إذا تبحث عن مطاعم حي الندى الرياض فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
مطعم نظيف و محترم و جميل الديكورات بسيطة وغير متكلفة، العاملين محترفين و مهنيين، القهوة لذيذة جدا الساندويتش كان بطعم مميز واثار فيني ذكريات جميلة،المواقف متوفرة و. واسعة.
تقرير متابع :
مكان جميل وهادي وديكورات ناعمه
زرت فرع عثمان وكانت طلباتي :
ساندويش بيض لذيذ والحشوه راهيه
ساندويش تونه الطعم حداً عادي والحشوه جدااا راهيه حتى انها تنكب من الساندويش وقت الاكل
لكن ملاحظتي انا جربتها بفرعهم الاول كانت لذيذه هنا الطعم جداً عادي طهم تونه وذره وبس
ساندويش حلوم وبيستو لذيذ
استغربت من طريقة التقديم يقدمون الساندويتشات بصحن واحد مع ان الحشوات مختلفه
المشروب طلبت كرك اتوقع نوعيته المظاريف الجاهز لان الطعم مايشبه طعم الكرك الاصلي ابداً
التقرير الكامل لمطعم لفة Laffah
مقهى هااادي رايق ولطيف .. طاقم عمل ودود .. القهوة لذيذة والديكور جميل
تقرير متابع :
محل كوفي جميل ورائع بكل تفاصيله يفتح النفس وجدا مرتب وطلبت منهم عندهم كوفي سبانش لاتيه بارد لذيذ جدا والمحل نظيف ومرتب واقيمه خمس نجوم طعم القهوه في الرأس البن لذيذ وفاخر ماعرف ايش نوع البن اثيوبي او غيره بس المهم لذيذ وموزون ولكن عندي ملاحظه بسيطه العامل لا يلبس ماسك المفروض مع الإجراءات الاحتزارزيه. العامل يلبس ماسك مو بس قلفز أتمنى يحرص على لَبْس الكمامه عدا ذلك كل شي ممتاز وشكرا
التقرير الكامل لمطعم COFLEUR
مقهى ولاونج متخصص بالدونات الحالي والمالح بأشكال وأنواع مختلفة إضافة إلى أطباق أخرى كالستيك والباستا والبيتزا والبرغر الديكور بوهيمي والألوان مشعة المكان صغير توجد جلسات داخلية وخارجية
تقرير متابع :
المكان جميل جدا وديكوره غريب خذيت منهم فطيرة السبانيخ جودتها عاليه جداا ولذيذه بالنسبه لتعامل الموظفين جدا محترم وبشوش بالاخص واحد اسمه سليمان تعامله جدا لطيف ويخدمك بكل حب المكان 10/10 للأمانه من كل النواحي تجربه جيده جداً
التقرير الكامل لمطعم جليز كريز
مطعم جميل وفخم له فروع في مختلف دول العالم المكان واسع وراقي جدا، الديكورات جميله والإضاءة خافته، المطعم للعوائل والافراد، يلزم حجز المطعم في الدور الثاني من فندق نوبو، الاسعار مرتفعه لكن الطعام وجوده المكان يستاهل التجربه، المنيو جميل وممتليء بالاكلات الآسيوية ومتنوع بين المقبلات والسلطات الطازجة
تقرير متابع :
الأكل لذيذ جداً ماشاء الله، وترافل برجر اللي عندهم لذيييييذ، الخدمة ممتازة جداً 👍🏻👍🏻
المطعم راقي جداً جداً و الاكل عندهم ممتاز انصحكم ب الترفل لحم 😍👌🏻 و كرسبي تشكن سيراتشا و الموهيتو حقهم يفوووز😍😍😍
ميزه المكان ما فيه موسيقى
التقرير الكامل لمطعم نوبا
المطعم رائع من ناحية النظافة والسعر وجودة الاكل طلبنا خمس اطباق مع شاهي عدني ب ٩١ ريال ، وبالنسبة لجلساته فيه مغلقه وفيه مفتوحه تناسب الجميع ولا يوجد موسيقى ربي يبارك لصاحبه ويوسع رزقه 👍
تقرير متابع :
مكان اكثر من رائع فطورهم لذيذ لذيذ واسعاره جميله كان الطلب لحسه وفلافل وبيتزاء بالخضار ومناقيش جبنه وزعتر وحمص وكبده ومطبق باللحم ومعصوب بالقشطه والعسل والمشكل ،، حبيت انه فيه بارتشن للجلسات 👌🏻 وحبيت نظافة المكان و اهتمامهم بوجود معقم خاص على كل طاوله 👏🏻
التقرير الكامل لمطعم هاي كيتشن
أفضل مطعم ساندوتش للفطور، الخبز رائع جداً الطعم ذقت ٤ أنواع رائعة جداً، كريمين بالكمية بزيااااادة الوحدة عن ٣ ساندوتشات مثل ماهو واضح بالصورة.. أنصح فيه بدون تردد وأرجع له مرات، والتعامل كان ممتاز، الديكور كان مميز..
