إذا كنت تبحث عن افضل كافيهات الرياض بدون موسيقى فسوف نعرض لك في هذا الموضوع افضل الكافيهات التي تمنع وجود الموسيقى في المكان
هادئ و غير مزدحم و مفعم بنور الشمس يكتسيه اللون الأزرق ذا تفاصيل رائعه مناسب للعمل والمذاكرة ويوجد لديهم بن للبيع و بعض من اكواب وتعامل باريستا صاحبة الكاشير ومالك الكوفي في قمة الرقي و الخلق الرفيع ويتوفر لديهم حلويات متنوعة الخيار وعبارة عن طابقين من الجلسات الداخلية
تقرير متابع :
المقهى جميل وهادئ، بدون موسيقى وبدون سواتر.
ديكوره ناعم ومريح للعين، وألوان هويتهم أنيقة جدا
الحلا لذيذ والقهوة ممتازة، جربنا تشيز كنافة وتشيز توت وكيكة العسل كلها كانت حلوة
القهوة جربنا كورتادو وأمريكانو وفلات وايت، كلها حلوة لأن نوع البن ممتاز.
لتغطيتنا الكاملة عن قهوة جذل الرياض
افضل خيار قهوه موجود جوده القهوه راااااائعه الذ قهوه ذقتها من وقت طويل والجلسات رايقه والموظفين قمه بالاخلاق صدق نص نجاح المكان بموظفينه ومتاكده نجاحكم بيكون بسبب موظفينكم الرائعين بالتوفيق
تقرير متابع :
المقهى هادئ
الموقع في شارع فرعي هادئ جدا
المكان صغير لكن جميل جدا
الجلسات مريحه جدا
رائحة المكان مميزه
طلبت كوكيز جيد جدا
حلا جار لابأس به
ريد فلفت بارد ممتاز
كبتشينو ممتاز
الاسعار معقوله
الباريستا اخلاق عاليه
يوجد جلسات مغلقه للمدخنين
لايوجد موسيقى
لتغطيتنا الكاملة عن مقهى أثر الرياض
من الاماكن المميزه في تقديم الشاي في الشفا ، للأسف ما قدرت ادخل المكان مزدحم جلسات شباب اجوائهم مره جميله مع المباريات والشتاء…موفقين بصراحه
تقرير متابع :
جيت عند المحل امس بس للامانه كان مزدحم ف اجلتها لليوم وكان فاضي نوعا ما ، عموما التقيم كالاتي :
الشاي : 9/10 جربت شاي ابوجبل و اخذته ف البلاستيك ماهو القزاز للامانه جدا رهيب وبكره بجربه فالقزاز لان شفت الاغلب يطلب بالقزاز ويمدحونه، لكن الشاي بالمجمل ممتاز الشاي ..
الديكور : 10/10 الديكور هادي وبسيط ومريح للعين بدون فلسفه وعجبتني الرسمه اللي بالجدار ، وانارة المحل مريحة ولا هي قوية على العين ، الاقتراح الوحيد انه فيه جلسة في نص المحل كبيرة نوعا ما وتحصل شخص او اثنين جالسين فيها مثل امس وصعب اجلس معهم لذلك انا اشوف انها تُستبدل بطاولات مثل الطاولات الاخرى بالمحل وللجلسة الكبيرة تكون في خارج المحل لان المساحة تخدم فالخارج ..
الاستقبال والتعامل : جدا رهيبين واخلاقهم عاليه الولدين اللي موجودين بالمحل وحتى يسألونك عن رأيك بعد ماتخلص وتجي بتمشي ، اقترح يكون فيه لبس موحد للمتجر راح يكون اكثر اناقة ..
يوجد موسيقى / لا .
الاسعار / ممتازة جدا ..
الكراسي مريحة حقت جلسة ساعه او ساعتين ..
لتغطيتنا الكاملة عن كافيه تركيز الشاي بالرياض
المكان جميل ورايق والجلسات حلوة ومريحة جدرانه أنيقه عيب على المكان وجود تجمع لأشخاص كأنهم أصدقاء أو أقرباء لصاحب المحل ونظراتهم للزبائن غريبة.
