك EVOKE الرياض

تقارير المتابعين للكافيه :

التقرير الأول:

عندهم كيكة رهيبه فيها لغاويص يحبها قلبك،، يسمونها كيكة ميلتد وفي محلات أخرى يسمونها كيكة السعادة
سعرها ٢٢ واذا تبي مع آيسكريم اعتقد ٢٨
المكان جميل وباااارد في عز الصيف
خدمتهم حلوه وماتطول مع ان الكيكة تحتاج وقت للتحضير لكن ماتتجاوز ٥ دقايق

كل شي بيرفكت سواء كان الحلى او القهوة
كانت زيارتي لهم بفترة الصبح الكوفي رايق و هادي و احلى من هذا كله ان مكيفاته باارده تبرد الخاطر بعز الحر

التقرير الثاني:

سأشاركم تجربتي الجميله لجديد الرياض

▫️أولا : المكان جميل , الجلسات متنوعه , مناسب جداً للدراسه والعمل وجلسة الأصحاب
▫️ثانيا : الطاقم لطيف جدا والخدمه كانت سريعة جدا جداً
▫️ثالثا : القهوه كانت ١٠/١٠ ، خيارات الحلى جميلة
الطلبات
‏- V60 بارد
– بقلاوة بروليه
– كروفل ستيكس

الأسعار : مناسبة

نهايةً : اتمنى لكم تجربة جميلة نفس تجربتي

القهوة اخذت ايس كورتادو و وايت لاتيه
الحلا ملتيد كيك مع اضافة ايسكريم
جميع الطلبات كانت لذيذه

التقرير الثالث:

الكوفي جميل وبسيط القهوه لذذذيذه وموزونه وتبخيرها ولاغلطة طلبي لاتيه ب١٨ وطلبت الكيكه المشهورة عندهم لذذذيذه والله ومناسبه للمشاركة لانها دسمه بس لذيذه والله

المكان حلو بس مزدحم مافيه نظام حجز من سبق لبق
البنت الي فالكاشير تهبل لطيفه جداً
طلبت ايس درب وايس وايت لاتيه مع كيكة التشوكلت المعروفين فيها
كلهم حلوين …

مكان مره حلو وهادي

طلبت من عندهم

سبانش لاتيه حار ١٠/١٠ مره لذيذ وجاني موزون

هل ممكن ارجع له مره ثانيه ؟ اكيد

التقرير الرابع:

جربنا الهوت تشوكلت عندهم مميز ونكهة التشوكلت المبروش مره خيال وحبيت انه حلاه مو قوي زي الباقين تمنيت لو اضيف عليه شت او شتين قهوة بيكون الذ احس

جميل المكان بسيط وهاديء
قهوتهم حلوه
السعر شوي عالي بالنسبه للمكان
اشوف الناس كلها تطلب v60

المكان نظيف رايق ومريح للعين ونفسيا اضاءته حلوه مره واسع وجلساته حلوووه مره مشروباته منتوعه بس الحلا قليل خياراته يعيبه ان اسعاره مرتفعه شوي ..طلبت ثلاث مشروبات وقطعتين سويت ب 93 ريال ..
البلايليست اغاني لانا تجنن ورايق صوتها