مطعم فطور صباحي افضل 10 مطاعم من تجارب الناس

إذا كنت تبحث عن مطعم فطور صباحي فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها

مطعم فطور صباحي

1. مطعم الجرة الحجازية افضل مطعم فطور صباحي

مطعم فطور جديد بالرياض قادم من تبوك يقدم أطباق شعبية متنوعة وبطريقة جميلة المكان جميل وواسع يتكون من طابقين جلسات داخلية للكل متوفر بارتشن ولا يوجد موسيقى أسعارهم مناسبة والأطباق لذيذة خاصة معصوب البركان وفول العمدة يستحق التجربة

مطعم فطور جديد يقدم فطور شعبي لذيذ وبأسعار حلوة يتميزون بخمسة أنواع من الخبز ( تنور – تميس – شباتي – عربي – بر ) وعندهم ضيافة جودة الأكل عالية الحمسات لذيذة خيار مناسب للفطور موجودين في بعض تطبيقات التوصيل يفتحون بعد صلاة الفجر مباشرة

2. مطعم توسته TOAST’H

مطعم فطور صباحي يقدم ساندوتشات متنوعة (صامولي وبريوش ) وصحون، دور واحد للكل | جلستين داخلية

بدون مجامله ولا مبالغه الذ كبده ذقتها و وفطور متنوع ولذيذ وفكره جديده تقديم الفطور بخبز البريوش الذذيييييذ جدا والله واسعاره مناااسبه جدا جدا والمكان مرتب ونظيف وديكور جميل الصراحه يعجز لساني عن التعبير انصح انصح انصح التجربه وليست اخر مره افطر فيه الله يوفقكم

الصدق كنت رايح لمحل الفلافل اللي جنبهم بس قررت اجربهم الصدق رهيبيب والله وانصح فيه خفيف ولذيذ جداً توصيتي لكم كبدة الجبن رهيبة

3. مطعم إقّ eg مطعم للفطور الصباحي

المطعم يقدم وجبات الإفطار بمكون اساسي “البيض”، وبعض الوجبات والتي لايخلو البيض من احد اصنافها كاللحم المقدد، و الفاصوليا والهشبراون “البطاطا المهروسة المقلية، ويقدم بعض المشروبات الساخنة،والباردة.
القائمة متنوعة نوعاً ما فيما يخص وجبات الإفطار.

الإسم: مطعم إقّ eg بالرياض
التصنيف :مجموعات/ أفراد
النوع : مطعم بيض
الأسعار : متوسطة
الأطفال : مناسب
الموسيقى :لا يوجد
مواعيد العمل:٦:٠٠ص–٣:٠٠م
الموقع الالكتروني :للدخول للموقع الإلكتروني للمطعم إضغط هنا
الموقع على خرائط جوجل :للوصول للمطعم عبر خرائط جوجل اضغط هنا
عنوان مطعم إقّ eg بالرياض شارع التخصصي، المؤتمرات، الرياض 12712، المملكة العربية السعودية
رقم مطعم إقّ eg بالرياض 966553004015+

تقرير متابع :

اللي ماجربه الى الان يجربه 🥺😩، مو اي بيض عادي والله مرره لذيذ شي حلوو بالذات الشكشوكة خيال ، والتوست حقهم بطل وطري 😩🤍🤍، المكان تقريبا صغير و ماشاءالله الطلبات الخارجية اكثر ، اسعارهم مقبوله لاباس فيها بس يستاهل 👍🏻🤍🤍

للمزيد عن مطعم إقّ eg إضغط هنا

4. مطعم بيض وصوص افخم مطعم للفطور صباحي

المكان جميل واضح النظافه والاهتمام فيه الخدمه سريعه ماينفع الجلوس فيه للعائله صغير مره فطورهم لذيذ لذيذ طلبي ساندوتش بيض تركي. وساندوتش حلومي بصوص البيستو يستحق الزيارة وتكرار تجربة الفطور

المحل بسيط وصغير يقدم ساندوتشات بجودة عالية وبسعر معقول جدًا طلبت ساندوتش مستر ايقز سعره ١٥ ﷼ حجمه مناسب وكان جدًا جدًا لذيذ اهنيهم صراحة لو بمكان ثاني ما بتاخذه بهالسعر

5. مطعم دو ساندويشات

المطعم خياراته جدا حلوه وصحية للي حاب يتبع نظام صحي انصح فيه جدا وتعامل الموظفين جدا راقي، لذييذ وفرش خيار رائع للفطور ونقطة مهمه مايسبب تخمه🤩🤩

المطعم مشاءالله نظيف ومرتب، الطلبات وصلت بسرعه
والاكل لذيذ اخذت من عندهم توسكان تونه و موزرلا طعم جميل، تقديم الاطباق برضو راقي.
عندهم spin انت وحظك وجبه مجاناً او شي ثاني.