تقرير متابع :
بصراحة الصور توحي لك ان الكوفي كبير مرره لكن لاا هو كوفي شبه صغير
لا يوجد موسيقى
يوجد 3 جلسات فيها بارتشن (ستاره)
مسموح الاطفال
اسعاره عاديه
– الكوفي كان هااادي جدا وقت العصريه
الخدمة ممتازه، ويسألك تبغا كوب ورق او سيراميك
الكوفي فيه نبتات داخليه اعطت منظر جميل مريح مع الشمس
فيه طاوله طويله حبيتها جدا للتصوير
اتوقع الكوفي فاتح النت للجميع لان كان اغلب الموجودين معهم لابتوباتهم يشتغلون عليها
…….
طلبنا لاتيه ونوعين حلا، واحد تيراميسو ماعليه حلو والثاني نسيت اسمه قريته من التعليقات واخذته وكان حلو
لتغطيتنا الكاملة عن ذوب كافيه
كوفي في حي الشفاء مرتب ونظييف عبارة عن دورين وجلساته مريحة وهادية ومنوعة فيه مفتوحة و فيه مغلقة فيه شاشات لعرض المباريات .. طاقم العمل بشوش والاسعار ممتازة مر
تقرير متابع :
المكان بصفة عامة جميل ، ديكوره جميل ، اضاءته جميلة ، خدمتهم جميلة جدا.. حبيت بشاشة الموظفين وتعاملهم ، مافي موسيقى .. عبارة عن دورين وفيه غرف مغلقة وفيه جلسات خارجية وفيه شاشات بالدور الأرضي .. اسعارهم متوسطة طلبت تشيز كيك سنكرس كان دسم جدا ماعجبني وكراميل ميكاتو طعمه كابتشينو عادي.. وطلبنا تشيز كيك رد فيلفت و ميني بان كيك عجبني و كراميل ميكاتو فرابي جميل و سنكرس فرابي جميل
لتغطيتنا الكاملة عن قهوة نحاسية Copper Cafe بالرياض
المكان رايق واجوائه حلوه بس شوي مزدحم ومافي موسيقى
تقرير متابع :
زرتهم بعد العشاء وسط الاسبوع
المكان هدووووء رايق على الاخر
لايوجد موسيقى
لايوجد بارتشن
يوجد جلسات خارجية وفيه دفايات لشتاء و رذاذ لصيف وفيه جلسات في الدور الثاني
قهوة مختصة فيها حموضة شوي
اخذت لاتيه ب١٦ريال (حجم الكوب يعتبر صغير )
عندهم حلويات متعددة.
لتغطيتنا الكاملة عن كافيه IV للقهوة المختصة
هدوء المكان .. التنسيق الجميل البسيط في الديكورات .. إضاءه المكان مريحة .. ورقي تعامل الباريستا جداً لطيف ..
تقرير متابع :
قهوة مختصه والمكان عملي جدا وهاديء خاصه وقت الصباح
لا يوجد موسيقى
ولا دورات مياه تخدم الكوفي !
من المشروبات الجديده Ice Rose latte
السقينتشر للمحل سبانيش لاتيه حلاها موزون
يقدم بعض السناك الخفيف
لتغطيتنا الكاملة عن كافيه قهوة روانا بالرياض
مكان هادي جداً ورائع مناسب للقراءه او لمن يرغب بعمل معين الديكورات مريحه جداً
تقرير متابع :
المكان حلو ومرتب والديكور رهيب ، مافيه موسيقى
– القهوة حلوة جربت قهوة اليوم والسبانيش لاتيه.
– بالنسبة للحلويات : فيه انواع كثيره جربت كيكة العسل لذيذة وخفيفة مره، تارت الليمون ما اعجبني ثقيل شوي.
أرجع لهم مره ثانية لأن الموظفين خلوقين جدًا، والمكان هادي وفيه خيارات حلويات كثير ممكن اجربها
لتغطيتنا الكاملة عن كوبي كافيه
مكان صغير وملموم يقدم قهوة حلوه وحلى بخيارات كثيرة.. لايوجد موسيقى في المقهى.. الجلسات فقط داخلية.. يوجد بيع اكواب السيراميك بأشكال جميلة واحجام مختلفة
تقرير متابع :
الجلسات داخلية محدودة
تصميم المكان بسيط و المكان هادي .
