إذا كنت تبحث عن افضل 10 من مطاعم برجر المجمعه فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
مطعم يقدم وجبات لذيذة و لحم جيد جدا مع مجموعة غنية من البطاط و انواع الإضافات عليه يستحق الزيارة و تجربة احد وجاباتهم.
تقرير متابع :
مطعم متخصص في البرجر عندهم قسم افراد صغير واخر للعوائل في الاعلى قسم العوائل جلسات مغلقة وفيه فقط مغاسل وريحة الاكل تدخل عليك .. تم تطوير قائمة المطعم وتقدم كبير عن السابق جعلني احسن التقييم .. جربت برجر الدجاج المشوي جميل وخيار جيد لمن يبحث عن تقليل الدهون كذلك البطاطس العادي جربت جيد وكذلك البطاطس المدخن (سموكي) دسم ومتبل ببهارات الشواء مع قطع لحم مدخن جيد بس الافضل تطلبه اذا كنت بتاكل محلي.. الاسعار مرتفعة نوعا ما ..
التقرير الكامل لمطعم بي ون برجر المجمعه
مطعم برجر راقي و مرتب و لذيذ البرجر ممتاز واللحم طعمه رائع و الخبز طري و انصح به .
تقرير متابع :
المحل نظيف جداً وطاقم العمل متعاون وروحهم مرحه
الطلبات كانت كالاتي:-
برجر لحم ون واي
برجر كرنشي دجاج
اجنحة دجاج
اخيراا لقيت مطعم لذيذ وحلو ويعجب الكل صراحه مره لذيييذ خصوصا دجاج ديناميت عندهم حلوو وكرانشي برجر لذيذ بس الزيت فيه كثير لكنه يشبععع
لذيذ وانصح فيه
التقرير الكامل لمطعم ون واي برجر المجمعه
مطعم متخصص في البرجر عندهم برحر حاشي ولحم بقري و دجاج وايضا صنف جديد وهو البرستد ، المطعم فيه قسم افراد فقط و الجلسات محدودة .
تقرير متابع :
مطعم متخصص في البرجر ، المطعم فيه قسم افراد فقط والجلسات محدودة .. بالنسبة البرجر جربت الانواع الثلاثة الحاشي جيد وكذلك بقر لحم البقر جيد ، برجر الدجاج بدون طعم ما انصح فيه ، يعيب البرجر شرائح اللحم سخيفة جدا رغم السعر مرتفع اما الدجاج اسخف شريحة دجاج شفتها في البرجر جدا صغيرة وسعرها ب١٩ ريال ! البطاطس يستخدم بطاطس رفيعة للي يحبها تبي تعجبه ويرش عليها فلفل اسود اذا ما تحب الحار نبهم ،السعر على الطعم اقيمه متوسط ٣برجرات وحده بدون وجبة ب٧٢ ريال ، المشروبات المتوفرة ببسي قزاز وسفن قزاز وعصير المراعي وماء بيرما تمنيت لو الماء من الشركات المتميزة مثل نوڤا او بيرين
التقرير الكامل لمطعم سقنتشر برجر المجمعه
مطعم لذيذ جدا والخدمة ممتازة بدون موسيقى وجلسات العوائل فيها خصوصية مريحة
تقرير متابع :
مطعم متخصص في الهمبرجر (يوجد مكان للعوائل)، يوجد نقت وربيان ولحم وطبعا دجاج ولايفوتكم (البطاطس بالجبن) ، طعمه لذيذ وسعره معقول جداً ، مكان راقي بديكوراته الجميله وهادي .
التقرير الكامل لمطعم ريتش برجر المجمعه
مطعم لذيييذ وسعره مناسب انصح ب سبشل لحم و كرسبي دجاج انصح فيه والنظافة والتقديم والاهم السعر الحلو
تقرير متابع :
مطعم ممتاز واسعاره منافسه اصنافه تُقيم من جيد الى ممتاز مش اقل من جيد
المكان الافضل لبرجر الدجاج المشوي في المجمعه طلبت سبيشل دجاج لذيذذذذه بهار الدجاج موزون والصوص جيد والبطاطس المضاف كميته راهيه ..تُعتمد
سبيشل اللحم لا بأس بها
البطاطس المقليه جيده
التيشلي فرايز لا بأس بها على سعرها
اصابع الموزريلا تستحق التجربه ممتازه .
التقرير الكامل لمطعم برجر فوريو المجمعه
مطعم ممتاز ومذاق البيتزاء لذيذ والخدمه حلوه وسريع ماتاخرنا عنده تقريبا 10دقايق او اقل…. انصح فيه
تقرير متابع :
البرجر جدا لذيذ ومشهي والبطاطس اكثر من رائع لكن عيبهم الخبزة حقت الهمبرجر صغيرة لو يزيدون حجمها يكون افضل
التقرير الكامل لمطعم رشوش وبرجر المجمعه
تعامل الموظف في الاستقبال اسمه دانش مبتسم ومتعاون وبشوش عروض الوجبات رائعه خاصة وجبات الزنقه تكس مكس لذيذ ستيك هاوس باللحم رائع
تقرير متابع :
طعم لذيذ وخدمة ممتازه والاكل نظيف والمكان نظيف لايفوتكم تربل وبر مع بطاطس تجيز
احب عندهم ساندوتش الدجاج الكرسبي السبايسي لذيييذه ، صدق ما ادري وين كنت عنه من زمان
والله الذ الذ بكثير من مطاعم غيره
التقرير الكامل لمطعم برجر كنج المجمعه
مطعم راااااايق وجميل وأسعاره في المتناول بشكل عام الأكل لذيذ، أخلاق العاملين في المطعم لطافه غير طبيعية ويحببونك بالمطعم…
تقرير متابع :
المطعم جميل ، جميع الاصناف اللي اكلتها كانت لذيذه ، الخدمه سريعه ، الجلسات خصوصيه تامه ، لايوجد موسيقى .. جربوا الكفته المحشيه جبن ، جريل جاردن باستا ، الشوربات ، السلطات ، شغلهم نظظظظيف ، المطعم يتميز بالخصوصية التامه ، الكوفي حقهم هادي والاصناف اللي يقدمونها حلوه وبإمكانكم متابعه مباريات كأس العالم عندهم
التقرير الكامل لمطعم جريل جاردن المجمعه
مطعم جديد و إضافة نوعية لمطاعم البرجر بالمجمعة بصراحة جميل وطعم مية بالمية برجر لحم منقي وفرايز لذيذ وخفيف وجودة بالعمالة
تقرير متابع :
الاكل لذيذ وطازج وراهي جربت برقر الدجاج المقلي كان لذيذ جداً والخبز جميل وفيه سمسم كثير
و اصابع الموزريلا والجمبري ديناميت مقرمشة ولذيذة
جربت عندهم برجو صدر دجاج مشوي ويعتبر جميل جدًا ..
الخبز اللي يستخدمونه جميل جدًا
يستحق التكرار
التقرير الكامل لمطعم منقي برجر المجمعه
يعتبر من أفضل مطاعم برقر اللحم كذلك الدجاج جيد عندهم، ممتاز واسعاره مقبوله والاستقبال السعودي بشوش وخلوق جدا
تقرير متابع :
من افضل المطاعم المختصه في البرقر من ناحية جودة الخبز وطراوته وايضا اللحم المشوي وامكانية طلب تدبيلها وطعمه لذيذ ولديه اضافة الرمان جداً جميل
التقرير الكامل لمطعم برغرايززر المجمعه
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
