إذا تبحث عن افضل 10 مطاعم حي العارض بالرياض فهنا جمعنا لك أفضل خياراتنا اللي ننصح بها زوار موقعنا الكرام، المطاعم في القائمة مجربة، ولكم اراء الزوار عنها
المطعم ممتاز ونظيف جدا وتعامل الموضفين بشوش الشاورما لذيذه وجودة الدجاج ممتازه والاسعار متوسطه ..
تجهيز الاكل سريع
تقرير متابع :
طلبت منهم جميع الصوصات كلها حلوه ما عدا الثوم البارد ماله طعم الحقيقه لاكن الصوصات الثانيه كلها ممتازه خصوصا السبيشل
جربت العربي 12 قطعه يجي معه بطاطس كميه البطاطس والشاورما جدا ممتازه
الاكل اكلته في المطعم محلي اخلاق الموظفين جدا حلوه واحيانا يغنون ويعطون جو حلو الحقيقه 😂👍🏽
عموما كل شي كان حلو بس الشي الوحيد الثوم البارد هو الوحيد اللي ما عجبني ما احس له طعم
يستاهلون كل خير والله يقويهم
التقرير الكامل لمطعم شاورميكر الرياض
مطعم لذيذ جداً جميع الاطباق و خدمة التوصيل سريعة و خدمتهم رائعة، مطعم اكله لذيذ جداً لانه بايدي نسائية ويتميز بتجهيز طلبات خارجية للمناسبات
تقرير متابع :
بنات سعوديات طبخ نظيف والمكان لا يوجد فيه جلسات يعني طلبك سفري وممكن يجهزون الذبايح على قوله الكاشير ابو اسماء رجل ونعم فيه وعندهم كل الاكلات الشعبيه موجوده عندهم والتوصيل مجاني والملاحظه الوحيده عليهم نوع الرز ممكن يعجب الكثير ولكن اتوقع لو يضيفون الشاور ويكون خيار ثاني للطلب بيكون احسن وان شاءالله نكرر الزياره والاسعار معقوله
التقرير الكامل لمطبخ المائدة الأولى بالرياض
محل صغير و بسيط بالشكل لذيذ ومميز بالطعم من الذ البرقرات التي يمكن تناولها من اخل محطة بطريق سفر صدقوني
تقرير متابع :
مطعم برجر نظيف في موقع ممتاز.. جربت برجر اللحم جميل البعض يقول ملح زايد وبهارات زايدة ما شفت هالشيء احس انه مثل غيره وكذلك برجر الدجاج جيد.. سعر البرجر اشوفه معقول.. البطاطس المقلي شارب زيت وكمية البطاطس على السعر ممتازة.. فيه جلسة داخلية صغيرة جدا وما فيه حتى مغاسل..
التقرير الكامل لمطعم مولسيز برجر بالرياض
الرز البخاري من الذ ما اكلت تحس تاكل بخاري ملي بالنكهات والشطه رائعة والدجاج على الفحم لذيذ يعيبه يكثرون زبيب وانا ما احب الزبيب بالاكل
تقرير متابع :
المطعم جدا رائع رائع للي يحبون البخاري الرز يذوب في فمك من طعمه وتكشينته الخاصه والدجاج عندهم بلدي مو مجمد جربت على الفحم يجيك فرش مو محمى زي المطاعم البخاريه يشوونه الصبح نس استواء وبعد الظهر يحميك لك تحس بطعم الشواء كأنك شاويه في بيتك والجلسات المحلي عندهم جدا نظيفه والمطعم واسع ونظيف وبراد يسفسف عليك البراد من كل جهه وانت جالس تاكل تحس بالهدوء والسكينه ودك تنسطح من الهدوء مو زي المطاعم الثانيه ازعاج وقرقعه قدور اهنيهم على شغلهم
التقرير الكامل لمطعم ناز البخاري بالرياض
مطعم برجر لذيذ يقدمون عدة أنواع من البرجر برجر لحم وبرجر لحم مشروم وبرجر دجاج مشوي أو كرسبي بالإضافة إلى مقبلات متنوعة الطعم لذيذ
تقرير متابع :
طلبت برجر الدجاج ممتاز جدا من الذ البرجر اللي اكلته ، خفيف الصوص والبطاطا لذيذه ، اسعاره ممتازه جدا ، انصح سكان العارض به من الافضل في المنطقه جربت الاغلب هو الافضل .
