مطعم ميزو بالرياض واحد من المطاعم المميزة بالرياض ، مع كثرة المطاعم صار الطعم متشابه فيما بينهم ، لكن طعم ميزو مميز ولايغث بعد ماتخلص منه ، بالعكس تطلع شبعان ومبسوط .
زيارتي هالمره بالمطعم اللذيذ ميزو اللي جانا من الشرقيه للرياض –
المطعم ماشاءالله له شعبيه كبيره
اجواء المطعم والجلسات والديكور مميزين فيها سواء داخليه او خارجيه
–
حبيت جلسات الدور الثالث وكان لسى فاتح شرح 💛 –
اكلهم جداً لذيذ وبشهادة الاكل –
طلباتي –
سلايدر دجاج 42 ريال بمي ومقرمس 👌🏻
–
سبايسي شريمب 58 ريال
بيتزا ميزو بالباذنجان رهيبه تقدرون تطلبها نوعين نص 56 ريال
–
سلطة ميزو م67 ريال
–
باستا فارفالي بالفرن 65 ريال –
رزتو لذيذ مره انصح تجربونه
–
سوشي كرسبي شريمب 42 ريال –
المشروبات رهيبه خصوصاً المانجا مع الباشن فروت 😴
المطعم ثلاث ادوار اعجبني التراس الثالث .
جلسات خارجيه ممتازه 👌🏻
.
خبز البرقر يسونه. عندهم فرش🍔👌🏻
.
الموهيتو والايس تي طازج بوقته 🍹
.
مسموح للأطفال 👨👨👧👦
.
افراد-عوائل .
مصعد خاص من مواقف السيارات ع طول يدخلك ع المطعم
.
يوفرون خدمة توصيل على كاريدج 🚙
المكان رايق وقت الغداء ، والجلسات الخارجيه مهيئه بتكييف و رذاذ ، الاكل دسم طلبنا كان سلايدر دجاج ( طلبنا مشوي و جابوا لنا مقلي طعمه عادي ومليان زيت ، بيتزا ميزو لذيذه انصحكم فيها و لازانيا لحم دسمه و الكميه قليله جداً ع السعر ، طلبنا ترافل فرايز و انصدمنا يوم وصل مافيه الا 3 قطع ترافل و تحته بطاطس عاديه و طلبنا يكنسلون الطلب ويرجعونه و تعاونوا معنا ..
الويتر يجيب اطباق غلط ف انتبهوا ..
رائع الطاعم الخدمة الاسعار الاستقبال كل شي رائع ، طبق الڤيل اسكالوب اكثر من رائع ، يستحق الزيارة ، شكرا للجميع ، ملاحظة مكيف الدور الثاني بارد جدا !!
بكتب تقييم مفصل للمطعم، اضغطوا على كلامي عشان يفتح لكم كامل
اليوم:
ويكند الجمعة الساعة ١٠ المساء
مدة الانتظار للدخول:
زحمة جدًا، تقريبا ٤٥-٦٠ دقيقة
الجلسات:
داخلية وخارجية، الخارجية يمكن ١٠ طاولات.. حنا اخذنا بالخارجية الاضاءة خضراء، مو مرة “رايقة” .. بس فيه مكيفات خليناهم يحولون واحد علينا وعشنا جو اوروبا 😂
المينيو: تلقونها في حسابهم في انستقرام mizo_ksa
مدة وصول أول طبق:
تقريبًا ٣٠-٤٠ دقيقة
طعم الأطباق:
– مكرونة بيستو، ومكرونة مشروم وجبن ( جميعها مالغة مالها طعم.. المشكلة انه مطعم ايطالي وحتى الملح مانفع فيها.. البيستو كأني قاعدة آكل ثيّل .. ما ضبطوها وصارت عبارة عن طعم اعشاب ) التقييم ١/١٠
– شوربة المشروم.. لذييييذة جدًا والكمية كبيرة، صراحة حبيتها وانا اصلا ما احب شوربة المشروم، التقييم ٨.٥/١٠
– دجاج سكالوبيني .. لذييييييذ جدًا بصراحة أحلى طبق طلبناه.. المكرونة اللي معاه طعم اندومي ماكانت جيدة.. التقييم ٩/١٠
– بيتزا ميزو الخاصة.. بصراحة حليوة، اللي معاي اعجبتهم مرة بصراحة مقدر اقيمها لأني ما احب الباذنجان
الأسعار:
تتراوح اسعار اطباقهم بين ٦٥-٧٥ ريال.. واطباق الدجاج واللحم مابين ٨٥-١٠٥ ريال
الخدمة:
سيئة جدًا جدًا جدًا.. طلبناهم كاسات ٣ مرات ولا جابوها الا بالاخير .. طلبناهم صحون للشوربة عشان نتشارك الشوربة ماجابوها واضطرينا نتشاركها بالصحون المسطحة .. المشكلة من قوة البجاحة بعدما دفعنا جانا الويتر يبينا ندخل الموقع ونقيمه 😂😂
التقييم الإجمالي:
٣ من عشرة .. لا يمكن تجاهل إن مطعم ايطالي مايعرف يضبط المكرونات 🙂 .. لا يمكن تجاهل الخدمة السيئة والبطيئة عندهم .. ماراح ارجع عندهم اكيد
المطعم جميل يعتبر ايطالي وماكولات عالميه
– جلسات داخلية وخارجية
– قسم أفراد وعائلات الدور الارضي افراد والطابق الثاني عوائل(مغلق) والطابق الثالث جميل جدا ويفضل زيارته في اخر العصر او الليل مفتوح 🙋♂️🙋♀️
– خيارات الأكل برجر و ستيك ومكرونة ومقبلات لذيذة 🍰🍔🍟 🍝🥩🥗
– يوجد موسيقى 🎻
– الأسعار تعتبر نوعا ما مرتفعه 💰
– إمكانية الدفع بال💳
-تسهيلات الدخول والتنقل لذوي الهمم✅
-وجود صور للأطباق في المنيو❎
-المنيو الكتروني✅
هل سأكرر الزياره – نعم
هل أوصي بتجربتة – نعم
تجربتي: جربت من عندهم –
سلطة ميزو جميل جدا ولذيذه مرره انصح فيها 👍🏻
وباستا فالفلي كذلك انصح فيها طعمها لذيذه صحيح يعتبر سعرها نوعا مرتفع لكن تستاهل👍
ستيك كورتادو بالماش بيتيو لا انصح فيها وسعرها بصراحه غالي مقابل الجودة والكمية وطعم اللحم سيىء
عصير موهيتو باشن جميل ولذيذ
تجربه رائعه للمكان جميل وشرح والديكور راقي وخصوصا الطابق الثالث شرح وجميل ويفتح بس اهم شي تختارون الجو المناسب علما انه مغلق سقفه
ولا انسى الموظف divlar قمة في الذوق ومؤدب وباله رايق للي يحب يسأل ويستفسر 😀
وبالعافية ❤️
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
