مطعم بلينتي سلدز الرياض مكان متخصص بالسلطات، يعطيك ورقة تختار اصنافك وتكونها نفس ماتحب(27 ريال)ويحدد لك بكل قسم عدد اصناف، الزيادات تدفع عليها مبلغ بسيط جداً، المحل نظيف والعاملين رائعين وبشوشين، الخدمة جداً جميلة..
طريق الامام سعود بن عبدالعزيز بن محمد الفرعي، المحمدية، الرياض
966530014486+
المكان صغير ومافيه جلسات داخليه .. لكن فيه خيارات متنوعه واضافات لذيذه ومو متكرره للسلطه .. الشي الوحيد اللي ممكن يضيفونه خيارات صوصات للسلطات اكثر من المتوفر
مكوناتهم طازجة وتختار منها اللي تبي على حسب ذوقك او تختار من المنيو حقهم، خياراتهم كثيرة و لذيذة يستحق التجربة
سلطة الكراب والاوكرا (اللي فيها كيل) هم ألذ شي بالنسبة لي.
الخيارات عندهم مره كثيييرة وأشياء غير عن المعتاد زي الباميا المقلية والذرة المحمصة
هوية المكان والألوان المستخدمة مرة حلوة ومريحة
تجربة جميلة وراح اكررها ان شاء الله ، الاسعار مناسبة جدا
الكمية انا اشوف البوكس يكفي شخصين وعلى حسب اختياراتك ، لكن البوكس فعلا كبير
المحل راح ارجع له مره ومرتين واكثر ان شاء الله..
كان يفضل لو فيه سلطات جاهزه يحضرونها لك، مثلا اطلب سيزر وهو يسويها قدامي مايحتاج اختار مكونات
واحلا لو كان فيه سلطات مميزة وسقنتشر من ابتكارهم او ابتكار عملائهم، لأن مو كل احد فاهم كيف يختار ويكون مقادير سلطة!
تعامل الموظفين على مستوى رائع من الاحترام للعميل
المحل متخصص بالسلطات، يعطونك ورقة في البداية تختار فيها مكونات سلطتك ومنتبهين لتفاصيل دقيقة في هذه الاختيارات، أو تختار من السلطات الجاهزة وأنا اخترت سلطة الكراب وسلطة الباميا المقرمشة (كرنشي أوكرا) بناء على توصية سابقة
بخصوص سلطة الكراب ب35 ريال: كان طعم الخيار هو الطاغي وما حسيت إن المكونات طازجة! ممكن لأني جيتهم متأخر وطبعًا مو مبرر.
وسلطة الباميا ب 30 ريال: نفس الشيء ما شفت الباميا.. كان طعم الصوص هو الطاغي على المكونات.
الخدمة ممتازة، وقايمين عليه شباب سعوديين محترمين وتحس بحماسهم.
المكان ما فيه جلسات، للطلبات الخارجية فقط.
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
