إذا كنت تبحث عن مطاعم على طريق أنس بن مالك فهنا تجد خيارتنا لأفضل المطاعم الموجودة بالقرب وعلى طريق أنس بن مالك حسب تقييمات الزوار وتجربتنا في تغطية خاصة لعيونكم
تقرير متابع:
بياتو مطعم إيطالي من الطراز الرفيع الباستا والبيتزا تعطيك شعور وكانك في روما أو ميلانو ممتاز ايضاً للعائله، وجو رائع خصوصا في الفرع القريب من سوق اليورومارشيه ايكون المكان المفضل للاشخاص التي تريد أن تشعر بأجواء إيطالية متميزة.
للمزيد عن مطعم بياتو اضغط هنا
تقرير متابع:
جربت وجبة الدويتو لذييذه صراحة تكفي تقريباً4 اشخاص واكثر، لكن الاسعار مرتفعة ، مكتوب في المنيو انها ب170 واذا طلبتها صارت ب204! طلبت توصيل للبيت سعر التوصيل 10 ريال.
ومرة ثانية طلبت وجبة دويتو وكانت الكمية كثيرة وراهية يشكرون عليها، كذلك فيه تنوع (نوعين سمك، روبيان مشوي ومقلي وكالاماري، رز أبيض وصيادية بالإضافة لطبقين شوربة). الرز لذيذ أما الأكل البحري جيد جدا لكنه غير مختلف عن الباقي (غير مميز). السعر مقبول وأنصح بالمطعم. المشكلة بأني حسيت الأكل جدا ثقيل بعد ما خلصت.
للمزيد عن مطاعم اسماك الزيتون في الرياض اضغط هنا
تقرير متابع:
الخدمة جيدة والاستقبال ممتاز
الشاورما طعم جيد
الشاورما بالخبز الالماني ممتازه
اللحم جيد بالخبز التركي
والحشوه راهيه
الاسعار لطبق صحن اللحم مرتفع
يعيبه البطاطس المكعبات غير ناضج
التغليف جيد
المواقف غير متوفره بسهولة
للمزيد عن مطعم شاورما دونربير اضغط هنا
تقرير متابع:
مطعمي المفضل جدا ،احب بيتزتهم كيف خفيفه ولذيذه لو الشخص جيعان مره ممكان يخلص بيتزا كامله بالراحه ، اتمنى بس يحطون خيار عدم وضع الفلفل على بيتزا بيتزاراتي في تطبيقات التوصيل
للمزيد عن مطعم بيتزاراتي اضغط هنا
تقرير متابع:
بيتزا لذيذة وخفيفة ولا تحس أنها ثقيلة على معدتك وجميله جداً
طبعاً ضروري اذا جيتهم لازم طلب جانبي الي هو الازانيا لحم
طبق جبار وشيء مرتب ويستاهل
جربنا شاورما اللحم الكلاسيك و الباربكيو والموزاريلا و بيتزا السوبريم والثوم وكل وحدة تقول أنا أحسن. أبدعو الله يبارك لهم. يستحق كل ريال وبإذن الله نلقاهم بكل مكان
للمزيد عن مطعم بيتزا ارا اضغط هنا
تقرير متابع:
المكان حلو والاسعار مرره مناسبة والبرجر لذيذ بس المشكله كنا طالبين محلي وتأخر الطلب ماوصل حدود الساعه وحنا ننتظر وغير كذا الاكل جاء بارد وخصوصا البطاطس🙃 المفروض ع ذا التأخير يجي كل شي مضبوط💔 وزمن الكورونا لازم تكون فيه معقمات بالمكان لكن للأسف مافيه
للمزيد عن مطعم جولي برجر اضغط هنا
تقرير متابع:
الرومانسية مطعم معروف ومشهور وفروعه كثيرة جدا فالرياض، طلبت منه مره مثلوثة وكانت فعلا لذيذة وطعم الجريش فيها ممتاز وعجبتني ايضا البصل المحمص او المكشن الي حاطينه على الرز، ايضا طلبت منهم مندي لحم نص تيس وكان فعلا لذيذ وبيض وجهي قدام ضيفاني، رز البشاور عندهم تمام التمام ما شاء الله تبارك الله، ينفع ايضا تروح لحالك او مع صاحبك، يعجبني فيهم ايضا الطلب ما ياخذ وقت كثير يعني بالكثير عشر دقايق والطلب جاهز، باقي بس اجرب الكنافة عندهم واتوقع لذيذة
للمزيد عن مطعم الرومانسية اضغط هنا
تقرير متابع:
سلطان أحمد مطعم تركي صغير نسبيًا وفيه قسم للعوائل يحوي على بارتشن ومن دون موسيقى وقسم خاص للأفراد، المطعم مهتم بالنظافة ونظيف وديكوره جيد ليس سيء، العاملين بالمطعم متعاونين وأسعار المطعم جيدة، بالنسبة للأكل:
ورق العنب كان متوسط، طعمه عادي جدًا واقل من العادي بعد، الحمص جيد والخبز معاه كذلك ليس سيء، البطاطا الحرة ليست سيئة ولكن ما كانت جيدة جدًا، عصير المانجو كان حلو بس الليمون والنعناع كان اقل من العادي.
المشويات ممتازة وباقي الأكل جيد.
مطبقين للإجراءات الاحترازية ضد كوفيد-١٩ وعندهم خدمة “سفري”
في حال بقي أكل، يفضل تأخذه معك.
عندهم معظم المأكولات التركية.
للمزيد عن مطعم سلطان أحمد اضغط هنا
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
