مطعم شا شاورما الرياض (الأسعار+ المنيو+ الموقع)

مطعم شا شاورما الرياض مطعم مرتب ومنظم والشاورما عندهم مميزه لمحببن الشاورما لا يفوتكم فعلا شغل نظيف ومرتب من الاخر والبطاطس رووووعه .. فعلا يستحق التجربه مرة اخرى الموظفين سريعين و تعاملهم جميل والمسؤول تعامله جدا راقي

• الإسم: مطعم شا شاورما الرياض
• التصنيف : مجموعات/ أفراد
• النوع : مطعم
• الأسعار : متوسطة
• الأطفال : مناسب
• الموسيقى : لا يوجد
• مواعيد العمل:، ٣:٠٠م–٣:٠٠ص
• الموقع الالكتروني : للدخول للموقع الإلكتروني للمطعم إضغط هنا
• الموقع على خرائط جوجل : للوصول للمطعم عبر خرائط جوجل اضغط هنا

عنوان مطعم شا شاورما الرياض

شارع عبد الرحمن الغافقي، الروضة، الرياض 13213،

أفضل أطباق المطعم

منيوهم بس نوعين شورما عادي وسبايسي الحلو ان الخبز المفرود طبقة وحده والحشوة راهية وسعرها مقارنه باللي حولها جدا معقول

منيو مطعم شا شاورما الرياض

تقارير المتابعين للمطعم :

التقرير الأول:

كمية اللذة بالشاورما لا توصف، على صغر الشاورما عندهم الا انها تشبع. 

التقرير الثاني:

ماشاء الله تبارك الله جميله
الحراق اطعم والسبب درجة الحراره فيه جميله جداً تعطيك لسعه
كمية الدجاج مناسبه والثوم موزون لكن البطاطس كان بارد للأمانة
الشي الي عجبني ويخلي الواحد يرجعله وينتظر مع الزحمه طبقة الخبز الوحده ولفهم للشاورما
وبالعافيه للجميع صح اني مصور لكن اذا صار الواحد جوعان مايدقق بالصوره الا بعد الاكل

التقرير الثالث:

لي فترة كل ما امر من عنده احصل اللاين طويل عليه،، الليلة مريت صدفة وكان فيه سيارتين تقريبا فقررت اجربه
فكرة الدرايف ثرو لحالها رهيبة.. الشاورما خفيفة ولذيذة بس طلبت طحينة قالوا مافيه غير الثوم وجت الشاورما ملغمة ثوم وهذا الشي الوحيد اللي ما حبيته فيها.. البطاطس لذيذ لذيذ مرررة .. والكوكتيل مضبوط

التقرير الرابع:

ممتاز جدا ، من اروع مطاعم الشاورما في الرياض حاليا ، شاورما كلاسيكيه مافيها زيادات ولا لغاويص لكن لذيذه جدا ، طلبت وحده عاديه ووحده حراق كلها كانت لذيذه جدا وحجمها مناسب والبطاطس كان لذيذ ايضا ، تحتاج ٢ الى ٣ شاورما عشان تشبع فعليا بدون البطاطس ، المطعم جميل والخدمه سريعه لكن الله يعينك على الزحمه شوي خصوصا بعد الساعه ١٠ بالليل تجربه ممتازه وراح ارجعلهم كثير ان شاء الله ،