مطعم كبسة منى بالرياض صراحة شغلهم إبداع ونظيف وواضح متكلفين صراحة الله يعطيهم العافية ويبارك لهم عكس مطاعم الرز التجارية، وأسعارهم بالنسبة لجودة الأكل مقبولة جداً..
طريق الصحابة، اليرموك، الرياض 13251، المملكة العربية السعودية
رقم مطعم كبسة منى بالرياض
966530920222+
مطعم راااااائع من حيث الأداء و النظافة والخدمة وسرعة الاستجابة .. جربت من عندهم ورق العنب والمصقعة كنت جداً رائعة وخاصةً المصقعة كانت فوق الوصف ويكفى أنه بأيدي أخواتنا سعوديات .. الله يوفقهم ويرزقهم من واسع فضله
كبسة منى: ١٠/١٠ عجبتني جداً مافيها زيوت، الرز والبهارات موزونه والدجاج مطبوخ بالدرجة المطلوبة نفس اكل البيت.
إيدام مشكل: ١٠/١٠ جميل جداً وموزون والكمية ممتازة جداً مقارنة بالسعر.
محاشي مشكلة: ١٠/٨.٥ رائعة الصراحة وافضل من المنافسين ولكن الملاحظة البسيطة ان زيتها زايد شوي.
طلبت دجاج كابلي ، الرز ملون ومليان صبغه والطعم اقل من عادي، لايمت للكابلي بأي صلة، عن نفسي اعتبره تظليل وغش لما تسمي وجبة وتطلع مالها علاقة في المسمى، بالنسبة لي تجربة لن تتكرر.
إضافة إلى التعليق بعد الرد :
تجاوبكم وردكم ع تعليقات العملاء واخذها في الإعتبار أمر جيد وهذا يطور من شغلكم ، برفع التقييم نجمة من أجل ذلك.
لاول مرة ازور مطعم نسائي ، طلبي كان مقلوبة دجاج نصف حبة ، الطلب لم يأخذ وقت طويل اتوقع انه كان معد مسبقاً لانه كان بارد جداً جداً فقمت بتسخينه عندما وصلت للبيت !!!
المقلوبه بالعادة تتميز بالخضروات المنوعة هنا لم اجد سوى شريحتين باذنجان ! وبطاطس وشريحة! صغيرة من الطماطم
الرز لاباس به والملح بقدر مناسب فالاكل يتميز بان له نكهة طبخ البيت وليس كرز المطاعم
الاسعار جيدة .
اتمنى اخذ الملاحظات بعين الاعتبار لكي ازوركم مرة اخرى 👌
طلبت كبسة منى (نص دجاجة)
الكبسة ممتاااااااازة لذيذة صراحةً والدجاج نظيف ولا فيه زفره
ملاحظاتي
ياليت تقلل كمية الزيت في الرز (ماهي زايدة حيل لكن يفضل تقليلها)
طلبت من المحاسب إنه يزود لي الكشنة والفلفل الحار اتوقع ولكن مازورد لي ولا شيء اذا كان ناسي الله يسامحه
لقيت ب قوقل ان عندهم منسف ومالقيت هالشيء في المنيو حقهم جوى المطعم
لازم يضيفون جلسات محلي اقل شيء لو طاولتين
يستاهلون الدعم
جيتهم للمطعم ع اساس محلي ماكنت ادري انه شغل بناتنا وللامانه ترددة اطلب ثم صملت وطلبة كبسة منى
ابدعوا وبيض الله وجيههم امانتا طبخ ثقه الرز كل حبة متزاعلة مع اختها نثري وكشنة الرز مالها حل وطعم الاكل نظيف اكل بيت والدجاج كذلك
ولو اني ماحصلة يشهد الله ولا غلطة ،، فوق ذاك بنانتا غلطهم عندنا صح ولا فيها شي نبدي لهم ملاحظتنا وبيعدلون لا تنسون الاذواق مختلفه وماراح يقصرون بيحاولون يرضون كل الاطراف ولكن الصبر مننا مثل ماصبرنا على كذا مطعم بدون ذكر اسماء واكلهم مايسوا
الى الامام والله يوفقكم وييسر لكم انا جدا مبسوط ع الاقل احس اني اكل من بيت اهلي 👍🏻
وللإضافة السريعة اضغط هنا
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
