إذا كنت تبحث عن افضل مطاعم المعذر فهنا تجد خيارتنا لأفضل المطاعم الموجودة في حي المعذر بالرياض وذلك على حسب تقييمات الزوار وتجربتنا في تغطية خاصة لعيونكم
مكان رائع من جميع النواحي، الشاورما والمشاوي والفطائر والبيتزا كلها لذيذة، الخدمة جيدة والاسعار مناسبة.. مايمر اسبوع الا وازوره مرتين عالاقل 
تعامل لبق ورايع. ٤نجوم للمشاوي وتعتبر جيدة عدا الريش كانت محروقة المكان متواضع ويعتبر المذاق لدي أهم من الديكور فاتحين لوقت متأخر من الليل وهذا جيد بالتوفيق لهم.
تقرير متابع:
اسم المطعم مدري حسيته غريب شويه و مو لايق تعرفت على المكان صدفه و كانت احلى صدفه كنت قريبه من المنطقة و دخلت جوجل ابحث عن مطعم فيه جلسات عوائل حبيت المكان رايق و متكتك ♥️ الخدمة ممتازه مع انو كان زحمة المطعم صغير جلساته محدوده و مفتوحة و الاسعار ممتازه جدا و مناسبه أكلهم لزيز حبيت الشاورما مررررره طلبت وحده و رجعت طلبت تاني قبل اطلع 
♥️ و عندهم المعجنات لزيزه خصوصا القشقوان ♥️
طلبت بيتزا بس عاديه ما حبيتها و ان شاء الله ارجعلهم تاني اجرب الفطور و الغدا و باقي الحاجات الحلوه ♥️
للمزيد عن مطعم روجينا اضغط هنا
من المطاعم الجميلة جددا برجر اللحم لكن اللي ما يحب الدسم او العشا الثقيل انصحه ما يتعشى من عندهم، ولكن يقدم برجر بطعم لذيذ وشهي.
مطعم جميل جدا ونظيف عندهم برجر اللحم وعندهم دجاج كلها حلوه والبطاطس لذيذة، وتكون قائمة الطعام متنوعة وبأطعمة لذيذة وبأسعار معقولة ومناسبة لجميع الاشخاص.
تقرير متابع:
جربت وجبة همبرجر لحم
برجر ديلوكس مع جبن. خبز
برجر اللحم كان جيد، وأعجبني البطاطس
مطعم رائع، جوده عالية، واكل لذيذ، ما في زحمة، عريق جدا
ممتاز جداً تتبيله رائعة للحم وصوص جميل وخبز برجر ممتاز ورائع الخبز العادي اقصد وليس خبز البطاطس ،،
اما البطاطس جيد اذا صار مستوي زياده كرانشي ،،
تاريخ طويل في عالم البرجر ويظل من الافضل بلا شك في الرياض رغم م امر به من اخفاق في السنوات الأخيرة الا انه بدأ يعود من جديد ….
للمزيد عن مطعم البطريق اضغط هنا
تقرير متابع:
اخذ من عندهم صوص اويستر سبايسي ودجاج بالرز جداً لذيذفرع التخصصي بس فرع السويدي كم طلب كان يحينا ملوحه الصويا مره مالحه
الطعم الذ مطعم صيني ولكن للأسف كل فرع له طعم مختلف عن الثاني بمعنى تحصل فرع لذلذ ودرجه استواء الدجاج معقول بالمقابل تحصل فرع ثاني الدجاج ني ويحتاج لطبخ اكثر اضافه لو يخفضون السعر شوي بيكون ولا اروع
للمزيد عن مطعم يمي ووك اضغط هنا
تقرير متابع:
مطعم بيتزا عالسريع وتشكيلة متنوعة من البيتزات واللازانيا والمكرونات… انصح فيه لمحبي البيتزا
بيتزا بنكهة الحطب حبيت العجينة لذلك.
منافس لمحلات البيتزا المماثله له جيد
الباستا كذلك طعمه لكن عندي ملاحظه اتكنى يلتفتون لها مبكرا قبل ما يلتفت لها الكثير الا وهي وضع الباستا بالقصدير اولا مضر وخطير على الصحة..وثانيا الباستا اغلبها والجبن تلتصق في القدير تمنع متعة الاكل.
للمزيد عن مطعم ليتس بيتزا التخصصي اضغط هنا
رز ابيض او برياني .. مع دجاج مقلي او لحم وخضروات وكاجو
تقرير متابع:
انا دايما اروح واكلهم مرا يجنن بس زعلني المحاسب اليوم لا حط لي مشروب وسحب من صرافتي ٢٨ وطلبي١٨ ورجع لي٩ ريال ويزبد لي فوق ذا ع الريال اللي باقي لدرجة طلعت ولا لي خلق اتناقش معه بس ممكن معد ارجع اطلب منهم بسبته لانه فعليا يسلك دايما بس اليوم فككها شوي 
!…
للمزيد عن مطعم كانتون اضغط هنا
مطعم يتميز بالساندويتشات الإيطاليه ومتوفرة بحجم الميني ايضا ويتميز باسعار معقولة، أفضل طلب الحلومي.. وخيار جيد البوكسات المتنوعة للإفطار الجماعي
تقرير متابع:
ساندويتشات باستخدام خبز بنيني حسم كلام الطباخين انهم يعدونه بانفسهم بشكل يومي ، فيه فطور وغدا وعشا واحجام السندويتش مختلفة ما بين صغير ب ٦ وكبير اعتقد ب ١١ .. الاكل عندهم لذيذ جدا بامانة الحلوم والدجاج الايطالي انصح بتجربتها وبقوووة شاورما لذيذة وبيض برضو لذيذ المهم انك تقوله لا يكثر ماينيز لانهم كريمين فيه صراحة ويخرب الطلب .. تجربة لن تندم عليها باذن الله
للمزيد عن مطعم ساندويتش بنيني اضغط هنا
مطعم ممتاز ونظيف دجاج فحم لذيذ السلطه الحاره ابداع من الاخر طعم مارح تنساه
تقرير متابع:
الدجاج المندي والمطبي – واللحم المندي عندهم ممتازه وطبخهم مميز وافضل شي يميزه عن المطاعم الثانية اللي هو ( رز المندي ) عندهم ابداع لا يوصف للامانة ..
يقدم شوربه لذيذه لجميع رواد الطلبات المحلية مجانا مندي اللحم والدجاج رائعين …اضافه الي اامثلوثه
للمزيد عن مطعم المئوية اضغط هنا
الاكل جيد ومتنوع المكان رايق الموظفين محترمين وخدومين وهاذا المهم والي يخليني ارجع للمكان كم مره
تقرير متابع:
انصح الجميع به ولكن الاسعار لكي اكون صادق مع الجميع مناسبه لمن لديهم دخل متوسط ولكن المكان من اجمل المطاعم الراقية من ناحيه الجلساات وتقديم الطلبات عندهم شي جمييل كما انه يناسب الازواج جدا مكان شاعري و رومنسي 
كما وجدت به راحه نفسية من ناحيه المكان و طريقة التصميم ولديهم جمييع الاطباق الايطالية وغيرها 
للمزيد عن مطعم ترايدر فيكس اضغط هنا
جميع الحقوق محفوظة لموقع كافيهات و مطاعم الرياض © 2024 - Privacy Policy - اعلن معنا