الخدمة سريعة .
منزلين مشروب شتوي
طلبي :
مشروب شتوي بـ 15 ريال .
عبارة عن قهوة معها هيل و زنجبيل
طعم الزنجبيل واضح
اللي يحبه راح يعجبه
اعجبني التبخير القهوة مضبوط
برجع اجرب القهوة ..
بروانيز
لذيذ ..
كوكيز إرا بـ 12 ريال .
عليه رشات ملح
ف المكس لذيذ
بالنسبة لي الذ من البروانيز
ارجع له
مسموح الأطفال
لا يوجد موسيقى .
لتغطيتنا الكاملة عن قهوة ارا
مكان جميل مختص بالشاهي والقهوه والكرك وبسكوت السمسم جميل عندهم يذكرك بالماضي وكل شي جميل وزمن الطيبين كلاسيك شي ابداع بكل معنى الكلمه ان قلت جميل فهو جميل ان قلت إبداع إبداع إن قلت مكان رايق شيء جميل بكل معنى الكلمة من أجمل الأماكن اللي تجلس فيها و تذكرك بالزمن الجميل الأسعار مناسبة جدا المكان رايق الديكورات شي روعة أسأل الله أن يبارك لنا ولصاحب المحل انصح فيه ومكان يستاهل الزيارة لو فيه اكثر من خمس نجوم أعطيته فيه مكان للعزاب وفيه مكان للعوائل وفي جلسات خارجية وفي جلسات داخلية
تقرير متابع :
لتغطيتنا الكاملة عن كافيه شاي و سمسم الرياض
المكان خيالي والقهوة لذيذ والتارت بيكان يهبل ، الستف متعاون جدًا ومرحبين فيك وبقوة ، مشتغلين على المكان من قلب
تقرير متابع :
تجربتنا كانت ل بوناتيتو كافيه على شارع الدوادمي
“بونا تيتو”. هذه هي العبارة من اللغة الأمهرية الأثيوبية التي تعني حرفيا “اشرب القهوة”.
قهوتهم كولمبية وغواتيمالا والمختصة اثيوبيه
جربت عنده
فلات وايت كولمبية حلو ومضبوط
V60 غواتيمالا حلوة
آيس لاتيه حلوة وطعم القهوة واضح
كيكة القرفة والكراميل جيدة
كيكة لامينغتون جيدة
جلسات داخلية
بدون موسيقى وبدون بارتشن
لتغطيتنا الكاملة عن كافيه بوناتيتو الرياض
افضل كوفي قهوة مختصة بالرياض المكان جميل ودور واحد بجلسات داخليه وخارجية
تقرير متابع :
قيدار.. شي بالمهدية ما قد صار
تدور على قهوة لذيذة بطعم موزون من شباب سعوديين رهيبين يشتغلون من قلب ويصنعون لك القهوة بحُب؟ عندك قيدار
طبعا جرّبت عندهم الحار والبارد، وكل مرة تجربتي معهم كأنها أول مرة
وإذا احترت عند الحلى وتبي نصيحتي؟
كل أنواع الحلى لذيذة
بس التوب بالنسبة لي تشيز سوفيد توت، الكوكيز، الحنيني، البينيه، برتزل
المكان رايق وهادي وبدون موسيقى… يستحق التجربة
أخيراً وليس آخراً شكراً للفنان راشد وباقي الشباب
لتغطيتنا الكاملة عن قيدار كافيه الرياض
جميل وهادئ ميزته بدون موسيقى وتصميم المقهى رهيب وفكره مختلفه عن باقي المقاهي
تقرير متابع :
المكان دافئه الوانه وديكوره ، العاملين خدومين وبشوشين جدا(طبعا خدمه ذاتيه) ، طلبت هوت شوكليت وفلات وايت وسبانش لاتيه حار حبيتهم كلهم (الهوت شوكليت اللي بدون مارشميلو موزون واللي يحبه حالي مره ياخذ بمارشميلو )
جربت كروسان الشوكولا والجبن حبيتهم مرا
البابكا لذييييييذه قبل اطلع اخذت بعد وحده لقهوتي بكرا وسخنتها وماتغير طعمها
جربت مليونيرا (عادي )
ماربل كيك يمكن لو ماجربت بنفس الوقت البابكا كان بيعجبني.