جربت برجر اللحم والدجاج كطعم لذيذ ويستاهل التجربه وتكرارها ، يعتبر من الافضل في حي العارض والنرجس ، البطاطس ممتاز ومميز بصراحه ، الصوص الخاص فيهم ممتاز اسعارهم مقبوله الكاشير الاخ السوداني استقباله و تعامله رائع عيبهم الوحيد التأخير في تجهيز الطلب
التقرير الكامل لمطعم برجر براون الرياض
المطعم نظيف والتغليف اجمل للمطبق يكون بكراتين بدل الاكياس طعم المطبق المالح جيد جدا ومليان ومطبق الحاو بالتشيدر لذيذ جدا حالي مع مالح ومطبق القشطه بوضو حلو. ايضا الشكشوكه العدنيه الكبده ماأنصح بها العدس زين الاسعار جيده
تقرير متابع :
جميل جدا ١٠/١٠
اخذت فول و تونه ومعصوب قشطة كانت لذيذه
الشكشوكه ما جازت لي
النظافه والتعامل ممتاز جدا
يستحق الزياره مرة اخرى
المكان في الداخل رايق وبدون ازعاج
وكان طلبي عدس كان حلو عادي ✅
والشكشوكه العدني مع اضافة الجبن لذيذه حبيتها✔️✔️
والفلافل مره مقرمشة وفيها لذعه سبايسي لذيذه ✔️✔️
مب اخر طلب أن شاء الله
التقرير الكامل لمطعم فوال ابو عزوز الرياض
الاكل لذيذ ونظيف المقلوبة رائعه ينقصها قرع فيها نكهه لذيذة.. الجريش والموقوق لذيذ كأنه طبخ البيت. المشاوي جيده جدا. مبشور الجبن لذيذ
تقرير متابع :
طلبت مندي لحم نفرين وكان جيد
بس اللحم كان قليل لنفرين
الملوخية كانت حلوه
العوائل و الأفراد مختلط وغير مريح لمطعم شعبي
الديكورات تراثية و جميلة
يستحق التجربة
مررررره خدمه ممتازه وشغل نظيف والطعم لذيذ وفيه واحد متعاون اسمه سعد يخدمك ويعطيك من الشي الزين واذا تبون تعزمون لاتخلون المطعم يفوووز صراحه …
التقرير الكامل لمطاعم ودك للمأكولات النجدية
ممتاز من حيث الاستقبال والخدمه والطبخ والوقت والنظافة وكذلك الاسعار وسوف يتم جلب اغنام في سياره بجوار المطبخ للشراء بدل ماتروح وتشتري من مسافه بعيده وهذاشي طيب جدا
تقرير متابع :
جيد جدن نضافه موضفين راقيين انا عملت لفه فيه ماشفت شي مو كويس من ناحيت النضافه وطبخ ممتاز عمال قمه في الاخلاق
شهادة حق شغلهم يبيض الوجه صلحت عندهم وجبة عشاء لزواجي وكل من اكل يمدح الشغل واخص بالشكر ابو عقاب رجل شهم الله يوفقه وين ما كان.
التقرير الكامل لمطاعم ومطابخ بصمات بالرياض
المطعم غني عن التعريف لما له من شعبيه واقبال من الزبائن وجودة الأكل طبعا هذا الكلام يندرج تحت جميع الفروع واشكر العاملين في شاورما كيان الاسطوره حي العارض على تعاملهم الراقي والترحيب شكرا شاورما كيان
تقرير متابع :
هذا أقوى محل بالنسبه لي اكل منه لي سنتين و اكثر ماقد لقيت عليهم ملاحظه مشويات او فطاير او شاورما او بيتزا او عصيرات صراحه يفوزون
التقرير الكامل لمطعم شاورما كيان الأسطورة
صراحة البروستد من افضل محلات بروستد بالرياض ويستحق بجدارة لذيذ لذيذ لا تفوتوه الحق ينقال دجاج طازج ومبرد ودايما حار حار مافي شي قديم واليوم كنت بفرع المعذر شد انتباهي الكاشير اليماني ماشاء الله عليه حريص ان الزبون ياخذ حار حار صراحة اشكركم جدا
تقرير متابع :
رائع جدا جدا جدا أكلهم ممتاز تحس انه منافس للبيك بصراحة اليوم كنت بروح اتغداء عندهم بس خفت من ان يحفظو شكلي من كثرة التكرار عندهم هههههههه
يفدم وحبات بروستد متواضعه مع سعر قياسي مقارنة بالمطاعم الكبير مثل البيك.
مستواه جيد يستحق التجربة ماشاء الله
المكان فير مهيئا للجلسات ماشاء الله مليان دايم والمكان صغير بس ممتاز للسفري ، اعجبني عندهم برستد سمان يستحق اجربه لكن جيت حصلته مخلص
التقرير الكامل لمطعم تشكن باشه
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