تقرير متابع :
ساندوشات فطور وعشاء واصناف مميزه مثل بيض بالكريمه وشكشوكة سكه
خبز الصامولي ممتاز ويصلحونه بالمحل لكن حجمه صغير تقريبا نص حجم الصامولي العادي لذلك الاسعار المفترض تكون اقل من كذا او يكبرون حجم الساندويش،
ايضا يقدمون برجر لحم و دجاج كرسبي، الدجاج ممتاز بس اللحم حسيت فيه رائحه ماهي جيده، يبغالهم ينتبهون له (احيانا بعض المطاعم يجيبون نوعية لحم جيده لكن يحصل سوء تخزين اثناء عملية النقل او اسباب اخرى تخلي ريحة اللحم تتغير)
بشكل عام فكرة المحل جميله
التقرير الكامل لمطعم سكة ٨
مطعم متخصص بالهوت دوغ و متميز فيها جدا ، الساندويش خفيفه جدا و ما تقعد في المعده رغم لذاذتها و طعمها و المطعم اشوفه الافضل في هلمجال و الاسعار مناسبه ، موفقين يارب .
تقرير متابع :
جميل جدًا كجودة وطعم الهوت دوق، لكن للامانه يعاب عليه ارتفاع الاسعار نسبياً خاصه اذا انت من النوع اللي يعتبر الهوت دوق “نقنقه” مو وجبه رئيسية
الله يعطيكم العافيه
التقرير الكامل لمطعم بنتاستك Buntastic بالرياض
طلبنا برياني دجاج ممتاز وكشري برضه ممتاز لفائف باذنجان اقل من العاديه السلطات جيده جداً جيت لهم مره ثانيه عندي عشاء بسيط قالوا ماعندنا صحون كبار ولاعندنا توصيل في هذا اليوم بالذات ولكن عموماً اكلهم جميل ولكن السعر عالي يصلح تاخذ منهم سفري لك وشخصين معك فقط
تقرير متابع :
الاستقبال مرحبين وتعاملهم جيد. أخذنا من طلبات الأفراد ورق عنب وملفوف وجريش أحمر وأبيض ومحاشي وكشري وبرياني ولازانيا رول . الأكل بشكل عام لذيذ. لي ملاحظة على الملفوف لم يكن ذايب ، وكذلك الكشري كان لذيذ لكن طعمه ليس كطعم الكشري .
التقرير الكامل لمطعم الجادي
المكان فخم،.الاكل ممتاز. جربت الحلى رائع خصوصا السان سباستيان وكوشان سبيشل كريم. اكثر شي اعجبني الخدمه.
تقرير متابع :
المطعم جداً راقي، الخدمة رائعة، جودة الستيكات👌. طلبنا ريب اي ستيك، دالاس ستيك كلها مديم ويل وكتف الخروف مع الروزيتو جداً حلو ، ربيان بالخس رائع.
مطعم لذيذ وانصح الجميع بزيارته المكان مريح وجميل وطاقم العمل حدا متعاون ..
هذي بعض الطلبات اللي اعجبتني
ستيك تندرليون / لذيذه اوي اوي انصحكم فيها ..
برجر كوشان / لذيذه لولا ان الخبز فقط شوي متعب بالاكل 😂 ..
كفته بالجبن / حبتين لكن من الذ الكفته اللي ممكن تذوقه ..
باكيتوري / قطع لحم مع جرجير خفيف الييييم ( مقبلات ) ..
فقط الاضائه بالمطعم شوي خافته ..
الجلسات الخارجيه رايقه والمطعم كبير ..
بإذن الله راح اكرر الزياره ..
التقرير الكامل لمطعم كوشان ستيك هاوس
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