قبل اطلع طلبت زياده للي بالبيت وعطوني هديه حلى ماعرف شسمه ولا جربته بس التصرف كان لطيف جداً
المكان انصح فيه وارجع له
لتغطيتنا الكاملة عن كافيه سوشبيل الرياض
موقع المكان جميل وهادئ، بعيد عن صخب المدينة، توفر مواقف امام المحل وممشى جميل على شارع العليا مقابل اطلالة الابراج (برج تمكين) الديكور رائع، والخدمة رائعه، والقهوة ممتازة
تقرير متابع :
مكان رايق وجميل ولا يوجد فيه موسيقى
الجلسات داخليه وخارجيه وفيها شاشات وتدفئه وقسم عوائل
جربت فلات وايت ولاتيه بارد ممتاز
يجنننننننن ماشاء الله اول مرة ازوره جنب بيتي حلو الديكور يفتح النفس ماشاء الله تبارك الله
الموظفين بشوشييين والموظفة اللي بالكاشير بنت محترمة و مهذبة والاستقبال راقي
حبيتهم وانصح فيهم بقوووة
اخذت من عندهم روز بستاشيو لاتيه بارد اعجبننني طعم موزون ورائع
الله يبارك لكم فيه وكان ماشاء الله زحمه في الجلسات الخارجية جيت على وقت مباراة يستاهلون والله واكيد مو اخر زيارة لهم المرة الجاية ان شاء الله يجرب الحلويات ومشروبات ثانية بالتوفيق ان شاء الله
لتغطيتنا الكاملة عن لوسيه كافيه
جميل جدا الكوفي هادي ومريح يقدم مشروبات ساخنه وباردة البن من محمصة صواع والمميز عندهم موهيتو والايس شيكين وايت موكا كل التوفيق لكم
تقرير متابع :
آيس شيكين وايت موكا لذيذ مشروب خاص فيهم موزون وتسمتع فيه وحلاوته معتدله , موهيتو سيجنتشر وبلاك منعشة ولذيذة من ألذ الموهيتو اللي ذقته السيرب عندهم ممتاز
قهوتهم سلفرادو من صواع
– – –
مكان ملموم جلسات محدودة
متميزين بشغلهم
اعجبني تميزهم بمشروب خاص فيهم
قهوة جميلة
وتعامل صاحب المحل اجمل
وفقه الله وفتح عليه وبارك له
موفقين ومزيد من الابداع للاخوان بندر و تركي
، المكان صغير لايوجد به موسيقى مناسب تاخذ طلبك وتمشي طلبي فلات وايت ب ١٦ ريال ، البن من صواع تقييمي لهم ٧/١٠ كطعم للقهوة . خيارات الحلا قليله وللامانه ماشدتني اجرب ،، الباريستا سعودي اخلاقه طيبة موفقين ان شاء الله
لتغطيتنا الكاملة عن كافيه سي بي CP
جلسات داخلية دورين الارضي للافراد و العلوي للعائلات، والطاقم الموجود اجمل من الرائع و بشوشين ومتعاونين و مرحبين بالعملاء ، و الخدمة سريعة
تقرير متابع :
المكان واسع و جميل ورايق عباره عن دورين بجلسات مختلطة وجلسات خارجيه جميله بالدور الثاني. التصميم جميل ومريح للعين وتوزيع الجلسات جميل وبدون موسيقى. قهوتهم حلوه وعندهم تنوع جميل للحلا. الأسعار بالنسبة للقهوه في متوسط اسعار الكوفيات في المنطقة وأما بالنسبة للحلا فا اشوف انه مرتفع. يستحقون التجربة والزيارة واتمنى لهم التوفيق.
