طلبت مقلوبة مربين الصراحة ماتوقعت المطعم لذيذ لهذي الدرجة طلبت صوصات قلت ممكن لو صار موحلو يغطي على الطعم لكن اعطيه 10 نجوم الله يعطيهم العافيه ويستاهل سعره صحن المربين مكتوب انه صغير لكن الصحن يشبع وحجمه متوسط شكرا لهم
منيو مطعم مقلوبة الطيبين
مطعم جيد ومختلف جربت المقلوبة والبرياني الطعم والجودة ممتاز النظافة ممتازة التقديم للسفري ممتاز يجي معه صوصات وقصدير وصحن قصدير للكب الديكور ممتاز السعر جدا مبالغ فيه نصف حبة صغيرة مقلوبة بـ 35 ريال حجم الدجاج تقريبا 700G نصف حبة برياني 30 يعني الحبة 60 ؟؟
اراء المتابعين
التقرير الأول
طلبي كان : مجبوس دجاج وسط ( يعني نص دجاجه ) ممتاز لكن سعره غالي شوي 33ريال. جريش صغير 7 ريال لذيذ لكن الكشنة تحتاج تطوير او تضاف الكشنة العادية. الخدمة ممتاز و المكان نظيف و أنيق. يضيف معه صوصات
التقرير الثاني
بسم الله الرحمن الرحيم ((اسعد الله اوقاتكم بكل خير يوم جميل من مقلوبة الطيبين كانت لي دعوة مميزه و المكان بشكل عام جميل و مميز الطعم لذيذ للمقلوبة كذلك المكان واسع يوجد جلسات عربيه واسعه و مريحه كذلك طاولات المكان تنسيقه مميزه بين الماضي و الحاظر يشكرون على التقديم المميز والطعم الرائع اخليكم مع الصور تجربه رائعه )))
التقرير الثالث
مطعم يقدم طبق المقلوبة بعدة أشكال. جربت مقلوبة الطيبين دجاج وكان الطعم للأمانة لذيذ والدجاج طيب. والجميل طريقة التقديم المميزة حيث يتم وضع الطبق داخل كرتون ومعه الصوصات المجانية(٢) وفي أسفل الكرتون صحن قصدير لتناول الطعام وسفر وملاعق وشوك مغلفة.. تجربة جميلة ستتكرر بإذن الله
التقرير الرابع
المطعم بشكل عام جميل ولذيذ اكله الله يسعده الموظف السعودي قمة بالاخلاق وخدوم نصحني بكم طبق رائعين👌🏻👌🏻المطعم ممتاز جدا جدا ونظيف وسريع في الخدمه وبصراحه اللحم ممتاز جدا يكفي نفرين وبلدي نتمنى لهم التوفيق والاستمرار
التقرير الخامس
جربت عندهم الغداء،نص برياني دجاج ووسط لحم مقلوبه،مقلوبة اللحم كان الهبر منه قاسي بس الي بالعظم لذيذ ولين ولاكان فيه الاقطعه وحده لحم بعظم الباقي كله هبر ولافيه كوسه والباذنجان جيد،الدجاج جيدلكن الرز جميل جدا بالكشنةوالحركات،صوص الطيبين الاخضر حلو,سلطةالزبادي عادية،الخدمةعادية،الجلسات مب حقت رز وتاكل بيدك،مافيه لبن الالبن نوع واحد يبيعه بمكينةالعصير لويوفرلبن معلب افضل، الاسعار مرتفعة،اكيدابرجع له ابجرب شي غير الي طلبته بس راح اكرر برياني الدجاج
التقرير السادس
ماشاء الله اروع مقلوبة ذقتها بصراحة شغل مضبوط والله وخاصة السلطات اللي معها السعر غالي شوية بس يستاهل نظافة المطعم والطعم اللذيذ شكراً ادارة المطعم شكراً استاذ محجوب طلب مقلوبة ربيان صغير صراحة لذيييييذه وكميه الربيان مع الرز ممتازه تكفي لشخصين او ثلاثه والسعر ب ٣٠ ريال بصراحه سعر جداً ممتاز على الشغل العدل والكمية انصح به وبشده والله يرزقكم
التقرير السابع
مكان المطعم ممتاز، المطعم فيه جلسات أرضية وجلسات طاولات. مافي مكان للعوائل. الأكل لذيذ لكن الكمية ليتها تكون أكثر اللحم والرز السعر جيد الاكل لذييييييذ جدا والاسعار معقوله و البكجنق جميل جربت المربين و البرياني وايدام الباميه وصراحه خييال يعطيهم العافيه
التقرير الثامن
طلبت نصف حبه مجبوس الاكل بارد جدا وطعم الرز عادي جدا والسعر غالي جدا ولايوجد اي تميز نصف حبه ٣٣ ريال والطلب المحلي مايجي لابصل ولاليمون ولا ماء المطاعم يعطونك بصل ليمون وماء وهذولا السعر غالي ولايعطونك شي والرز قليل مايشبع بزر سلامات اقسم بالله فيه مطاعم نصف ١٥ ريال وافضل منه بكثير واحسن حاجه فى المطعم جلسته العلويه فقط وهذي اول مره ادخل هذا المطعم واخر مره البديل موجود وارخص فى السعر وافضل بكثير
