مطعم شبابيك السليمانية بالرياض (الأسعار+ المنيو+ الموقع)

مطعم شبابيك السليمانية بالرياض من المطاعم المفضله عندي خدمه ممتازه واكل لذيذ والجو العام مريح جربت الجلسات الداخليه والخارجيه كلها حلوه بس الخارجيه افضل حتى بهالوقت حلوه

• الإسم: مطعم شبابيك السليمانية بالرياض
  
• التصنيف : مجموعات/ أفراد
• النوع : مطعم لبناني
• الأسعار : متوسطة
• الأطفال : مناسب
• الموسيقى : يوجد
• مواعيد العمل:٩:٠٠ص–١:٠٠ص
• الموقع الالكتروني : للدخول للموقع الإلكتروني للمطعم إضغط هنا
• الموقع على خرائط جوجل : للوصول للمطعم عبر خرائط جوجل اضغط هنا

عنوان مطعم شبابيك السليمانية بالرياض

PP44+RQ، 7178 شارع الأمير عبدالعزيز بن مساعد بن جلوي، السليمانية، الرياض

رقم مطعم شبابيك السليمانية بالرياض

966920003945+

أفضل أطباق المطعم

المكان زرته بالنهار يفتحححح النفس

-طلبت كباب بالرمان خووورافي معه رز ابيض
-عرايس باللحمة حلوووه معها حمص صغير
-فتة باذنجان مررره حلوه معها قطع كباب صغيرة
-سلطة التبولة حلوةة
-سلطة الروكا جميله جدا

الخدمة حلوه جدا والاكل لذيذ 👌🏻❤️😍

ورق العنب حليو
الكبه مااعجبتني صراحه
الشيش برك لذييييذ
الشيش طاووق لذيذ
الكباب لذيذ
كباب الرمان لذيذ وحامض عجبني
الريش روعه
الحمص لذيذ
الحلى اللي جريته
ام علي لذيذه جداً
كيك تشوكليت لذيذه
الحجز عن طريق ماي تيبل ياخذون منك ١٥٠ ريال وبالفاتوره يخصمونها

منيو مطعم شبابيك السليمانية بالرياض

تقارير المتابعين للمطعم:

التقرير الأول:

-المكان أعجبني جميل جداً ومريح.
-طلبت كباب بالرمان يجي معاه رز ابيض لذذيذ ججداً جججداً -التبولة وزنية الحموضة شوي زايدة-سلطة الشمندر عادية-ورق العنب وحمص باللحمة اللي معاي مدحوه.
-الخدمة بطيئة الستاف عددهم قليل بالنسبة لزحمة المطعم.
-يتطلب حجز مسبق برسوم ١٥٠ ريال من تطبيق ماي تايبل وتخصم من فاتورتك وقت الحساب.
-ارجع له؟ ايه نعم يستحق ارجع له واجرب اطباق ثانيه.👏🏻

التقرير الثاني:

وصلنا المطعم من غير حجز لان حاولنا الأتصال هاتفياً ومافيه رد ولكن استقبلونا برحابه صدر وتقنية العيون المبتسمة 🥰 تعطي صدق في المشاعر وراحة وأخبرونا أن الحجوزات من تطبيق ماي تيبل اخذونا لطاوله خارجية جميلة ولكن رغم الرذاذ والتكيف الخارجي إلا أن جو الرياض هذه الفتره لا يطاق يحتاجون زيادة تكيف ارضي طلبنا طاوله داخليه لكن كلها عليها حجوزات طلبنا مشاوي مشكلة مع ريش و حلوم وتبولة الطعم رائع وجودة الطعام واضحة وخاصة الحلوم خدمتهم سريعة ولطيفين لأبعد حد نشكرهم على جمال المكان والنغمات الشرقية الرائقة والخدمة الطيبة والطعم اللذيذ 🥰💞🌹

التقرير الثالث:

المكان جميل وجوه زين
طلبي كان كباب رمان لذيذ جداً ١٠/١٠ لكن المؤسف ان الرز اللي يجي معه قليل جداً جداً.
وسلطة فتوش لذيذ ومميز ١٠/١٠
وفتة باذنجان باللبن ٤ / ١٠

أسواء مافي المطعم الويتر مستفزين بشكل عجيب عينهم ع الطاوله بشكل مزعج من غير انهم كل شوي يجيك احد يسألك تحتاج شي. لا ياخي م احتاج بس فكني شرك.
ولا يجيك يتلقف ويفتح الببسي ويكبه ع الثلج ويوزع السلطه كذا من نفسه وانا لا طلبته ولا شي

من قوة م نرفزني جلست اناظره واشوف وش اخرتها معه.

التقرير الرابع:

المطعم بشكل عام جميل
رحتله برمضان كان ست مينيو
الاكل لذيذ مره👏🏻
سعر الشخص مقابل التنوع والخدمه ممتاز
الموظفين الي يقدمون الاكل ممتازين
المشكله الي واجهتها كان مع الاستقبال قبل لااروح حجزت عن طريق ماي تيبل اتصلو واكدو الحجز وبعدها اتصلت على المطعم وتاكدت مره ثانيه لان صعبه الواحد يوصل ولايلقى الحجز وهو برمضان
لما وصلت وقلتله اسمي ووريته الباركود للحجز قال حجزك ملغى وراح اعطيك طاوله من عندي قمه فالاحراج قدام الي معي وقدام الناس الي بالانتظار بعد ماجلست وافطرت دق على جوالي وقال وينك تاخرتي عن حجزك قلتله انت تو اكدتلي ان حجز ملغى كيف؟ ردة فعله بارده 👎🏻

وللإضافة السريعة اضغط هنا