لتغطيتنا الكاملة عن اوديلا كافيه
المكان جميل ومرتب وديكور هادي، دخول جزء من الشمس فترة الصباح يعطي المكان روح.. الجلسات داخلية ويوجد جلسة خارجيه وحده..الموسيقى [ كان ] لايوجد.. الحلى متنوع، يقدمون بُن من تحميصهم..
تقرير متابع :
من ألذ و أجمل القهاوي فالرياض .
عنيت لهم علشان السينابون لكن للاسف ما كانت متوفره
عرض علينا الباريستا نجرب ام علي او الكوكيز
قهوة اليوم ( اثيوبيه ) ١٠/١٠
ام علي ١٠٠٠٠٠/١٠
الكوكيز لذيذ و طازج
اعجبني الديكور
القهوه رايقه و المكان بدون موسيقى مزعجة
لتغطيتنا الكاملة عن كافيه سي
المكان كبير واسع وفيه جلسات خارجية رايقة مع شاشات ،، بدون موسيقى وحلو للعوائل كثير وفيه غرف مغلقة،، مكان يستحق تجربة
تقرير متابع:
قهوة ممتازه
اشكر الباريستا
الطلب كان فلات وايت وكابتشينو
السويت لذيذ جدا جدا
كيكة العسل ممتازة
موس الكراميل ما اعجبني لكن ليس سيء ..
قدموا لنا كتجربة مجانية
حلا شتوي بأمتياز
راح ينضاف بالمنيو ان اء الله
ويقدمون لك بخور ريحة الكافييه ريحة عرس
الشباب الموظفين جميييعهم خدومين جدا جدا جدا وخدمة سريعه اشكرهم
الجلسات كثيرة خارجية بدفايات وداخلية مستحيل ماتلقى مكان .. وغرف خاصة
مافي موسيقى
انصح فيه و بكرر التجربة .
لتغطيتنا الكاملة عن قهوة عتاق الرياض
جمممميل جدا الكوفي ورائحة المخبوزات جممميله بالمكان والحلا لذيذ بالتوت
تقرير متابع :
الخدمة : احترافية جدًا ، تدرّس . طريقة الطلب عن طريق المرقع ممتازة وسهله
الاسعار : معقوله
الطلب : خاشبوري (٣ فطاير مناقيش ، النكهة حسب اختيارك )
فطر : رائعه
بيستو: نكهة لذيذة ومميزة
زعتر : – ماجربتها –
موهيتو : باشن فروت : نكهة مميزة ونادر ما تحصل اضافة الحبوب مع الموهيتو خيار مناسب لحرّ الصيف
فرنش توست : ألذّ فرنش تويت ممكن تذوقه ، تمازج النكهات ، درجة التحميص ، نوعية الخبز ، جودة الفواكة ، الايسكريم ، كللل شيء حرفيًا حكاية
الديكور والاجواء ساحرة ، المكان مريح جدا
الطولات متقاربه فالخصوصية متدنية شوي
تجربة ممتازة تطلع وانت راضي ومشبع حواسك كاملة
تتكرر باذن الله
لا يوجد موسيقى
لتغطيتنا الكاملة عن كافيه ديليت
خدمة ممتازه وعندهم تنوع في بُن القهوه .. قهوة قوجي مميزه وقهوه ثانيه فيها فاكهه رائعه للمشروبات البارده .. ويذوقونك القهوه قبل الشراء.
تقرير متابع :
المكان جميل الصراحة ومثل ماهو واضح في الصور الجلسات غير مريحة لأن تركيزهم كله على التحميص وقهوتهم الصراحة لذيذة والتعامل جميل وعندهم مخبوزات وحلويات كذالك.
طلبت:
١- قهوة اليوم وكانت لذيذة والايحاءات واضحة فيها.
٢- سبنش لاتية وكان طعمه حلو الا انه ماتكلف في السيرب اتوقع حاط سكر بني فا اتمنى يطور المنتج.
الله يوفقهم يارب ويبارك لهم في رزقهم.
من دون موسيقى
لتغطيتنا الكاملة عن ريبوستري كافيه الرياض
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