اكل صحي وليس مطعم دايت وحمية..
السندوتشات لديه لذيذة والأسعار مناسبة انصح فيه للأكل السريع كبديل بمطاعم الوجبات السريعة “هرفي – ماكدونالدز… الخ”

6. مطعم بدون توقف

عندهم فطور وقهوة مختصة ، المكان دورين،الدور الارضي فيه بارتشن لبعض الجلسات،المنيو عندهم متنوع مابين صحون ومابين ساندوتشات، الأسعار من متوسطة الى مرتفعة والكمية لبعض الأطباق ممتازة،التقديم للأكل ممتاز،الموسيقى شغلوها متاخر

متخصصين بالفطور بدايتهم كانت فود ترك الديكور بسيط والمنيو متنوع والخدمة جيدة .. صاحبة المطعم متواجده وتشرف عالمكان بنفسها 🇸🇦 الخبز يحضر بنفس المطعم موفرين بر وأبيض 🍞 عندهم شاي أحمر تركي طعمه في المخ

7. مطعم مقصف

مطعم جديد في الرياض ، بشكل وطابع وهوية مختلفه عن المعتاد ، يفتح من 6 الصباح الى 1 الليل جمع لك الفطور والغداء والعشاء بمكان واحد و بثقافة الكافيتريات سابقًا مع تطويرها بهوية حديثه

فكرة جديده بمفهوم البوفية… أكل لذيذ جداً، عجبني ساندويش الحلوم والفلافل ومناقيش الزعتر باللبنة وسوبر حلاوة إبتكار جديد ولذيذ تعامل الستاف مره ذوق ولطيفين بالرغم من زحمة المكان

8. مطعم قريّب Gryb الرياض

مطعم متخصص بالساندويتشات يصلح للإفطار جربت الحلومي والأجبان لذيذات والاجمل يستخدمون خبزة الساردو

حلوم بدون صوص ديناميت ، رائع جدا الخبز ساوردو محمص ولذيذ -بيض بالبصل المكرمل ، ممتاز كرملة البصل مضبوطه مافيها نكهه حاده

الساندويتشات لذيذة جدًا.. جربت البيض والجبن المشوي و التونه وكلها خرافية والأحلى الخبز نفسه فريش ومحمص.. الكرك مضبووووط

9. مطعم ريسول مطعم فطور صباحي بالرياض

مطعم متميز بمدينة الرياض، اطباق جديدة ونكهات لذيذة، يستحق الزيارة و الاستمتاع باجود انواع القهوة

بشكل عام المكان يشرح الصدر في النهار مع الشمس والحديقة 9/10
جربت الEgg Brioche بالرغم من سعره المرتفع كان اقل من عادي 4/10
ملاحظة مكتوب فالمنيو انه بالترفل والجبنه لكن للاسف ماكان في اي طعم لدرجة حطيت ملح وفلفل عشان اقدر اتذوقه … بس في جبن
والخبز ناشف او قديم للاسف 4/10
السلطة الي تقدم مع البيض جداً لذيذه 10/10

الكابتشينو 6/10 مافي حليب خالي الدسم او قليل الدسم

10. مطعم سارابيث افخم مطعم للفطور الصباحي

الطعام مميز ولذيذ.. تم تجربة قائمة الافطار.. العصير طازج تم تجربة عصير فاكهة المانجو.. المكان أجواءه عليلة.. الحلويات تخبز بشكل طازج يومياً.. قائمة المشروبات الساخنة متنوعة وشاملة وفيها ابتكاراتهم الخاصة بهم..

الاستقبال رائع .. الخدمة ممتازة..
المكان جميل في يوو ووك
يوجد جلسات داخلية وخارجية
أخذنا قهوة حارة لاتيه جيدة
وكيكة حليب عادية جدا
لاتيه بارد ممتاز
وبنديكت كلاسيك جيد لكن بارد
وبوب أوفر مع بيض راااائع أرجع له
وأومليت متبل عادي
وفرنش توست عادي
وبان كيك عادي

مطعم فطور صباحي افضل 10 مطاعم من تجارب الناس