جورميه كآفيه بالرياض جميل والاجواء لطيفة بسبب جهاز ملطف الجو اعتقد والموظفين برضو اعتقد يحتاجو ينتبهو انهم ما يتحمسو ويرفعو اصواتهم 🤣 سمول بانكيك لذيذ وفلات وايت ايضا لذيذ وموزون .
فيه اوقات يكون هودء لكن حقيقا يجي فيه كل الناس انت وحظك انا لحقت مدرسة تختبر طالبتها كان صوتها هادي الصراحه وكيوته😙 وام فاتحه مدرستي لولدها وتذاكر له وناس احتفلو بعيد ميلاد (عيد ميلاد سعيد لك🌟💃🏽)
عموما عادي اكرر الزيارة بس بنتبه انه يكون هدوء.
من افضل 10 كافيهات عوائل شرق الرياض
الموقع📍:
حي التعاون.
_يوجد قسم أفراد وقسم عوائل.
_يسمح بدخول الأطفال👼.
_جلسات داخلية وجلسات خارجية.
_لا يوجد بارتشن.
الطلب:
١_قهوة عربية ٢٠ ريال ١٠/١٠❤.
٢_موهيتو ١٥ ريال ٧/١٠.
٣_كيكة كراميل ٢٠ ريال ٣/١٠كأنها كيكة سوبر ماركت👎.
٤_جورميه وافل ٢٠ ريال ٧/١٠.
٥_جورميه ميني بان كيك ١٥ ريال ٨/١٠.
٦_شاي أحمر بالنعناع ٧ ريال ٩/١٠.
ملاحظة:
×الخدمة بطيئة.
×الديكور جميل والجلسات رايقة جدا.
×الأسعار رخيصة.
كوفي كبير وجلساته متنوعة
الجلسات الداخلية بقسم الشباب غير مريحة
طلبي كان
١- سبانش لاتيه ساخن : عادي جداً
٢- سباتش لاتيه بارد : حلوو بناء ع تقييم صاحبي
٣- سان سبستيان : نكهة البيض فيه ضااربه وهي الي مخربته
٤- رد فلفيت : ماجربته لكن صاحبة يمدحه
الغريب انهم مايعطون فاتورة !!
الشباب الي ياخذون الطلبات متعاونين وبشوشين ( الف تحية لهم )
الله يسعدك وين ماتروحين ابى كوفي يسوي حفله وبدون عربون واسعارهم حلوه بليييز
السلام عليكم عندي ملاحظه واللي هي الخدمه جداً سيئه يعني مو معقوله يجي الويتر يعطيني الأيباد ويخليني اطلب من نفسي ويروح ولا يرجع ! الا لما رحت لهم وطلبت يجون يأخذون طلبي !! أتمنى تنتبهون على هالملاحظه وفِي شي ثاني بعد الا هي كيف تسمحون بالتدخين في قسم العوائل وقدام الأطفال ! مو فاهمه ابد وهذا غير ممكن تلوث الاكل بعد
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
